1 SAMUĔL 1:3 - TÖHET LĪPÖRE (Re-edited) Bible (BSI)

³ Ngaich anga-aṅ ngòh tarik nö ṙā-ang ip elpanamre nö kaheuk samyeūheu nö chuh Sailō nö vë-ekūötēv kētö tökētu inrē nö im Mā Tēv yip tömaṙôngö. Umuh inrē nak kikōnyö kūön Ēlī, Hōfni, Finehas inrē, kūönṙô ngam Mā Tēv.

1 SAMUĔL 1:3 Referans Kwoze

T. LŪKÖS 2:41

Ngaich minā yöng Ò nö örhĕnghang samyeūheu röön, nö chuh Yerūsalem hē ap paratīn paska.

YÔSUĀ 18:1

Ngaich keuheūtlöre yik tömaṙôngö kūön Israĕl nö hamūlöre nö i Sailō, ngaich asöklö nuk rūkui manūlö nö umuh: ngaich ngam panam nö elkatòh cha.

MANEUTNYI 34:23

Lūöi heuh min i tö hĕng samyeūheu yip kikōnyö in meh nö hameuktöre nö i kūö ngam Mā Tēv, ngam Tēv Israĕl.

MANEUTNYI 23:14

Lūöi heuh yin min haköpkö tökiröng sakāmö in Chu i töhĕng samyeūheu.

1 SAMUĔL 1:21

Ngaich kaheuk samyeūheu ök tarik Elkānā tö yik aṅ patī ò inrē nö chuh im Mā Tēv nö kētö tökētu, inteungngö töchūöku kinlēḵngô ò inrē.

1 SAMUĔL 1:9

Lökten Hëna nö choholre tö kinheūtökūö cha nö nyā nö i Sailō, tö kinheūtökūö cha inrē nö òk. Ūichhakṙen ök kūönṙô Ēli nö el ök anūchöre ik inkūp i rööntö machööḵlö ök töhet chūök ngam Mā Tēv.

I. CHÖNGÖ 16:16

Ṙòkhöre yip kikōnyö in meh min nö lūöi heuh i töhĕng, samyeūheu nö hameuktöre nö i kūö ngam Tēv meh ngam Mā Tēv ip chūökö atöllö ò min; ip tökiröng nyinā-aṅ töt aföhlöng rôtī, ip tökiröng nyinā-aṅ afta, ip tökiröng nyinā-aṅ inrūkui inrē: uh cha-a nö hameuktöre nö i kūö ngam Mā Tēv nöng chanlööpṙen:

KAMHÔKA 18:31

Ngaich cha-a nö asöklö ök insā tēv Maika ök vahī ò, i rô-òten ök patī ngam Tēv nö i Sailō.

Salmai 78:60

Lökten Anga-aṅ nö ṙāngö ök inrūkui Sailō: ök inrūkui ṙahātö Ò nö i tarik.

1 SAMUĔL 4:11

Kē-ĕ ök kasòng chöngö ngam Tēv; fëlö inrē nak tönët tak kikōnyö kūön Ēli, nā Hōfni nā Finehas.

1 SAMUĔL 4:4

Lökten yik tarik nö tīnngö chamuh Sailō, ngaich ṙā-ang umuh cha-a nö kumtö ök kasòng kinlēḵngô ngam Mā Tēv yip tömaṙôngö, ök mi-ikui nuk kërupim: umuh inrē nak kikōnyö kūön Ēli, nā Hòfnī nā Finehes in ök kasòng kinlēḵngô ngam Tēv.

1 SAMUĔL 3:13

Pò chu ngāichö ṙô in ò tö chu min örhēuheu akah fālen öp patī ò, tökūö öp mikahlōn ò tökööl, Pò nap kūön ò kikōnyö nö kētö kuire tö rinūtngövah, ngaich rö-ö anga-aṅ nö tumālö cha.

1 SAMUĔL 2:34

Ngih ön min minkahtökūö meh, nö tameunghö kui nap kūön meh min, i kui Hòfnī, i kui Finehas inrē; nëtre taka nap min nöng hĕng sumkam kinpaha.

MANEUTNYI 23:17

Lūöi heuh i töhĕng samyeūheu, ṙòkhöre yip kikōnyhökūö meh i kūö ngam Mā Tēv nö hameuktöre min.

KAMHÔKA 21:19

Ngaich ngö ṙô cha-a, Yĕh meuk kaheuk samyeūheu öp paratīn ngam Mā Tēv i Sailō, öp lā kapā tö Pētĕl, lā chuhöt töp tökiröng talöökö chamuh Pētĕl nö söl Sīkem, lā lòhngö inrē tö Leponā.

1 SAMUĔL 2:19

Hēk inrē ök kikānö yöng ò nö vī kun tö aṙū-uti inyut ngaich kaheuk samyeūheu nö kē-ĕti nö in ò, yē ò nö yih nö holröön ök pīhöre nö kētö tökētu i töhĕng samyeūheu.

1 SAMUĔL 14:3

Ngaich Ahīchā, ök kikōnyö kūön Ahītöp, mëm Ichapōt, ök kikōnyö kūön Finehas, ök kikōnyö kūön Ēli, kūönṙô ngam Mā Tēv i Sailō, nö hayūtöre tö sörplis. Öt akahalōn yik tarik tö Yônatan nö kiröönngöre.