1 SAMUĔL 1:28 - TÖHET LĪPÖRE (Re-edited) Bible (BSI)

²⁸ Lökten chin chū-ö inrē kēten ò im Mā Tēv; kētu an im Mā Tēv hanöng saha rô-òten ò nö aṅ. Salām ngam Mā Tēv ngaich cha-a nö umuh.

1 SAMUĔL 1:28 Referans Kwoze

Ranehlö 24:26

Ngaich ngam tarik nö sōnngö kuire, nö salām ngam Mā Tēv.

Ranehlö 24:52

Chalô tö e, hē ngam kūön alaha Aprahām nö hang minë ṙô cha, sōntökūöre ngaich anga-aṅ nö i ngam Mā Tēv nö el tumlat.

2 TIMÒTĪ 3:15

Ngaich man akahalōn tö ṙô nup töhet tökūichiyö hētentö nyinī-öṅ meh, nup tökô nö akaha tī tö meh nö im inyööken lökten im ṙinātö ellōnre in Kristū Yēsū.

1 SAMUĔL 1:11

Ngaich chūöku ṙô anga-aṅ nö kilēḵngöṙôre, nö ngö ṙô, Ō Mā Tēv tömaṙôngö, yē meh hōḵ ngëichkö kanihngen ngòh tarik meh kikānö, fēken chu inrē, un vāchi inrē ngòh tarik meh kikānö, kē-ĕkūö ngòh tarik meh pöri kikānö tö kikōnyö nyīö, ngaich kēten ò chū-ö min im Mā Tēv i rô-òten ò nö aṅ, hö-ö öp min nö kamöpka keūyö.

Ranehlö 24:48

Sōntökūöre chū-ö ngaich, ngaich salām ngam Mā Tēv, ngaich eū ngam Mā Tēv, ngam Tēv ap yöngṙen chu Aprahām, ngam mahachōten chu el ngam tölöng talöökö öich kē ngam kikānö kūön kahëm ap yöngṙen chu nö lumnööṙö-öp kikānö kūön kahëm ap yöngṙen chu nö lumnöörö öp kikōnyö kūön ò.

1 SAMUĔL 1:22

Hö-ö pöri Hëna nö kiröönngöre; pòn ngö ṙô anga-aṅ tök pīhöre, Hö-ö chin chū-ö hòṅ kirööngöre hanöng saha ngòh nyīö nö ṙā-aikūö nö pō, ngaich möl chū-ö min kumten ò hòṅ ò nö meūkö nö i kūö ngam Mā Tēv, ngaich urāḵngen nö höngngöh nö umuh.

1 SAMUĔL 2:11

Chuh patīre ngaich Elkānā nö i Rāma. Ngaich ngam nyīö nö meukṙen ngam Mā Tēv nö ikūö Ēli ök kūönṙò.

1 SAMUĔL 28:2

Ngaich Tāvit nö ngö ṙô tö Akis, Lökten man min akahalōn tö tī ngòh tarik meh min. Ngaich ngö ṙô Akis tö Tāvit, Lökten chin min vīlen meh örheūheu yōm ngih kui chu.

KINṘEŪKÖ 6:8

I rô-òten nup sakāmö ò nö haköhngenre töhet anga-aṅ nö i ngam Mā Tēv.

KAMHÔKA 7:15

Ngaich hē Kitīön nö hang vine-eny ngam heūvö, töp manah e inrē, ngaich anga-aṅ nö salām; havantöre ngaich anga-aṅ nö i elyöngö Israĕl, ngaich ngö ṙô, Choholre; tön kētö eltī yīö an ngam Mā Tēv tö yip kumyung aṅ Mītiā.

1 SAMUĔL 2:20

Hakôlò nāṅ Elkāna ngaich Ēli tö pīhöre nö ngö ṙô, Kētö kūön meh an ngam Mā Tēv i ngòh kikānö tökūö ngam töhaṙūöngka nö kētu nö im Mā Tēv. Chuh patīre ngaich cha-a.

INCHŌḴ-OṘÔ 31:2

Asuh, kūön chu kikōnyö? Asuh, aṅ el kanūönö kūön chu kikōnyö? Asuh, kūön chu kikōnyö im töchūöku kinlēḵngô?