1 SAMUĔL 1:19 - TÖHET LĪPÖRE (Re-edited) Bible (BSI)

¹⁹ Hōklöre cha-a ngaich nö ka-euilö kūö tö peuheū, vë-ekūötēv ngaich nö i kūö ngam Mā Tēv, ngaich havanngöre, yih ngaich nö i patīre i Rāma: in ök pīhöre ngaich Elkānā ang Hëna; köpölōn ngam Mā Tēv ngaich tö ò.

1 SAMUĔL 1:19 Referans Kwoze

Ranehlö 21:1

Ngaich sā ṙô re ngam Tēv nö chöhken Sëra, ngaich ngam Mā Tēv nö tī-iv nö in Sëra sā ṙô Ò sin nö ngaich.

1 SAMUĔL 1:11

Ngaich chūöku ṙô anga-aṅ nö kilēḵngöṙôre, nö ngö ṙô, Ō Mā Tēv tömaṙôngö, yē meh hōḵ ngëichkö kanihngen ngòh tarik meh kikānö, fēken chu inrē, un vāchi inrē ngòh tarik meh kikānö, kē-ĕkūö ngòh tarik meh pöri kikānö tö kikōnyö nyīö, ngaich kēten ò chū-ö min im Mā Tēv i rô-òten ò nö aṅ, hö-ö öp min nö kamöpka keūyö.

Ranehlö 30:22

Köpölōn ngam Tēv tö Rēchöl, ngaich hang ṙô ò ngam Tēv, ngaich löpnyökūö chūök kanūönö ò.

Ranehlö 4:1

Ngaich ngam tarik nö akahakūö tök pīhöre Ēva; pirūkö nyīö ngaich anga-aṅ, ngaich kayôḵnyen Kēn, ngaich ngö ṙô. Teūngen chin tö tarik hĕng tak i hinòlṙenre tö ngam Mā Tēv.

T. LŪKÖS 23:42

Ngaich ngö ṙô anga-aṅ tö Yēsū, Mā; köpölōn pömchö tö chu, yē meh yih im pūlngöre.

T. MĀKÖS 1:35

Ngaich im peuheū, ṙôngmö sangūla, choholre Anga-aṅ, kunyi-inyre ngaich; ngaich kiröönngöre nö chuh el-inchōn; in e ngaich nö ve-ekūötēv.

Salmai 119:147

Urēhĕkūö minlīlö peuheū chin, öich havë-a: i minë ṙô Meh chin meūka.

Salmai 55:17

Harap, peuheū, sakāmö inrē, öich ve-eny miṙivlōn re, aka-hare inrē: ngaich hang ṙô chu min Anga-aṅ.

Salmai 25:7

Uh man yēḵ köpölōn tö nuk tökööl nyinī-ö chu, un rēhĕn tö nuk tanôichngen chu: fēken chu asā ngam hanāngen neūkölōn meh, chööḵnyö tö ngam lanöökö meh, Ō Mā Tēv.

1 SAMUĔL 9:26

A Ka-eūilökūö cha-a ngaich nö hōklöre; b ngaich hē hanatlö ngam sakāmö, havëlen Sôl ngaich ang Samu-ĕl nö i kui patī, nö ngö ṙô, Choholre, hòṅ chu ngaich tīnngörit meh. Chōholre ngaich Sôl, ngaich nëtre taka cha-a nö kunyī-inyre, nö elkahôyö, anga-aṅ tö Samu-ĕl inrē.

Ranehlö 8:1

Köpölōn ngam Tēv tö Nō-a, ṙòkhöre nup tö-aṅ chehen, ṙòkhöre inrē nuā nuk hol ò nö ël ök chōng: ngaich ngam Tēv nö vī kuföt nö lökngökui ngam tumlat, kūönngöre ngaich minë mak;

Salmai 136:23

Ngam tö köpölōn tö hī hē hī lataṙeū: pò ngam mirēlōn Ò nö örheūheu nö köp.

Salmai 5:3

Ō Mā Tēv, tö peuheū man min hang ṙô chu: ip peuheū chin min halēn nup ṙôre vë-ekūö meh, ngaich hönga.

1 SAMUĔL 2:11

Chuh patīre ngaich Elkānā nö i Rāma. Ngaich ngam nyīö nö meukṙen ngam Mā Tēv nö ikūö Ēli ök kūönṙò.

1 SAMUĔL 1:1

Hĕng taka ök umuh tarik aṅ Ramatēmsōfim, ip rung panam Ifrēm, Elkānā ök minë-eny ò, kikōnyö ök kūön Yēroham, ök kikōnyö kūön Elihū, ök kikōnyö kūön Tohū, ök kikōnyö kūön Suf, aṅ Ifrēm.

1 SAMUĔL 7:17

Im invānöre anga-aṅ nö i Rāma, pòn in e ök patī ò; in e anga-aṅ inrē nö hayöngö Israĕl; vīlö tahāklö ngam Mā Tēv inrē anga-aṅ nö umuh.

YÔSUĀ 18:25

Kīpīön, Ramā, Piròt inrē,

1 SAMUĔL 8:4

Ngaich hamūlöre yik mā aṅ Israĕl, yihtöre ngaich nö in Samuĕl nö i Rāma;

1 SAMUĔL 15:34

Chuh Rāma ngaich Samu-ĕl; chuh patīre inrē Sôl nö i Kīpīa öp panam Sôl.

1 SAMUĔL 16:13

Kē ök sinrōl tavī-i ngaich Samuĕl ngaich hacham el kui ò nö elṙôngö yik mëm ò: ngaich ngam ma-alaha aṅ im Mā Tēv nö kalēḵ nö teungtöre nö i kui Tāvit löktökūö ik sakāmö angū-ö nö iṙūöhöröön. Hōklöre ngaich Samu-ĕl, ngaich chuh Rāma.

1 SAMUĔL 19:18

Falngöre ngaich Tāvit, ngaich öt kô-òngvah, yih ngaich nö in Samu-ĕl nö i Rāma, ngaich keuheūtnyöre ṙô nö vë-eny nang ò tö tī Sôl tö ò. Ngaich anga-aṅ tö Samu-ĕl inrē nö kiröönngöre ngaich iyöng Nāyôt.

1 SAMUĔL 25:1

a Kapah ngaich ang Samu-ĕl: hamūlöre ngaich yik aṅ Israĕl nö ṙòkhöre ngaich harāman yik tarik, lāpngen ò ngaich i patī ò i Rāma. Choholre ngaich Tāvit, ngaich chuh el ök tönyalnyi i Paran.

2 RĀCHA 4:17

Pirūkö nyīö ngaich ök kikānö, kayônyö kikānö ngaich nyīö nö ik hē e, hē ngam ṙētak nö vintakūö, sā ṙô Ēlaisa nö in ò.