1 SAMUĔL 1:10 - TÖHET LĪPÖRE (Re-edited) Bible (BSI)

¹⁰ Ngaich ang Hëna nö ik yöng miṙivlōnre, ngaich ve-ekūö ngam Mā Tēv, kalē-ĕ ṙô inrē nö peūiny.

1 SAMUĔL 1:10 Referans Kwoze

NGAM LĪPÖRE YŌP 7:11

Lökten chin min öt lak el- vāngre; ṙô-òv chin min i miṙīvellōnre; takāka ṙô chin min iyöng miṙivlōnre.

T. LŪKÖS 22:44

Rūönyöṙôre Anga-aṅ nö ve-ekūötēv, kūö Ò nö kihngen ellōn, ngaich nuk vang Ò nö sā töpōyen kintaktö mahām, nö el tumlat.

NGAM LĪPÖRE YŌP 10:1

Sa-òkhö nômö re chin; öt lak ṙô re chin tö ngam vahë-enyre; i inngū-öṅ ellōn re chin min ṙô-òvö.

Salmai 91:15

Havëken chu An min, ngaich sapṙô Ò min chū-ö; in Ò chin min hē el kanihngen: ṙānyen ò chin min, ineū-euṅv min inrē anga-aṅ.

HEPRĀI 5:7

Ök tö keuheūthëṙen nö kēḵlö nuk ṙôre vine-eṅlkui, hē ò nö tarik, nö kalēḵĕṙô nö peuiny, holtö makmat inrē, nö in Ò ngam tökô nö hayööken ò nö ṙā-ang im kinpaha, ngaich hāngö ṙô, chööḵnyö tö ök tölöök pinhe-eṅkūö,

Isayā 54:6

Pò ngam Mā Tēv nö havëken meh nö sā ṙô öp inpīhö töṙā-ayö töhaṙīvö ellōn inrē, sā öp inpīhö tö-ayal yē ò nö kavāli, tö ṙô ngam Tēv.

KAMHÔKA 21:2

Yih ngaich yik tarik nö i Pētĕl, ngaich i kūö ngam Tēv nö ūichhak söl harap, pōitô ngaich cha-a nö ayôṙa, kalē-ĕ ṙô inrē nö peuiny.

INRĀMÖRE 3:15

Hatööḵngen chu an tö tö-angū-öṅvö, hakô-òngkūö chu an tö tö-aṅgū-öṅvö chōn

YERIMIĀ 22:10

Un peūinyö an ngam tökapah un rēhĕn haṙivhen ò: kalē-ĕṙô pöri peūinyö ò ngam kumröönngöre, tön öt hētu an min nö havan nö meuk öp panam chūök finötnyö ò.

Isayā 38:15

Sitih ṙô öich min? Hĕnghöre ṙô-òv an nö in chu ngaich tī tö e inrē: hòṅ haṙēmngö röönre chin kiröönngöre i tūmö në samyeūheu chu kūö ṙôkö miṙivlōn chu.

Salmai 50:15

Ngaich havëken chu hē el kanihngen: ṙānyen meh chin min, ngaich hapōilen chu min më-eṅ.

NGAM LĪPÖRE YŌP 9:18

Öt halöngten chu an heuhlö nômöre hatööḵngen chu pöri tö tö-angū-övö.

2 RĀCHA 20:3

Ō Mā Tēv, vë-ekūö meh chin, köpölōn tö chu ngaich lök i kūö meh holtö kanô-en töteung ellōn inrē, ngaich keuheūten tö nup tölöök nö ikūö meh. Kihīök kūö ngaich Hësikiā nö peuiny.

NGAM LĪPÖRE RŪT 1:20

Ngaich ngö ṙô anga-aṅ tö cha Uh chin havëka Naōmī, Māra, ngö ṙô pöri havëken chu: tön angū-öṅvö tī an ngam Tökeuheūttöre Chööngö nö in chu.

YERIMIĀ 13:17

Yē meh pöri min öt hòṅ hang, ngaich ngih nômö chu min nö ulāikôre nö peuny inkeūlen meh; kalē-ĕṙô në mat chu min nö peuiny nö kāti mak mat, pò nup pököre ngam Mā Tēv nö kē-ĕyö nö hakövö.

2 SAMUĔL 13:36

Ngaich hē ò nö keuheūtö ṙô nö ṙô-òvö, Yĕh meuk, yih ngaich yik kikōnyö kūön rācha, kaknyöre ngaich nö pōitô nö peuiny: peuiny inrē ök rācha nö pōitô tö yik tarik ò inrē.

Ranehlö 50:10

Sölta chā-a ngaich nö ik chūök pinṙōngö sāiny i Atat, ök lamuh tö Yôtön, in e chā-a ngaich nö harāmöre nö kiröṅngen, pōitô inrāmöre: ngaich angā-aṅ nö sat sumkam nö sanòkngö ök yöngre.

2 SAMUĔL 17:8

Ngö ṙô inrē ang Hūsai, Akahalōn man töp yöng meh tö yip tarik ò inrē, tö cha nö tökalēḵ nö tarik, tö cha inrē nö tānyö ellōn, sā öp për öre tö-ulāiyi kūön nö elkahôyö: kumyung ap inrē yöng meh, öthō nö hanôltö chūök re nö in yip tarik.

1 SAMUĔL 1:9

Lökten Hëna nö choholre tö kinheūtökūö cha nö nyā nö i Sailō, tö kinheūtökūö cha inrē nö òk. Ūichhakṙen ök kūönṙô Ēli nö el ök anūchöre ik inkūp i rööntö machööḵlö ök töhet chūök ngam Mā Tēv.

1 SAMUĔL 1:11

Ngaich chūöku ṙô anga-aṅ nö kilēḵngöṙôre, nö ngö ṙô, Ō Mā Tēv tömaṙôngö, yē meh hōḵ ngëichkö kanihngen ngòh tarik meh kikānö, fēken chu inrē, un vāchi inrē ngòh tarik meh kikānö, kē-ĕkūö ngòh tarik meh pöri kikānö tö kikōnyö nyīö, ngaich kēten ò chū-ö min im Mā Tēv i rô-òten ò nö aṅ, hö-ö öp min nö kamöpka keūyö.

INCHŌḴ-OṘÔ 14:10

Akahalōn an ngam ellōn tö miṙivlōn re, öt nôlta inrē aṅ tahëng i ṙanāmölōn e.

Ranehlö 30:1

Ngaich hē Rēchöl nö meukngenre nö öt kūönu nö in Yāköp, kunyāhaha elmat ngaich Rēchöl tök mëmre; ngaich ngöṙô angā-aṅ tö Yāköp, Kētö kūön chu, hēk hönglūk öich höng kapah.