1 SAMUĔL 1:1 - TÖHET LĪPÖRE (Re-edited) Bible (BSI)

¹ Hĕng taka ök umuh tarik aṅ Ramatēmsōfim, ip rung panam Ifrēm, Elkānā ök minë-eny ò, kikōnyö ök kūön Yēroham, ök kikōnyö kūön Elihū, ök kikōnyö kūön Tohū, ök kikōnyö kūön Suf, aṅ Ifrēm.

1 SAMUĔL 1:1 Referans Kwoze

1 KINṘÖTNGÖ 6:34

Kikōnyö kūön Elkāna, kikōnyö kūön Yerōham kikōnyö kūön Ēlīĕl, kikōnyö kūön Tō-a,

1 SAMUĔL 1:19

Hōklöre cha-a ngaich nö ka-euilö kūö tö peuheū, vë-ekūötēv ngaich nö i kūö ngam Mā Tēv, ngaich havanngöre, yih ngaich nö i patīre i Rāma: in ök pīhöre ngaich Elkānā ang Hëna; köpölōn ngam Mā Tēv ngaich tö ò.

NGAM LĪPÖRE RŪT 1:2

Elimelek minënyö ök tarik, Na-ōmī minënyö ök pīhö ò, Mahalòn, Chīlīön inrē, minënyö nak tönët tak kūön ò kikōnyö, aṅ Efrata i Pethlihem Yūtā. Yih cha-a nö ip panam Mô-āp, ngaich in e nö höngngöh.

1 SAMUĔL 17:12

Kūön ök aṅ Efrā ök Tāvit i Petlihem Yūtā, ök töminënyu tö Yēsī; hëvhör maneuk kūön anga-aṅ tö kikōnyö: köṅny ök tarik hē nuk sakāmö Sôl, sööḵlö samyeūheu nö i tarik.

1 SAMUĔL 9:5

Ngaich hē cha nö sölta nö ip panam Suf, ngö ṙô Sôl ngaich tök tarikre ök mi-in ò, Tā-a tai ngaich havan; ṙā-ang pinṙūtölōnre öp min yöng chu kikōnyö tö nuk köttö, ngaich vaichtenre nö piṙūtken hā.

KAMHÔKA 19:1

Ngaich i nuk sakāmö anū-ö, hē ranö-ö rācha Israĕl, ök töhĕng tak Lēvi kumröönngöre nö marô-òlkūö nö ip rung panam Ifrēm, ök kamë töngtöl pīhöre nö i Pethlihem Yūtā.

KAMHÔKA 17:1

Ngaich hĕng tak ök umuh tarik aṅ ip rung panam Ifrēm, Maika ök minë-eny ò.

T. MËTIV 27:57

Haraptöre ngam harap, hĕng taka ök tökôlò tarik, aṅ Arimataya, Yôsĕf ök mine-eny ò, mahaköp ök anga-aṅ inrē nö in Yēsū.

KAMHÔKA 12:5

Ngaich yik aṅ Kilīöt nö kē nup talöökö invāngngö ël Yôtön nö lā-al yik aṅ Ifrēm: ngaich, hē yik Ifrēm nö falngöre nö ngö ṙô, Hökngen chu havāngngöre, ngaich yik tarik aṅ Kilīöt nö ngö ṙô tö ò, Aṅ Ifrēm ömeh? Ngaich yē ò nö ngö ṙô, Hö-ö;

YÔSUĀ 24:33

Ngaich kapah inrē Ēlīēsör ök kikōnyö kūön Āròn; ngaich lāpngen ò cha-a i kui ap rung Finehas ök kikōnyö kūön ò, lāpngen ò cha-a nö i kui ap Rung panam Ifrēm.

1 RĀCHA 11:26

Ngaich ök kikōnyö kūön Nēpòt ang Yērōpō-am, aṅ Ifrēm, i Serīta, ök tarik Sòlòmön, yöng ò ök kikānö tö minënyu tö Sërūya, ök tafīösi kikānö, anga-aṅ inrē mahachônglö këlre nö lā-al ök rācha.

NGAM LĪPÖRE RŪT 4:22

Hakūönten Yēsī ang Ōpĕt, hakūönten Tāvit ang Yēsī.

1 SAMUĔL 2:11

Chuh patīre ngaich Elkānā nö i Rāma. Ngaich ngam nyīö nö meukṙen ngam Mā Tēv nö ikūö Ēli ök kūönṙò.

1 SAMUĔL 7:17

Im invānöre anga-aṅ nö i Rāma, pòn in e ök patī ò; in e anga-aṅ inrē nö hayöngö Israĕl; vīlö tahāklö ngam Mā Tēv inrē anga-aṅ nö umuh.

1 KINṘÖTNGÖ 6:22

Kikōnyö kūön Kōhat: Aminātap kikōnyö kūön ò, Kōr kikōnyö kūön ò, Assīr kikōnyö kūön ò,

1 KINṘÖTNGÖ 6:33

Vē yin tarik töla-evṙen yip kikōnyö kūön Kōhat: Hēman ök tumkökṙôre kikōnyö kūön Yôĕl, kikōnyö kūön Samuĕl,

KAMHÔKA 4:5

Iyöng elkatòh kachūr Tīpōra anga-aṅ ihôi Rāma tö Pētĕl ip rung panam Ifrēm: yihtöre yik kūön Israel nö in ò i inkaha fālen.

1 SAMUĔL 9:4

Ngaich anga-aṅ nö lök ip rung panam Ifrēm, lök ip panam Salīsa inrē, öt kôtökūö pöri cha-a tö u: ngaich lök panam Sa-ālim cha-a, ngaich hö-ö anū-ö nö umuh: lök panam Penyamin anga-aṅ, hö-ö pöri cha-a nö kôtökūö tö u.

1 KINṘÖTNGÖ 6:12

Yöng Sētòk ang Ahītöp, yöng Sālum ang Sētòk.