1 RĀCHA 3:3 - TÖHET LĪPÖRE (Re-edited) Bible (BSI)

³ Hāngenlōn ang Sòlòmön tö ngam Mā Tēv, lök i nup chöngö Tāvit ök kikōnyö yöng ò: höng kētö tökētu anga-aṅ föng lōpān inrē nö i kui nuk rung.

1 RĀCHA 3:3 Referans Kwoze

1 KÒRIN 8:3

Yĕn tarīku pöri tö hāngenlōn töm Tēv, anga-aṅ tö-akaha tö Ò.

Salmai 31:23

Ō hāngen yin tö ngam Mā Tēv, ṙòkhöre yī-ö töhet ò! Aṅten yip tökô-en an ngam Mā Tēv, pōyen tī inrē nö reushö yip mahakeūlen la-enre.

I. CHÖNGÖ 30:16

Pò chu tölṙô meh i ngih sakāmö öm hāngenlōn tö ngam Tēv ngam Mā Tēv meh, lök el nup talöökö ò, köptī inrē tö në inkaha fālen in ò, chöngö inrē tö në inkaha fālen aṅ in ò, hòṅ ngam Tēv ngam Mā Tēv meh nö hakôlò meh im panam ngam kū-ö meh kiröönngöre kē-ĕ me-eṅ e nö amin meh.

I. CHÖNGÖ 6:5

Hāngenlōn man tö ngam Mā Tēv ngam Tēv meh keuheūttö kuilōnre, keuheūt tö nômöre, keuheūttö kumlēḵre inrē.

1 RĀCHA 3:14

Ngaich yē meh mīnö hōḵ lök el në talöökö chu, öm haköp në chöngö chu në inchöngten tö chu, sā ök kikōnyö yöng meh Tāvit nö lök in u, ngaich chū-ö mīnö ṙūöten në sakāmö meh.

1 RĀCHA 3:6

Ngaich ngö ṙô Sòlòmön, Hameuk tö tökiröng man ngaich neūkölōn ik tarik re Tāvit ök kikōnyö yöng chu, asā lahök ò nö i kūö meh im kanô-en, im lanöökö, i chaniplö ellōn nö in meh; ngaich më-eṅ ṙā-akūö ò tö ngih tökiröng neūkölōn, tö meh ngaich kētö kūön ò tö kikōnyö nö ūich el kantēra ò, sā e ing töngamuh.

I. CHÖNGÖ 30:20

Öm hāngenlōn tö ngam Tēv ngam Mā Tēv meh, hang ṙô ò haköpngöre in ò: tön anga-aṅ an nômö meh, rôta sakāmö meh inrē hòṅ meh iyöng im panam ngam kinlēḵngô ngam Mā Tēv nö in yik muvöhngö yīö, in Aprahām, in Isāk, in Yāköp inrē, nö kētö e nö in cha.

I. CHÖNGÖ 30:6

Ngaich ngam Tēv meh min ngam Mā Tēv nö tunyinyngö ellōn meh, ellōn öp kūön meh inrē, hôm hāngenlōn tö ngam Tēv re ngam Mā Tēv öm keuheūttö ellōnre, keuheūttö nômöre inrē, hôṅ meh aṅ.

I. CHÖNGÖ 10:12

Yĕh pöchö töngamuh, Israĕl, suh ap hinôtö meh tö ngam Tēv ngam Mā Tēv meh, tön hōtu man pa-ekūö tö ngam Tēv ngam Mā Tēv meh, lök el nup talöökö ò, hāngenlōn tö ò, lök la-en ngam Tēv ngam Mā Tēv meh, keuheūttö ellōnre keuheūttö nômöre inrē,

YĀKÖP 2:5

Kahōlö, hangihtöre yin; Röh Ang ngam Tēv nö katöllen cha, yip yāich nö ing panam, nö tökôlò nö im ṙinātö ellōn, tö amīnu inrē tö ngam pūlngö ngam tö ngaich nö kilēḵĕyö nö in cha. Yip töhāngenlōn tö Ò?

YĀKÖP 1:12

Tökôlò ön ngòh tarik, ngòh töthanlöinyken tö kanihngen; pò ò min nö teūngen tö ngam sapīöv ngam nômö, yē ò min nö mihôiṅ, ngam ṙô ngam Mā nö kilēḵngôre nö in cha yip töhāngenlōn tö Ò.

RŌMA 8:28

Akahalōn ayī-ö tö e nö in cha yip töhāngenlōn töm Tēv, holre nö ṙòkhöre nö vī tölöök, in cha inrē yip tö havëtu nö sā ap chööḵnyö Ò.

T. YÔHAN 14:21

Ngòh tö-īnu tö në chöngö Chu, ngaich haköpö u, anga-aṅ an tö hāngenlōn tö Chu. Anga-aṅ ngam töhāngelōn tö Chu, hanghuṙen min tö ngam Yöng Chu; ngaich hāngenlōn Chū-ö min tö ò, ngaich hameuktöre Öich in ò.

T. YÔHAN 14:15

Yē yīö hāngenlōntö Chu, haköp në chöngö Chu min yī-ö.

T. MËTIV 22:37

Ngaich ngö ṙô Anga-aṅ tö ò, Hāngenlōn man tö ngam Mā Tēvre, holtö ellōnre, holtö nômöre holtö kuilōnre inrē.

2 RĀCHA 18:22

Yē meh pöri ngö ṙô tö chu, Hayönglenre in im Mā Tēv ngam Tēv ih: röh ang nö anga-aṅ ngam töchūökuö tö nup latulöng, ngam tötahākluvö inrē tö nup tökē-ĕyö tö Hësikiā, ngaich ngö ṙô tö Yūtā tö Yērusalem inrē, I Yērusalem yin min salām i kūö ngih tahāklö?

2 RĀCHA 18:4

Kēngö nuk chūökö anga-aṅ tömarô-òl chūök, tiṙölngö nuk machööḵlö inrē, kūölngö ök Asērā inrē: likölngö ök mās pēch anga-aṅ nö pinyënyi ök vahī Môsös; pòn i nuk sakāmö anū-ö yik kūön Israĕl nö föng tötahūsa nö i kūö ò; Nahustan minënyi anga-aṅ tö ṙô cha.

2 RĀCHA 15:35

Hö-ö pöri nuk latulöng chūökö nö kē-ĕyö, iṙūöhen yik tarik nö kētö tökētu föng tötahūsā inrē nö el nuk latulöng chūökö. Vīlö ök lātulöng inkūp ngam patī ngam Mā Tēv anga-aṅ.

2 RĀCHA 15:4

Hö-ö pöri nuk latulöng chūökö nö kē-ĕyö höng iṙūöhen yik tarik nö kētö tökētu föng tötahūsa inrē nö el nuk latulöng chūökö.

2 RĀCHA 14:4

Hö-ö pöri nuk latulöng chūökö nö kē-ĕyö: iṙūöhen yik tarik nö kētö tökētu föng tötahūsa inrē nö el nuk latulöng chūökö.

2 RĀCHA 12:3

Hö-ö pöri nuk lātulöng chūökö nö kē-ĕyö: höng iṙūöhen yik tarik nö kētö tökētu föng lōpan inrē el nuk chūök latulöng.

1 RĀCHA 22:43

Keuheūt anga-aṅ nö lök el talöökö Asā ök yöng ò kikōnyö; öt kānköre ang-aṅ tö e, la-evṙen tö töchip nö i kūö ngam Mā Tēv: hö-ö pöri nö kē-ĕyö nuk i kui rung chūökö; ṙòngmöng kētö tökētu yik tarik nö el nuk chūökö i kui rung föng tötahūsa inrē.

1 RĀCHA 15:14

Hö-ö pöri nuk i kui rung chūökö nö kē-ĕyö: höng sön pöri ök ellōn Asā nö teung nö i ngam Mā Tēv i rô-òten nuk sakāmö ò.

1 RĀCHA 15:3

Ngaich anga-aṅ nö lök i nuk tökööl ök yöng re kikōnyö, nuk vahīken ò nö urēhĕkūö ò: ngaich ök ellōn ò nö öt teung nö im Mā Tēv ngam Tēv ò nö sā ellōn ök yöng ò Tāvit.

1 RĀCHA 11:38

Ngaich mīnö angū-ö, yē meh min hang nup tinöölôre tö chu, ngaich lök el në talöökö chu, ngaich la-evṙen inrē tö töhuveū nö i mat chu, öm haköp në chöngö chu tö në inchöngten inrē aṅ in chu, sā ök tarik chu Tāvit; hòṅ chu min in meh, ngaich mānlö patī meh min tö tököp, sā ti chu mānlö patī Tāvit, ngaich kēten Israĕl min nö in meh.

1 RĀCHA 11:34

Hö-ö pöri min chū-ö keuheūtngöre tī tö ngam pūlngö nö ṙā-ang eltī ò: vīlen ò pöri min chū-ö kūön rācha i rô-òtö sakāmö ò nö aṅ, tökūö ök tarik chu Tāvit ök katöllö chu, pò ò nö köptī tö në inchöngten aṅ in chu në chöngö chu inrē:

1 RĀCHA 11:6

Ngaich Sòlòmön nö chōichö inlahen nö i kūö ngam Mā Tēv, öt keuheūtlöre nö tömrit ngam Mā Tēv nö sā ök yöng ò Tāvit.

1 RĀCHA 11:4

Ngaich ngö inlahen angū-ö, hē Sòlòmön nö ngaich nö köiny, yik pīhö ò nö havööngö kūö ellōn ò nö i tahëng tēv; ngaich ök ellōn ò nö ötteung nö im Mā Tēv ngam Tēv ò nö sā ök ellōn Tāvit ök yöng ò.

1 RĀCHA 9:4

Ngaich më-eṅ pöri yē meh min lök i kūö chu, sā lahök ök yöng meh Tāvit, öm keuheūttö ellōn re, i töchip inrē, öm la-evṙen sā nuk inchöngten meh tö chu, öm haköp në chöngö chu inrē tö në inkaha fālen aṅ in chu;

I. CHÖNGÖ 10:13

Haköp nup inchöngten aṅ im Mā Tēv, nup chöngö Ò inrē, nup tinöölô meh i ngih sakāmö pò meh hōtu lööken?

I. CHÖNGÖ 11:13

Ngaich mīnö angū-ö, yē yīö min haṙēmngenre hang në hachöngten chu në tinölô yīö i ngih sakāmö, öi hāngenlōn tö ngam Tēv yīö ngam Mā Tēv, lök la-en ò inrē keuheūttö ellōnre keuheūttö nômre inrē,

Salmai 145:20

Aṅten cha An ngam Mā Tēv, yip tö hāngenlōn tö Ò: ṙòkhöre pöri yip tötlöök nö piyāyi.

LA-EN LĒVĪ 17:5

Pòn hōtu yip kūön Israĕl nö kētö nup tökētu tö cha, nup tökētu tö cha nö elngāṙö, hòṅ cha nö kētö u nö im Mā Tēv, i kūö inkūp ngam rūkui manūlö, nö ip Kūönṙô, ngaich kētö u nö tökētu kūö inlāmö nö im Mā Tēv.

1 SAMUĔL 9:12

Ngaich sapṙô cha acha-a, nö ngö ṙô, Umuh apa; yĕh meuk urēhĕkūö nā ap: ka-eūyen yin tön yih ap töngamuh nö im elpanam; pò yip tarik töngamuh nö kētö tökētu ip tömarô-òl chūök chūökö:

1 RĀCHA 8:25

Yĕh lökten. Ō Mā Tēv, Tēv Israĕl, haköpngö e man im tarik re ngam yöng chu Tāvit, ngam ṙô meh kilēḵngôre in ò öm ngö ṙô, Öt latôkiṙen min tarik in meh nö i kūö chu öp amūchhak nö el kantēra Israĕl; yē vē kūön meh nö haṙēmngenre nö el talöököre nö i kūö chu nö sā meh më-eṅ lök i kūö chu.

1 RĀCHA 8:61

Lökten an yēḵ ngam ellōn meh nö teung nö im Mā Tēv ngam Tēv hī, öm lök i në chöngö ò, haköp në inchöngten inrē aṅ in ò, nö sā ing töngamuh.

1 RĀCHA 14:8

Ngaich tikaingö ngam pūlngö ṙā-ang i patī Tāvit, ngaich kētö e in meh: ngaich sönngenre më-eṅ öt sā ök tarik chu Tāvit, ök mahaköp në chöngö chu, ök tamömrit chu inrē nö holtö ellōn re öt töchīpö la-en inrē nö i kūö chu;

1 RĀCHA 14:23

Pò cha inrē nö vī-il chūökö nö i kui rung, elkatòh tö ayālö rōi chōn inrē;

1 RĀCHA 15:5

Pò Tāvit nö la-evṙen tö töchip nö i kūö ngam Mā Tēv, ngaich öt kānngöre nö ṙā-ang öp hinôtöre tö ò i rô-òten nuk sakāmö ò nö aṅ, höng hĕng öp inlahen ò in Yūrīā ök aṅ Hitait.

1 RĀCHA 15:11

La-evṙen ang Asā tö töchip nö i kūö ngam Mā Tēv nö sā ök yöng re Tāvit.

1 RĀCHA 22:44

Vī lanāmö ang Yēhosafat nö in ök rācha aṅ Israĕl.

2 RĀCHA 12:4

Ngaich ngö ṙô ang Yēhōas tök kūönṙô, Ṙòkhöre nup rupīö minë tö-ahetlöngö chehen minë tökēhĕtvö nö el patī ngam Mā Tēv, nup rupīö, rupīö yip tarik nö tökaheūkö i töhĕng tak, ṙòkhöre inrē nup rupīö kanahanglōn tarik nö yih nö kumten u nö el patī ngam Mā Tēv.

2 RĀCHA 14:3

La-evṙen anga-aṅ tö tölöök nö i kūö ngam Mā Tēv, sön pöri nö öt sā ök yöng re Tāvit; la-evṙen anga-aṅ tö nuk tö sā la-en Yēhōas ök yöng ò kikōnyö.

2 KINṘÖTNGÖ 15:17

Hö-ö pöri nuk lātulöng chūökö i Israĕl nö kē-ĕyö. I nuk sakāmö Asā pöri nö öt vinëku ök ellōn ò.