1 RĀCHA 2:3 - TÖHET LĪPÖRE (Re-edited) Bible (BSI)

³ Haköp chöngö ngam mā Tēv ngam Tēv meh, lök ël nup talöökö ò, haköp nup chöngö ò nup hachöngten ò inrē, nup inkaha fālen aṅ in ò inrē nup inmeuktö kanô-en inrē nö sā ap tökūichi im chöngö Môsös, hòṅ meh huveū-en i nup taṙòkhöre vahīṙen meh ip töng lā-a kūö meh inrē havöökūöre:

1 RĀCHA 2:3 Referans Kwoze

I. CHÖNGÖ 29:9

Lökten haköp në ṙô ngih kinlēḵngô, la-evṙen inrē tö u, hòṅ yīö kôlòṙen i nup vahīṙen.

Salmai 119:2

Tökôlò yin vē mahaköp në chöngö Ò: vē chamöhan nö keuheūttö ellōn re.

1 KINṘÖTNGÖ 29:19

Kē-ĕkūö ngam kūön chu Sòlòmön hòṅ ò nö keuheūt tö ellōn re nö haköp në chöngö meh, nup kinlēḵ-ngô meh, hachöngten meh inrē, në chöngö meh, nup kinlēḵngô meh, hachöngten meh inrē, nö hateungngö u, hòṅ ò inrē nö mānlö ngam patī rācha ngam tö halēnkaṙen vinīlö tö chu.

Salmai 119:111

Kē minë chöngö Meh chin nö amin chu nö örheūheu: pò u nö anū-ö ṙanāmölōn chu.

MALAKI 4:4

Köpölōn yin tö ngam chöngö Môsös ök tarik chu, ngam hachöngten in chu in ò i Hôrep nö lamöö in Israĕl nö ṙòkhöre, minë chöngö inkaha falen inrē.

Salmai 119:138

Hachöngten minë chöngö Man nö im lanöökö: im kanô-en takô inrē.

1 SAMUĔL 18:14

Ngaich Tāvit i nup talöökö ò nö ṙòkhöre nö lēnö inlaha; in ò inrē ngam Mā Tēv.

YÔSUĀ 22:5

Höng haṙēmngenre pöri öi la-evṙen tö ngam inchöngten tö ngam chöngö inrē, ngam tinöölô yīö tö Môsös ngam tarik ngam Mā Tēv, öi hāngenlōn tö ngam Mā Tēv ngam Tēv yīö, lök el në talöökö ò inrē, haköp në chöngö ò inrē, haköpngöre inrē in ò, lök la-en ò inrē keuheūttö ellōnre keuheūttö nômöre inrē.

Salmai 19:7

Töteung an ngam chöngö ngam Mā Tēv, mahavantö nômö: tököp an ngam chö-ngö ngam Mā Tēv, tö akaha tī tö töt akaha.

2 RĀCHA 18:7

Ngaich in ò ngam Mā Tēv; höng kôlòhöre anga-aṅ ip töng kū-ö ò: Ahôngen ök rācha anga-aṅ, aṅ Asīriā, ngaich öt lök la-en ò.

2 SAMUĔL 8:14

Ṙātö kumyung anga-aṅ ngaich nö i Itöm, keuheūtngöre chūök tī anga-aṅ nö ṙātö kumyung nö i Itöm, ṙòkhöre ngaich inrē yik aṅ Itöm nö tarik Tāvit. Kētö minhôiṅyö inrē ngam Mā Tēv nö in Tāvit ik töng kū-ö ò nö kiröönngöre.

2 SAMUĔL 8:6

Ṙātö kumyung ngaich Tāvit nö i Sīriā i Tamāskös: ngaich yik aṅ Siriā nö tarik Tāvit, ngaich kētö raneushö. Ik töng kū-ö ò nö kiröönngöre, kētö minhôiṅyö Tāvit ngam Mā Tēv.

1 SAMUĔL 18:30

Ngaich yik mā yip Filistain nö kiröönngöre; ngaich i tum heuh cha nö kiröönngöre, höng lēnö inlahen Tāvit nö mötlö tö yik tarik Sôl; pòn hōtök minë-enyre nö löök.

1 SAMUĔL 18:5

Kiröönköre ngaich Tāvit ip töng kū-ö tī Sôl nö tīnngen ò, akahaṙa inlahen inrē: asöklöng anga-aṅ inrē tö Sôl nö i kui yik tarik kumyung, ngaich tölöök angū-ö nö i kūö yik tarik nö ṙòkhöre, i kūö yik tarik Sôl inrē.

I. CHÖNGÖ 5:1

Ngaich Môsös nö havëten yip Israĕl nö ṙòkhöre, ngaich ngö ṙô tö cha, Ō Israĕl, hangihtöre yin tö në chöngö në inkaha fālen inrē nö ṙô chu el nang yīö töngamuh, hòṅ yīö haköpö u, ngaich köpen la-evṙen tö u.

I. CHÖNGÖ 4:45

Anū-ö nun në inmeuktö kanô-en, në chöngö inrē, në inkaha fālen inrē, nö ṙô Môsös nö in yip kūön Israĕl, hē cha nö ṙā-ang Aikup;

I. CHÖNGÖ 4:8

Isuh ṙöng ap tökiröng pumnāmö tarik, tö-aṅhāṅv in tö chöngö inkaha fālen inrē öp tö ngatī lanöökö nö sā ngih chöngö, ngih ṙahatö chu töngamuh i kūö yīö?

I. CHÖNGÖ 4:5

Yĕh meuk, ngaich chin haköpten yīö tö në Chöngö inkaha fālen inrē, sā tinöölô Chu tö ngam Mā Tēv ngam Tēv chu, hòṅ yīö min ngatī la-en ellōn ngam panam ngam kū-ö yīö kuhēthötre öi kē e nö aminre.

I. CHÖNGÖ 4:1

Yĕh pöchö, Ō Israĕl, hangihtöre tö në chöngö tö në inkaha fālen inrē, në inköptö meh tö chu, öm la-evṙen tö u; hòṅ meh aṅ, ngaich kuhēthötre amīnu tö ngam panam ngam kahëtö ngam Mā Tēv yik muvöhngö yīö, nö in yīö.

LA-EN LĒVĪ 8:35

I kūö inkūp ngam rūkui manūlö min yī-ö höngngöh hatööm sakāmö inrē sat sumkām, haköp chöngö ngam Mā Tēv, hòṅ yīö öt kapah: tön ngatī inchöngten chin.

1 RĀCHA 3:3

Hāngenlōn ang Sòlòmön tö ngam Mā Tēv, lök i nup chöngö Tāvit ök kikōnyö yöng ò: höng kētö tökētu anga-aṅ föng lōpān inrē nö i kui nuk rung.

I. CHÖNGÖ 29:8

Kē panam cha ngaich ayī-ö, ngaich kētö e nö amin yip Rūpön, yip Kāt inrē, ròngtī inrē öp miyöngö Manasē.

YÔSUĀ 23:6

Lökten yin hangë-eṅre haköp la-evṙen inrē tö nup tökūchi i mat ngam līpöre chöngö Môsös, hòṅ yīö öt kānngöre tö e lāhāmö hēk lātavē;

Mumkahten 12:13

Manā-aṅgrit ön ngih; keuheūtlöre nup nö ngaich nö hāngö. Pa-ekūö töm Tēv, haköp nup chöngö ò inrē; pò e nö angū-ö la-en tarik nö keuheūtlöre.