1 RĀCHA 2:1 - TÖHET LĪPÖRE (Re-edited) Bible (BSI)

¹ Röhta ngaich nuk sakamö hē Tāvit nö kapah: ngaich ngö ṙô anga-aṅ nö tölṙô ap kikōnyö kūönre Sòlòmön.

1 RĀCHA 2:1 Referans Kwoze

Ranehlö 47:29

Ngaich röhta ök hē Israĕl nö hòṅ kapah: havëtök kūönre ngaich angā-aṅ Yôsĕf, ngaich ngöṙô tö ò, Yē meh öm aheuk tö chu töngamuh, vë-ekūö meh chin, ṙātö eltīre man el katòh takeun chu, aṙē-ĕlōn pömchö ömkô-en in chu; vë-ekūö meh chin, uh chin lāpi i Aikup:

I. CHÖNGÖ 31:14

Ngaich ngö ṙô ngam Mā Tēv tö Môsös, Yĕh meuk, yih nup sakāmö meh öm hòṅ kapah: havëten Yôsuā, umuh nā-aṅ inrē el rūkui manūlö, hòṅ chu kētö chöngö in ò. Kiröönngöre ngaich nā Môsös nāṅ Yôsuā, ngaich umuh cha-a el rūkui manūlö.

2 TIMÒTĪ 4:6

Tön ngaich chin ha-ehangvah kētu, yih an nö ngaich ngam hēngörit chu.

2 TIMÒTĪ 4:1

I kūö ngam Tēv chin, hameukhöti, i kūö Kristū Yēsū inrē, ngam kamhòkken tö aṅ, tö kapah inrē min, im mineūkö Ò, ngam pūlngö Ò inrē;

1 TIMÒTĪ 6:13

Tölṙô meh chin i kūö ngam Tēv, i kūö Kristū Yēsū inrē, ngam mī-i kūö Pòntiös Pailĕt nö hameuktö ngam tölöök inlööknyô;

1 TIMÒTĪ 1:18

Kētö ngih chin chöngö in meh, me-eṅ kūön chu Timòtī, sā nup kinlēḵngô mū-urĕh nö i kui meh nö ngaich, hòṅ meh lökten in u kiyung im tölöök kinyūngö;

I. CHÖNGÖ 31:23

Ngaich kētö chöngö Yôsuā anga-aṅ ök kikōnyö kūön Nön, nö ngö ṙô, Ngëtöhëch hangë alahare inrē: tön kētö vē kūön Israĕl man min im panam ngam kinlēḵngô chu in cha: ngaich chū-ö min holtöṙah meh.

I. CHÖNGÖ 3:28

Tölṙô Yôsuā pöri, ṙūöhöl alaha ò, hangëken ò inrē: tön anga-aṅ ap min mahavāngngöre nö lā urĕh vē tarik, ngaich vīten cha min anga-aṅ nö amīnuvö töng panam ngam maheuṅk meh.

KINṘEŪKÖ 27:19

Asöklen ò i kūö öp kūönṙô Ēliasör i kūö yip ṙôngö tarik inrē; kētö chöngö ò i kūö cha.

I. CHÖNGÖ 33:1

Inkôlò ön ngih, aṅtī Môsös ök tarik ngam Tēv nö hakôlò yik kūön Israĕl urēhĕkūö kinpaha ò.

2 SAMUĔL 7:12

Yē nup sakāmö min nö keuheūten, ngaich më-eṅ min haṙòh in yip yöngre, ngaich min unôichrit meh, öp lāmök nyö ellōn meh min, haköpngö öp pūlngö ò chū-ö min inrē.

1 RĀCHA 1:53

Lökten ök rācha Sòlòmön nö tīnhanga, ngaich cha-a nö ṙā-ang ik tahāklö nö kēten ò. Yih ngaich anga-aṅ ngaich salām ök rācha Sòlòmön: ngö ṙô ngaich tö ò, Kuṙòh chuh patī re man.

1 KINṘÖTNGÖ 22:6

Havëtök kikōnyö ngaich anga-aṅ kūönre ang Sòlòmön ngaich kētö chöngö ò nö mānlö öp patī ngam Mā Tēv, ngam Tēv Israĕl.