San Mateo 26:18 - Karif

¹⁸ Ába laríñagun joun. —Jeíba ubúrugu, lúbiñe ítaga wügǘri, ábame jaríñagun lun. “Ítara líña laríñagun Maésturu. Yaráfaali nórate, búbiñeba nefédujei páscua jáma náni disípulugu.”

San Mateo 26:18 Referans Kwoze

San Juan 7:6

Ábati laríñagun Jesúsu joun. —Machǘlügili dan lun nídin Jerusalén luágu fédu ligía, ánjein jun, buíti furúmierügü óra.

San Juan 17:1

Lárigiñe laríñaguni Jesúsu sun cátei le, ába laríjin siélun, ába laríñagun. —Núguchi, chülǘja nidáani, rúba inébesei luágu Biraǘ, ru lámuga gíñe Biraǘ inébesei bun.

San Juan 13:1

Ábanrügaali wéyu lubá fédu le páscua. Subúdi láali Jesúsu luágu chülǘja lan óra lun lígiruni uboú le lun lídin lúmoun Lúguchi. Súnwandan meja jínsiñe jamá lánigu ja uboúagubaña lun, guetó larúfuduñeinti línsiñejabu lídan luweírin-ágei.

San Juan 7:30

Ába yebéti jabúseerun jadáürüni, úati ni ában agúuruti luágu ladǘga machǘlügili lan dan lun loúnwen.

San Juan 7:8

Jeíba lídan fédu, áu mídinbadina guetó, machǘlügili nidáani lun nídin.

San Juan 12:23

Ábati laríñagun Jesúsu joun. —Chülǘja óra lun líchugúniwa uweíriguni nun, áu le Wügǘri Garaǘwarügüti.

San Lucas 22:53

Dan lé meja júma nan témpulurugu ságü wéyu, magúrugubeitün nuágu, wel, niján jidáani lun jadǘgüni jugúndan náu, óraali lun lagúmadijan le labúremebei lubúriga.

San Juan 11:28

Lárigiñe taríñaguni Márta le, ába tídin oúgoun María, ába taríñagun tun joúnguarügü. —Níjein Maésturu ya lún nege bídin lun.

San Marcos 5:35

Ñígili Jesúsu adímureja, ligía jayábin lúbiñegiñe wügǘri lé buga ñǘdünbei oúgei luágu tisándi liraǘ, ába jaríñagun lun túguchi irájü tugúya. —Jilátia biraǘ, ¿ca uágu bebéreseja lun maésturu guetó?

San Mateo 26:2

—Quei jasúbudiruni, bián wéyu lárigiñe le, ligíame fédu le páscua, áni nedéregerúaba, áu le Wügǘri Garaǘwarügüti, lun nádarawagún luágu gurúwa.

San Mateo 23:10

Mígirun jugúyame lun laríñawagúniwa jun “ábutigu” ladǘga Crístu rügǘñein Jábuti.

San Mateo 23:8

‘Ánjein jugúya, mígira jumá lun laríñawagúniwa jun, “maésturugu”, ladǘga sun jugúya ában jáu, áni ában rügǘñein gíñe Jumaésturun, áu le Crístubei.

San Mateo 21:3

Ánjein ñi adímurejati jun lueígiñe jadǘgüni, ábame jaríñagun lun luágu busén lániña Jesúsu, luágu láguyugüdübaña lan.

San Juan 20:16

Ábati laríñagun Jesúsu tun. —¡María! Ába tagáraragun, ába taríñagun lun lídan jerérun juríu. —¡Rabóni! —míni lan líra, Maésturu.

San Mateo 26:49

Ábati layárafadun lun Jesúsu, ába laríñagun. —¡Buíti gúñoun, maésturu! Ába lachúuruni.

San Mateo 26:19

Ába jadǘgüni disípulugu quei laríñaguni Jesúsu joun, ába jaráanseruni eígini le lánina páscua.