San Marcos 1:22 - Karif

²² Weíriti janígi gürígia láu sun le laríñagubei Jesúsu joun ladǘga larúfudajan joun láu ubáfu, máma quei arúfudajatiña lilúrudun Moisés.

San Marcos 1:22 Referans Kwoze

San Mateo 13:54

ába lachǘlürün lageíroun. Ába lagúmeserun arúfudaja tídan jalígilisin juríu to lídaanboun fulásu ligía, ába laweíridun janígi gürígia, ába jaríñagun. —¿Jalíasan lafúnrendeirei wügǘri le sun lichú áu le? ¿Ída liñásan gayára láani miláguru buri le adǘga?

San Juan 7:46

Ába jaríñagun polisía. —¡Úagili ni ában adímurejati quei ladímurejan wügǘri le!

San Lucas 4:32

Weírititi janígi láu ligáburi larúfudajan, ladǘga láu ubáfu ladímureja.

2 Corintios 4:2

Mayúsuruntiwa ibíbuni lun wafíñeragüdüniña gürígia luágu Crístu, rúwamuti wanágan luágun cátei le adügǘbei arámudaguarügü, le nibúsigarídünabei. Masáansiragun wameí Lerérun Búngiu, inárüni rügǘñein waríñaga. Ítara líña jasúbudiruni sun gürígia cátawa lan ligíbugiñe Búngiu.

Hechos 6:10

Siñáti joun lúma Estéban, ladǘga láu lichú áu le líchugubei Sífiri Sándu lun ladímureja.

San Lucas 21:15

níchuguba dimúrei lúma lichú áu jun le lásiñerun ni ában jádaangiñe jáganiñu asígenera ni oúnaba.

San Marcos 1:23

Ñíñein ában wügǘri tídan ligílisi tugúya láu ában espíritu wuríbati, ába lagúaragun.

San Lucas 2:47

Súnti ja agáambubalin, weíriti janígi luágu lichú láu lúma luágu buri loúnabagüle.