San Lucas 23:2 - Karif

² ába jagúmeserun íchiga lidúnrun, jaríñaga. —Darí wamaali wügǘri le achágaraguágüdaña gürígia, laríñajare luágu moun lan lun wafáyeijan seínsu lun urúei Rómana, aríñagati gíñe luágu ligía lan Crístubei le lanúadirubei Búngiu lun lasálbaruniña gürígia, aríñaga ligía luágu urúei lan ligía.

San Lucas 23:2 Referans Kwoze

San Juan 19:12

Lúmagiñe óra ligía, ába lálugun Piláto ída lúba lan lígiragüdüni Jesúsu. Ába jagúaragun juríu lun. —¡Ánjein bígiragüda, máma amǘrü lumáda urúei Rómana! ¡Furúmieguarügü le aríñaguti luoúgua luágu urúei lan, lágani urúei Rómana!

San Lucas 23:14

ába laríñagun joun. —Jugúya anǘgübalin wügǘri le nun, jaríñaga luágu chagáguagüda lániña gürígia, álügüdagua náali jigíbugiñe, áni aríja jumúti luágu madári nan ni murúsun dúru luágu lídaangiñe le jaríñagubei luágu.

Hechos 24:5

Niján wügǘri le Páblo, beréseti, lerédera afánreinraguagüdaña juríu lídan sun fulásu, ligía gíñe ában jádaangiñe lichǘgüdinabei jadámurin nazarénugu.

San Juan 18:30

Ába jaríñagun lun. —Lun jamúga madǘgün lan wuríbani, medéregerun wamúti jamúga bun.

San Marcos 12:17

Ába laríñagun joun. —Rújumeiti láni urúei lun urúei, rújumeime láni Búngiu lun Búngiu. Ába laweíridun janígi láu ligáburi loúnabuniña.

San Mateo 22:21

Ába jaríñagun lun. —Láni urúei Rómana. Ábati laríñagun Jesúsu joun. —Rújumeiti láni urúei lun urúei, rújumeime láni Búngiu lun Búngiu.

Hechos 24:13

Gürígia ja, siñáti jarúfuduni luágu inárüni lan ni ában lídaangiñe sun cátei le jaríñagubei nuágu.

San Lucas 23:5

Ábatima jaríñagun jére. —Lachágaraguágüdüñanu sun gürígia Judéana láu ligáburi larúfudajan, lagúmesera Galiléagiñe, niján mémegua adǘgei chülǘ ñájoun.

San Mateo 17:27

Lun magáñidagüdün wamá ni ában, beíba, ábame bachǘrunun bürǘnjüre dúnarugun, ábame badígini furúmiñeti úduraü le eígiti bun. Badáriruba ában seínsu liyúmulugu úduraü ligía, buídurügübei lun bafáyeijan wawoúgua láu, ábame bafáyeiruni.

San Mateo 27:11

Barǘwati Jesúsu ligíbugiñoun gumádimati, le gíribei Piláto, le álügüdübalin. —¿Amǘrüsan Jarúeitebei Juríu? Ába laríñagun Jesúsu lun. —Ánja, áu quei baríñaguni.

San Marcos 15:2

Ába lálügüdüni Piláto Jesúsu. —¿Amǘrü Jarúeitebei Juríu? Ába loúnabun Jesúsu. —Ánja, ítara líña quei baríñaguni.

San Juan 18:29

Ligía láfuridunbei Piláto lun ladímurejan jáma, ába laríñagun joun. —¿Cásan lidúnrunbei gürígia le jurúma?

Romanos 13:7

Ru jumeíme le jáni cáda gürígia joun. Fáyei jumeí le lagúburajabei gumádi luágu jufúlasun, lúma buri ámu cátei líbe líra, fáyei jumeí le lúnti jafáyeiruni luágu cátei le ñǘbinbei jun boúgudigiñe lueí jageíra. Gagáambadi jumá joun gumádimatiña, ru jugúyame inébesei joun queísi lubúdubu.