Biblia Todo Logo
Bib sou entènèt

- Piblisite -




San Lucas 2:9 - Karif

9 Sódini, ába lasáliragun ában láni Wabúreme Búngiu ánjeli siélugiñe joun, ába jaríjin ában oúnwenbun larúgounga le lánina Búngiu geyégua jáu, ába janúfudedagun.

Gade chapit la Kopi




San Lucas 2:9
27 Referans Kwoze  

Ligía sun lubeí wagía afíñetiña luágu Crístu, gidáwaaru bélu lueí wasáminan, subúdi wamúti Crístu furáangu, láu sun luweírigun. Ítara wáña quei ában isúbusein to arúfudubalin luweírigun Wabúreme Crístu, áni láu wasígirun íchigei warítagun luágun, sáansiguagüda lumútiwa láni Espíritu murúsun murúsun lun ítara wamá queí ligía.


Lárigiñe sun cátei le, ába naríjin ábanya ánjeli larárirun siélugiñe láu sarágu ubáfu, ába larúgoungadun uboú láu límirin.


Chülǘjali ában láni Búngiu ánjeli númoun áriebu to, loúnagüle Búngiu le Nabúreme le gíñe únbei nesériwida,


Ába ladáraruni ában láni Wabúreme Búngiu ánjeli tubéneri furísun áriebu ligía, ába láfuridagüdǘniña, ába laríñagun joun.


Laríñagunbalin Isaías le luágu Jesúsu ladǘga aríja láali lan luweírigun.


Súnti añája lan ñi arítagua jageí lánfuna, ligía jaríjin bián wügǘriña rára jarúgabu táu anáanguni mirítu.


Ábati naríjin ában oúnwenbun jalaǘ jarúti, ñíñein Búngiu ñun luágu. Ába lagúmuchagun siélu lúma uboú ligíbugiñe, ába marijínjali lan.


Weíriti lanúfunejabu cátei le jaríjubei, darí lun laríñagun Moisés guánarügü. “Nadádagaruña láu anúfudei.”


Siñáti lasígenerúniwa luágu weírigu lan Wasálbaragüle Jesucrístu, le subúdigüda láalibei woun. Arúfudaguati Búngiu lúngua queísi gürígia lídan Jesucrístu, arúfudaleí Sífiri Sándu luágu úaragua lan Jesucrístu. Aríja jameí ánjeligu. Apúrichijoúati luágu joun lílana sun fulásu, afíñewa luágu lídan sun fulásu, resíbiwa ligía siélu.


Lugúndun Búngiu, le méme íchugubalin lámpu siélu lun lagídarúniwa lubúriga, ligía gíñe adúnraaguagüdübalin lilámpun tídan wanígi, lun gayáraabei lan wasúbudiruni luweírigun Búngiu le waríjibei lídan Jesucrístu.


Sódini, ligía lasáliragun ában láni Wabúreme ánjeli, ába larúgoungadún furísunrugu. Ába lagúuruni ánjeli ligía loúbawagu, ába lagáguduni, ába laríñagun lun. —Sarába furése. Ábati láburujan güríngüri lueígiñe lújabu Pédro,


Ába lebélurun ánjeli ligía le ñíjin tubeí, ába laríñagun tun. —¡Báfaguagüle, María! Níjein Búngiu búma, binílaadibu sügǘ jáu sun würíña.


Dan le niján lubeí arítagua luágu cátei le, ligía larúfudagun ában láni Wabúreme Búngiu ánjeli lúngua lun lídan luwénedi, ába laríñagun lun. —José, ladǘgawagun Davíd, manúfudebá lun berésibirunun María queísi búmari, ladǘga irájü le lúnbei tagáraüduni, lúmagiñe Sífiri Sándu liábin.


Lídan áraabu boúgudi lueí Belén, ñíñanu joúniri mudún, bou larúgan jáu oúnigiraña jalǘgüniña mudún.


Swiv nou:

Piblisite


Piblisite