San Juan 4:53 - Karif

⁵³ Ába larítaguni luágu ligía lan óra laríñagun Jesúsu lun luágu areídaguaali lan liraǘ, ába lafíñerun luágu Jesúsu jáu sun lufámilian.

San Juan 4:53 Referans Kwoze

San Lucas 19:9

Laríñaga Jesúsu lun. —Sálbañu jáña tílana múna to ugúñe, ladǘgawagun gíñe Abrahám amǘrü.

Hechos 18:8

Críspo, le tábuti jalígilisin juríu, ába lafíñerun luágu Wabúreme Jesucrístu, jáu sun tílana lúban. Sarágu gíñe jádaangiñe Coríntona, dan jagáambunbalin ugánu luáguti Jesúsu, ába jafíñerun, ába jabásterún.

Hechos 16:34

Lárigiñe, ába lanǘgüniña lúbiñoun, ába líchugun eígini joun, ¡máti lugúndan jáu sun lufámilian láu jafíñerun luágu Búngiu!

Hechos 11:14

laríñagubei bun ída lúba lan gayára lan basálbarun jáu sun bufámilian.”

Hechos 16:15

Ába tabásterun jáu sun tílana túban, lárigiñe, ába tayúmuragun woun ítara. —Ánjein afíñe jubeí luágu afíñe nan le tímatimaati luágu Wabúreme Crístu, reídei jumá ya núbiñe. Jéretu wawágu, ába weréderun.

Hechos 2:39

Ladǘga aríñagaali Búngiu luágu líchugubei lan giñe Sífiri Sándu jun, lúma joun jadǘgawagun, lúma joun ja aganoúbaña díse, lúma joun sun ja lagúarubaña Búngiu lun lánigu jamá.

San Mateo 8:13

Ába laríñagun Jesúsu lun gumándan ligía. —Beíba búbiñoun, le uágubei bafíñera, ladügǘba bun. Ába lareídagun músu ligía lídan óra ligía.

San Juan 4:52

Ába lálügüdüniña ca lan óra lagúmesera liraǘ areídagua, ába jaríñagun lun. —Gúñaarü ladaǘnrün ában rábounwéyu lagídara abíruaü lueí.

San Juan 4:51

Dan layárafadun tun lúban, ába jayábin lumúsuniña lubároun, ába jaríñagun lun. —Magádieeli biraǘ.