San Juan 20:29 - Karif

²⁹ Laríñaga Jesúsu lun. —Tomás, afíñeedibu guetó, ladǘga aríja báadina lan, gúndaatiña ja afíñerubaña, maríjinga jamána.

San Juan 20:29 Referans Kwoze

1 Pedro 1:8

Jínsiñeti Jesucrístu jun láu sun maríjin jumágili lan, áni láu sun maríjin jumágili lan, rújumaali jeménigi luágu, áni gúndaatün láu ában oúnwenbun ugúndani le siñá jumuti aríñaga láu dimúrei.

2 Corintios 5:7

Ya uboúagu, siñáti waríjini Crístu, gayáraarügüti wafíñerun luágu.

Hebreos 11:1

¿Cáteigi afíñenibei? Afíñeni, achoúrurúni le gumúti luágu wabíjibei lan le wagúrabubei, lúma wachoúruruni le gumúti luágu nírein lán buri cátei láu sun maríjin wamáni.

Hebreos 11:27

Láu lafíñen Moisés luágu Búngiu, ába lígiruni Ejípto, manúfudeiga lueí ligáñi urúei, reídeiti derégüdagu lídan larítagun camá jamuga aríagu líña lun Búngiu le marijínbei.

San Lucas 1:45

Gúndaatibu bugúya le afíñerubei, luágu lagúnfuliruba lan cátei le laríñagubei Wabúreme bun.

San Juan 4:48

Ába laríñagun Jesúsu lun. —Jugúya, ánjaün maríjin miláguru, mafíñetün.

San Juan 20:8

Ába giñéti nebélurun, ába naríjini le asúseredubei, ába nafíñerun luágu saráali lan Jesúsu lídaangiñe oúweni.

Hebreos 11:39

Sun jagía, láu sun buídu lan afíñeni le jawágubei ligíbugiñe Búngiu, merésibirun jamúti lé buga uágubei laríñaga Búngiu luágu líchugubei lan joun lumútuniña, ladǘga machǘlü lan Wasálbaragüle uboúagun lídan jadáani,

San Mateo 13:16

‘Ánjeinti jugúya le nánigubei, fuleíseiwatün ladǘga aríjatün láu jágu, agáamba jugúya láu jarígeirugu.

San Juan 20:28

Ábati laríñagun Tomás. —¡Nabúreme, Nubúngiute gíñe!