San Juan 11:44 - Karif

⁴⁴ Ába láfuridun jiláali láu lújabu lúma lugúdi gürágu táu gamísa, lúma ligíbu táu ában gamísa. Ába laríñagun Jesúsu joun. —Farára jumeí, ígira jumeí lun lídin.

San Juan 11:44 Referans Kwoze

San Juan 5:25

Ninárün jáu luágu nítebei lan dan, áni niján dan ligía, dánme le jagáambuni jiláaña numálali, ja ñǘdünbaña láu le nubeíbei, gabágaribaña.

San Juan 20:7

Gamísati to áuboun loúbarawagúa lichǘgü Jesúsu, máma lídaañoun ában túma tó buri áuboun lagǘrawagúa, joúburagu tíña, tábugua.

Filipenses 3:21

Lídaanme wéyu ligía, lasáansirubei wágubu le emégeirubei sarágu lun ítara lan quei lúgubu, le úabei lemégeirun. Áni ladǘgübei láu méme ubáfu le luágubei lun líchuguni sun cátei lábugiñe lagúmadijan.

San Juan 10:30

Áu lúma Búngiu Úguchili ában méme wagía.

San Juan 5:21

Ítara quei lásaaragüdüniña Búngiu Úguchili jiláaña lídaangiñe oúweni ába líchugun ibágari joun, ítara líña gíñe níchugun, áu le Búngiu Irájü, ibágari joun ja nabúseerun.

San Lucas 7:15

Ábati lásaarun lé buga jiláalibei, ába lagúmeserun adímureja. Ába ledéregeruni Jesúsu tun lúguchu.

Apocalipsis 1:18

Áu le wínwanbei, jilátina, guetó wínwantina lun sun dan. Níjein ligélen oúweni núma, lúma ligélen fulásu le ñí jabei jiláguaaña.

San Juan 19:40

Ábati janǘgüni José lúma Nicodémo lúgubu Jesúsu, ába joúburaguni táu gamísa to túaguatu láu ibíñei ligía según jagáburi juríu lubá jábunajan.

San Marcos 5:43

Ába líchugun Jesúsu dimúrei derégüdati joun lun mabájüdagun jamáni ni ca un, ába laríñagun joun lun jíchugun eígini tun.

San Juan 20:5

Ába nélemuchun aríja ñíjin, gamísa rügǘñoun naríja ñi, mebélutina.

San Juan 11:39

Ába laríñagun Jesúsu. —Gidájumei dǘbü. Ába taríñagun Márta lun. —Mósutia jíngiaali lan ladǘga gádürü wéyu lueígiñe loúnwen.

San Lucas 19:20

Ábati liábin ában, ába laríñagun. “Nabúreme, niján biseínsun, areída numúti tídan ában músue ladǘga nanúfude bueí,

San Juan 11:43

Lárigiñe laríñaguni cátei le, ába lagúaragun. —¡Lázaro, furíba ñígiñe!