Hebreos 7:21 - Karif

²¹ Ja jíbiri fádirigu, máfiñurunwati dan le líchugunbei jafúlasun joun, ánjeinti luágu Jesúsu, le láubei fiñún líchugúa lufúlasun lun, laríñajare tídan Lerérun Búngiu. Áu Búngiu le Abúremeinbei, fiñújadina bun, masáansiragun nubeí narítagun. “Ában fádiri amǘrü lun súnwandan, le líbe Melquisedéc.”

Hebreos 7:21 Referans Kwoze

Hebreos 7:17

Niján le laríñagubei Búngiu luágu Jesucrístu. Ában fádiri amǘrü lun súnwandan, le líbe Melquisedéc.

Romanos 11:29

Lugúndun le cátei le líchugun Búngiu, magída lumúti, gürígia ja lanúadajabaña lun lánigu jamá, lánigumemebaña.

Hebreos 5:6

Aríñagati gíñe tídan méme líburu to Lerérun Búngiu. Fádiri amǘrü lun sun dan, le líbe Melquisedéc.

Hebreos 7:20

Áni láu ában fiñún ladǘgei Búngiu aráanseruni le lun Jesúsuba lan wafádiriñe.

Hebreos 7:23

Já meja jíbiri fádirigu, chülǘtiña agíbedagua lugúndun quei ába lán buri joúnwen, siñáti jasígirun,

Hebreos 7:28

Wügǘriña ja débilibaña, jagía líchugubaña lilúrudun Moisés queísi fádirigu, ánjeinti lárigiñe lidáani lúrudu, ába láfiñurun Búngiu luágu Liraǘ lun ladǘgüni fádirime, le buídubei adǘgün le gumúti lun súnwandan.