Hebreos 1:11 - Karif

¹¹ Lagúmuchuba siélu lúma uboú, ánjein amǘrü, beréderuba lun sun dan. Liábiba siélu lúma uboú lun laweíyadun quei anáanguni,

Hebreos 1:11 Referans Kwoze

San Marcos 13:31

Lagúmuchaguba siélu lúma uboú, ánjein nerérun, merédebei magúnfulirunga.

Apocalipsis 21:1

Lárigiñe, ába layáwadagun iséri siélu lúma ában iséri uboú nun, gumúgua buga furúmiñeti siélu lúma furúmiñeti uboú áni úaali buga barána.

San Lucas 21:33

Lagúmuchaguba siélu lúma uboú, ánjein nerérun, ladúraruba lun sun dan.

San Mateo 24:35

Lagúmuchaguba siélu lúma uboú, ánjein nerérun, merédebei magúnfulirúnga.

Hebreos 12:27

Dan le laríñagun “nánjingichagüdübeiya”, míni lan luágu lagídarúba lán buri cátei le márügüdünbei luágu ébuu derébuguti, ábame leréderun le siñábei lánjingichúniwa.

Apocalipsis 20:11

Ábati naríjin ában oúnwenbun jalaǘ jarúti, ñíñein Búngiu ñun luágu. Ába lagúmuchagun siélu lúma uboú ligíbugiñe, ába marijínjali lan.

Apocalipsis 2:8

‘Babǘrüja lun joúniri tílana ligílisi to Esmírnaboun, baríñagame lun lun laríñaguni joun gürígia jagía. “Ítara líña naríñagun, áu le furúmiñeti lúma agúmujoúni, lé meja oúwebei áni wínwanyaali.

Apocalipsis 1:11

laríñaga umálali ligía nun. —Áu furúmiñebei lúma agúmujoúni, quei létüra ‘A’ lúma ‘Z’. Abǘrüjabeí sun le baríjubei, ábame boúnajanun gárada tugúya joun tílana sédü ligílisi to loúbawaguboun Ásia. Éfeso, Esmírna, Pérgamo, Tiatíra, Sárdis, Filadélfia lúma Laodicéa.

Hebreos 8:13

Adímurejaali ligía Búngiu luágu ában iséri darádu, rúlaalírügü líña le furúmiñeti quei binádu, áni cátei le binádujalibei, mayúsurunwadügüyaali.