Ába jájuduragun sun ja aganoúbaña uboúagu lun mónsturu ligía, ja úabaña jíri bürǘwañu lúmagiñe ladügǘn uboú tídan líburu to lánina ibágari, to lúmaboun Jesucrístu, le Mudún le oúwebei.
Agáamba numúti gíñe jaríñaguni sun cátei le ladǘgübei Búngiu siélu, le múarugubei, le lábugiñebei múa, lúma le baránajabei, lúma sun cátei lé buri lídaanbei. Rúalá eteíngiruni, inébesei, uweíriguni, lúma ubáfu lun Búngiu le ñúnbei luágu lála, lúma lun Mudún, lun sun dan.
¡Ligía rúwama lubeí uweíriguni lúma inébesei lun Búngiu le Warúeitebei lun sun dan, súnwandan, le moúwedadibei, siñá ligía larijíniwa, le Búngiu le ábanrügüti, le sábiu! Ítaralá.
Ába jerémujani lerémun Moisés lé meja esériwidubei lun Búngiu, lúma lerémun Mudún, le ítarabei. Weíriti áni buíti sun le adǘga báalibei, Wabúreme Búngiu, Súnti Gabáfu, surúñu líña sun le badǘgübei, úaragua, amǘrü le Lurúeitebei sun néchaani.