Apocalipsis 11:15 - Karif

¹⁵ Ába línwiruni jasédün ánjeli lifídun, ába lagaambúniwa laríñagun umálali buri jéreti siélugiñe. Chülǘjali lidáani Wabúreme Búngiu lúma lidáani Crístu lun jarúeijan lídan sun uboú, áni jarúeijaba sun dan.

Apocalipsis 11:15 Referans Kwoze

Apocalipsis 12:10

Ábati nagáambun laríñagun ában umálali jéreti siélugiñe. —Gáñei láali Búngiu Máfia láu luweírin lubáfu. Chülǘjali asálbaruni joun gürígia uboúagun, chülǘjali larúeijan Búngiu lúma lagúmadijan Crístu, ladǘga sagáwaali le íchugubei jadúnrun wadújeñu lueígiñe Jesucrístu, le íchigañajábei jadúnrun wéyuagu, áriebu ligíbugiñe Wabúngiute.

Apocalipsis 10:7

Dánme le lachǘlürün dan lun lagúmeserun jasédün ánjeli ínwirei lifídun, gúnfulijalíme laráansejan Búngiu lé meja arámudaguabei, quei le laríñaguni meja joun profétagu ja esériwidubalin.

Apocalipsis 19:1

Lárigiñe cátei le, ába nagáambuni jamálali sarágu gürígia, jagúarajan. ¡Alelúya! Weíriti Wabúngiute le Súnti Gabáfu, ligía asálbarubaliña lánigu.

San Lucas 1:33

Lagúmadirubei linásiñun Israél lun sun dan, áni magúmuchadibei lagúmadijan.

Apocalipsis 16:17

Ábati láturuni jasédün ánjeli licópun garábalirugun, ába láfuridun ában umálali lídaangiñe fulásu le sándutimaabei le siélubei. Lumálali Búngiu ligía, le ñúnbei luágu lála ñi, laríñaga. —Adügǘwaali.

Hebreos 1:8

Ánjeinti lun Liraǘ aríñagati Búngiu ítara. Búngiu, lúntibei súnwandan bañúurun luágu bála lun barúeijan, láu ában úaraguni bagúmadija.

Apocalipsis 19:6

Agáambayatina camá jamuga jamálali sarágu gürígia, camá lamúri sarágu dúna lúma wayújururu jéreguti, agúaraja. ¡Alelúya! Guméseeli Wabúreme Búngiu le Súnti Gabáfu agúmadija.

Apocalipsis 15:4

¿Cábasan manúfude bueí, Wabúngiute? ¿Cábasan madímurejan buíti buágu? Amǘrü rügǘñadibu mafígounjan, jayábinba lílana sun fulásu, ábame jájuduragun bun, ladǘga arijúaali luágu buídu lan sun le badǘgübei.

San Lucas 15:10

Naríñajare jun luágu ítara líña lan gíñe ugúndani jádan láni Búngiu ánjeligu luágu ában gafígounti le asáansiraguti luríban ligáburi lun lafálaruni Búngiu.

Apocalipsis 20:4

Ába naríjini jála buri ja ibíjubaña ubáfu lun jagúseragüdün, ñun jáña luágu. Aríja numútiña gíñe jawáni já meja adǘrürǘbaña ichǘgü lueígiñe japúrichijani Lerérun Búngiu lúma lueígiñe jadímurejan luágu Jesucrístu, ja májuduragunbaña lun mónsturu ni tun liyáwa, mígirun jagía lun lichugún líri luágu jerébe o luágu lan jarǘna. Ába naríjin jásaarun lídaangiñe oúweni lúnya jabágaridun, ába jagúmadijan úara lúma Crístu luágu mílu irúmu.

Apocalipsis 17:14

Jageíndaguba lúma Jesucrístu, láfaragubaña jilágubei, ladǘga Jabúreme sun abúremein ligía, Jarúeite gíñe sun urúeigu, áni jagáñeiruba gíñe sun lánigu ja lanúadajabaña Búngiu áni derégüdagu méme jáña lídan jafíñen luágu, úara lúma.

Apocalipsis 9:13

Ába línwiruni jasísin ánjeli lifídun, ába nagáambun ában umálali lídaangiñe gádürü larígei latárü gólu le ligíbugiñebei Búngiu.

Apocalipsis 9:1

Ába línwiruni jaseíngün ánjeli lifídun, ába naríjin ában warúguma eíguadutu siélugiñe lun múarugun, ába líchugún ligélen júyu le mébejabei tun.

Apocalipsis 8:12

Ába línwiruni jagádürün ánjeli lifídun, ába lagǘrinchagun lǘrüwan murúsun lídaangiñe líbiri wéyu, láu sun játi, jáma warúguma. Le oúbaü le agǘrinchagubei jawágu, ába labúridun, marúgoungadunti wéyuagu ni áriebu.

San Mateo 6:13

Mígira báwa lun wáburujan lídoun wuríbani, dísegüdarügü báwa lueí, ladǘga amǘrü le arúeijabei, amǘrü le Súntibei Gabáfu, amǘrü le weírigubei lun sun dan. Ítaralá.

San Lucas 15:6

Dan le lachǘlürün lúbiñoun, ába loúndaruniña lumádagu jáma lubésinanigu, laríñaga joun. “Gúnda jumá úara núma, ladǘga darína nilǘgün mudún tó yebe eféridiruboun nueí.”

San Mateo 24:31

Dánme línwirúniwa fídu rein, ábame noúnajaniña náni ánjeligu ja siélubaña lun joúndaruniña nánigu ja anúadira náañabaña lídaangiñe gádürü larígei uboú.

Hechos 4:26

Iñúraguatiña lurúeitegu uboú joúngua, oúndaraguátiña lábutigu fulásu lun jadǘgün wuríbani lun Wabúreme Búngiu lúma lun Crístu le lanúadajabei.