Яков 5:9 - Бур Юӧр 2019

⁹ Воннэзӧ, ӧтамӧдныт вылӧ эд норасьӧ, медбы Еныс эз судит тіянӧс. Судитісьыс эд сулалӧ ыбӧс дорас.

Яков 5:9 Referans Kwoze

1 Коринфын оліссезлӧ 4:5

Сійӧн Дӧсвидзисьыс локтытӧдз мортсӧ эд осудитӧ. Пемытінас сайӧвтӧмсӧ Сія петкӧтас, морт сьӧлӧмын видзӧмсӧ осьтас. Сэк Еныс быд мортлӧ сетас сэтшӧм ошкӧм, кытшӧм колӧ.

Яков 4:11

Воннэзӧ, ӧтамӧдныт йылісь эд баитӧ умӧля. Кин воныс йылісь умӧля баитӧ да сійӧ осудитӧ, сія Туйдӧтыс йылісь умӧля баитӧ, Туйдӧтсӧ осудитӧ. Сэк сія мортыс абу Туйдӧт сьӧрті олісь, но судитісь.

Матвей 24:33

Сідз и тійӧ, этӧ быдӧс адззикӧ тӧдӧ: сія кадыс матын ни, ыбӧс дынас.

1 Петра 4:9

Ӧтамӧднытӧ кокнит сьӧлӧмӧн норасьтӧг рочалӧ горттэзаныт.

Галатияын оліссезлӧ 5:26

Огӧ пондӧ асьнымӧс лэбтыны, ӧтамӧднымӧс дозыляйтны да ӧтамӧднымлӧ завидуйтны.

1 Петра 4:5

Судитісьыс одзын нылӧ ковсяс ас понданыс кыв видзны. Ловьяэсӧ кулӧммескӧт судитны Сылӧн быдӧс лӧсьӧтӧм ни.

Галатияын оліссезлӧ 5:14

Туйдӧтсис быдӧс тшӧктӧммес ӧтік тшӧктӧмись петӧны: «Матісьтӧ радейт асьтӧ моз».

1 Коринфын оліссезлӧ 10:11

Ныкӧт быдӧс лоӧмыс велӧтӧ миянӧс. Сы йылісь гижӧмась, медбы ӧвны миянӧс, медбӧрья кадӧ оліссесӧ.

Марк 13:29

Сідзкӧ, кӧр тійӧ казялат Менам кыввез сьӧрті керсьӧмсӧ, тӧдӧ: сія кадыс матын ни, ыбӧс дорас.

2 Коринфын оліссезлӧ 9:7

Быдыс сет сьӧлӧмыт висьталӧм сьӧрті тӧждісьтӧг, тшӧктытӧг. Кокнит сьӧлӧмсянь отсӧт сетісьсӧ радейтӧ Еныс.

Марк 6:19

Сысянь Иродиадаыс лӧгасьӧм Иоаныс вылӧ и мӧдӧм сійӧ вийны, но абу вермӧм нем керны.

Осьтӧм 3:20

То, Ме сулала ыбӧс одзас да ёркӧтча. Кылас кӧ кин Менчим шыӧс да осьтас ыбӧссӧ, Ме пыра сы ордӧ. Мийӧ ӧтлаын пондам рытйыны.

Яков 4:12

Туйдӧтсӧ Сетісьыс да Судитісьыс эд ӧтік. Сія ӧтнас вермӧ мездыны да лов босьтны. А тэ, мӧдік йылісь умӧля баитісь, кин тэ сэтшӧмыс?

Яков 5:7

Воннэзӧ, тійӧ видзчисят Дӧсвидзисьлісь бертӧмсӧ. Сідзкӧ, видзчисьны мыланыт ась оз быр. Босьтам му вылын уджалісьӧс. Сія дыр видзчисьӧ тулысся да арся зэрресӧ, медбы му вывсис босьтны дона воӧмсӧ.

Яков 5:10

Менам воннэзӧ, вайӧтӧ тӧдвыланыт Енсянь юӧртіссесӧ, кӧдна кӧркӧ баитлӧмась Дӧсвидзись нимсянь. Велӧтчӧ нысянь. Нія пессьӧм-мырсьӧм коста видзсьӧмась ыджыт мылаӧн.