Яков 4:12 - Бур Юӧр 2019

¹² Туйдӧтсӧ Сетісьыс да Судитісьыс эд ӧтік. Сія ӧтнас вермӧ мездыны да лов босьтны. А тэ, мӧдік йылісь умӧля баитісь, кин тэ сэтшӧмыс?

Яков 4:12 Referans Kwoze

Римын оліссезлӧ 14:4

Кин тэ сэтшӧмыс, мӧдіклісь рабсӧ осудитісь? Усьӧ сія, сулалӧ я ─ сылӧн Кӧзяиныс сійӧ тӧдӧ. Сія пондас сулавны, Еныслӧн выныс эд эм сійӧ лэбтыны.

Римын оліссезлӧ 2:1

Он вермы дорйыны асьтӧ, мӧдікӧс осудитісь морт. Мӧдікӧс осудитӧмыт эд висьталӧ ас йывсит. Тэ эд ачыт сійӧ жӧ керан.

Матвей 10:28

Эд полӧ вывтыр вийиссезісь, ловнытӧ эд нія вийны озӧ вермӧ. Полӧ Сыись, Кин вермӧ лов и вывтыр куслытӧм биын сотны.

Яков 5:9

Воннэзӧ, ӧтамӧдныт вылӧ эд норасьӧ, медбы Еныс эз судит тіянӧс. Судитісьыс эд сулалӧ ыбӧс дорас.

Еврейезлӧ 7:25

Сійӧн Сія вермӧ мездыны Еныс дынӧ Сы пыр быд локтісьсӧ. Сія эд пыр олӧ, медбы Еныс одзын кеймисьны ны понда.

Римын оліссезлӧ 14:13

Сэсся огӧ ни пондӧ ӧтамӧднымӧс осудитны. Буржык видзӧтны ас сьӧраныт, кыдз бы воннытӧ эдӧ вайӧтӧ падмӧмӧдз да ылалӧмӧдз.

Римын оліссезлӧ 9:20

Морт, кин тэ сэтшӧмыс, Еныскӧт кутчисян етшасьны? Керӧмыс вермас разь висьтавны керисьыслӧ: мыля тэ менӧ сэтшӧмӧ керин?

Лука 12:5

Висьтала тіянлӧ, кинісь колӧ повны: полӧ Сыись, Кӧда вийӧм бӧрас вермас куслытӧм биӧ чапкыны. Тіянлӧ шуа: Сыись полӧ.