Яков 2:5 - Бур Юӧр 2019

⁵ Менам дона воннэзӧ, кывзӧ! Еныс бӧрйис му вывсис умӧля оліссесӧ, медбы сетны нылӧ ёна веритӧмсӧ да Ассис Юраланінсӧ. Этӧ кӧсйис сетны Сійӧ радейтіссезлӧ.

Яков 2:5 Referans Kwoze

Матвей 5:3

«Шудаӧсь ловныслӧ кориссес: нылӧн эм Енӧжись Юралӧм.

Лука 6:20

Исусыс видзӧтіс Аслас велӧтчиссез вылӧ да пондіс баитны: «Шудаӧсь ловныслӧ кориссез: Енӧжись Юралӧм тіян.

Осьтӧм 2:9

Ме тӧда тэнчит уджтӧ, сьӧкыта да умӧля олӧмтӧ. Но тэ медбура олан! Тӧда, кыдз тэнӧ видӧны асьнысӧ иудейезӧн шуиссес. А нія эд абу иудейэз, нія сотанаыслӧн чукӧрыс.

2 Коринфын оліссезлӧ 8:9

Миян Дӧсвидзись Кристос Исуслісь радейтӧмсӧ тійӧ тӧдат. Сылӧн вӧлі быдӧс. Но тіян понда Сія быдӧс колис, медбы Сылӧн быдӧс кольӧмсянь тіян быдӧс вӧлі.

Лука 12:21

Сідз овлӧ пажытьсӧ ас понда ӧктіссезкӧт, Ен понда кӧ озӧ ӧктӧ».

1 Петра 1:4

Надейтчам босьтны и Еныслісь миянлӧ лӧсьӧтӧм пайсӧ, кӧда сӧстӧм, оз сісьмы да оз рушмы. Сійӧ тіянлӧ видзӧны енӧжас.

Яков 1:12

Шуда мортыс, кӧда сьӧкытӧттяс-ылӧтанӧттяс мунас да вермас видзсьыны. Сылӧ Еныс сетас козин ─ олан юркытш. Сійӧ Еныс кӧсйӧм сетны Сійӧ радейтіссеслӧ.

Еврейезлӧ 11:26

Кристос понда видӧмсӧ сія лыддьӧм донажыкӧн Египетсис быд дона торся. Сія видзӧтӧм одзланьсяыс вылӧ, мый сылӧ лоас сетӧм.

Лука 12:32

Эд полӧ, учӧт чукӧр! Айныт шуис сетны тіянлӧ Юралӧм.

1 Коринфын оліссезлӧ 2:9

Вежа Гижӧтыс тай висьталӧ: ─ Сэтшӧмсӧ эз адззывлы син, эз кывлы пель, сэтшӧмыс мортлӧ юрас эз пырлы, мый лӧсьӧтӧм Еныс Сійӧ радейтіссезлӧ.

Матвей 25:34

Сэк веськытланьын сулаліссеслӧ Ӧксуыс шуас: "Локтӧ, Менам Айлӧн бласлӧвитӧммез. Тіянлӧ вуджас Енлӧн Юраланіныс. Сія тіянлӧ лӧсьӧтӧм быдӧс аркмӧтӧмсянь ни.

Осьтӧм 21:7

Вермалісьыслӧ этӧ быдӧс сета. Ме лоа сылӧ Енӧн, сія лоас Менам зонӧн.

Яков 1:9

Умӧля олісь вон ась гажмӧ, Еныс эд сійӧ вылына лэбтӧ.

2 Тимофейлӧ 4:8

Ӧні меным лӧсьӧтӧм веськыта олӧмлӧн юркытш. Сійӧ юркытшсӧ меным сетас Дӧсвидзисьыс, Сія эд веськыта Судитісьыс. Аслас локтан Лунӧ Сія сетас юркытшсӧ меным да и быдӧнныслӧ, кӧдна радейтӧмӧн видзчисьӧны Сылісь локтӧмсӧ.

2 Коринфын оліссезлӧ 6:10

Миянлӧ шогсӧ вайӧны, мийӧ тай пыр гажаӧсь. Миян нем абу, а миян сетӧмсянь унаӧн тай буржыка пондӧны овны. Миян нем абу, а быдӧс тай миян киын.

Осьтӧм 3:18

Ме велӧта тэнӧ. Медбы богатсявны, неб Менчим биын сӧстӧммӧм зарни. Медбы пасьтасьны, неб Менчим чочком паськӧм. Ась оз тыдав тэнат рожа кулян вывтырыт. Неб Менчим син веськӧтан да мавт ассит синнэтӧ, медбы пондін адззыны.

1 Тимофейлӧ 6:18

Велӧт нійӧ бурсӧ керны. Нія ась богатсялӧны бура отсасьӧмнаныс, озӧ лоӧ надзӧсь, а отсасьӧны отирлӧ.

Лука 16:25

Авраамыс сылӧ шуис: "Зонӧй, уськӧт тӧдвылат: тэ эд олікат босьтін ни ассит буртӧ. Лазарыслӧ дӧнзис умӧльыс. Ӧні сія эстӧн сьӧлӧмсӧ бурмӧтӧ, а тэ маитчан.

Матвей 11:5

─ Синтӧммез адззӧны, чотіссез ветлӧтӧны, проказаӧн шогаліссез сӧстӧммӧны, пельтӧммез кылӧны, кулӧммез ловзьӧны, кориссезлӧ Бур Юӧр висьтасьӧны.

2 Петра 1:11

Сідз оссяс тіянлӧ пыраніныс миян Мездӧтісь Кристос Исуслӧн пырся Юраланінӧ. Сія эд миян Дӧсвидзисьным.

2 Тимофейлӧ 4:18

Сія и одзлань пондас мездыны менӧ быд умӧльсис да вайӧтас менӧ Аслас Енӧжись Юраланінӧ. Сылӧ пырся-пыр ошкӧм! Аминь.

2 Фессалоникаын оліссезлӧ 1:5

Еныс шуас тіянӧс туяна отирӧн пырны Аслас Юраланінӧ. Ӧні тійӧ сы понда и пессят-мырсят. Эта быдӧс висьталӧ Енлӧн веськыта судитӧм йылісь.

Ефесын оліссезлӧ 3:8

Ме вежа отирыс коласісь медучӧтыс, но меным сетӧм эта бурыс: ентӧдтӧммезлӧ висьтасьны Кристослӧн донася-дона бурсетӧм йылісь Бур Юӧрсӧ.

Римын оліссезлӧ 8:17

Сылӧн челядь кӧ, сэк и мийӧ Кристосыс моз Еныс увтырись. И мийӧ сэк ӧтвылісь Кристосыскӧт босьтам Сылісь кӧсйӧмсӧ. Кристоскӧт ӧтлаын кӧ пессям-мырсям, сэк югьяланінас Сыкӧт ӧтлаын лоам.

Лука 16:22

Корись мортыс куліс. Ангеллэс нуӧтісӧ сійӧ Авраам дынӧ. Куліс и бура олісьыс, сійӧ дзебісӧ.

Яков 1:16

Менам дона воннэзӧ, асьнытӧ эд бӧбӧтлӧ!

1 Фессалоникаын оліссезлӧ 2:12

Мийӧ тіянӧс туйдӧтім, ӧзйӧтім, кеймисьӧмӧн корим овны сідз, кыдз колӧ Енлӧ. Сія тіянӧс корӧ эд Аслас Юраланінӧ да югьяланінӧ.

Ефесын оліссезлӧ 1:18

Сія ась югдӧтас тіянлісь сьӧлӧммезнытӧ, медбы вежӧртны, мый вылӧ тійӧ надейтчат. Сія надейтчӧмӧ Еныс тіянӧс и корис. Тіянлӧ колӧ вежӧртны, кытшӧм ыджыт да югьялан пай Сія лӧсьӧтӧм вежа отирлӧ

2 Коринфын оліссезлӧ 4:15

Быдӧс эта керсьӧ тіян понда, медбы Еныслӧн унася-уна бурсетӧмыс йиджис быд сьӧлӧмӧ. Сэк и ошкыны да буркывтны Енсӧ унажыкӧн пондасӧ.

Иоан 7:48

Веськӧтліссес да фарисейес коласісь пондіс разь кинкӧ веритны Сылӧ?

Лука 22:29

Меным Айӧ сетіс ӧксулісь юралан вын. Сійӧ юралан вынсӧ Ме сета тіянлӧ.

Марк 7:14

Исусыс бӧра корис быдӧс отирсӧ да шуис нылӧ: «Кывзӧ Менӧ быдӧнныт да вежӧртӧ.

Ап. керӧммез 7:2

Стефаныс висьталіс: «Айез, воннэз, кывзӧ! Югьялан Еныс мыччасьӧм миян Авраам айлӧ Месопотамияын. Сія вӧлӧм Авраамлӧн Харанӧ мунтӧдз.

Яков 1:19

Сідзкӧ, менам дона воннэзӧ, быд морт ась лоӧ чож кывзыны, жаг висьтавны да лӧгасьны.