Яков 1:2 - Бур Юӧр 2019

² Воннэзӧ, ёна гажмӧ, кӧр локтӧ тіян вылӧ быдпӧлӧс сьӧкытыс-ылӧтлӧмыс.

Яков 1:2 Referans Kwoze

Яков 1:12

Шуда мортыс, кӧда сьӧкытӧттяс-ылӧтанӧттяс мунас да вермас видзсьыны. Сылӧ Еныс сетас козин ─ олан юркытш. Сійӧ Еныс кӧсйӧм сетны Сійӧ радейтіссеслӧ.

Филипын оліссезлӧ 1:29

Еныс эз сет миянлӧ дзир веритны Кристосыслӧ, но и пессьыны-мырсьыны Сы понда.

2 Петра 2:9

Дӧсвидзисьыс эд тӧдӧ, кыдз мездыны Енлӧ юрбитісь мортсӧ ылалӧмсис. А умӧльсӧ кериссесӧ кужӧ видзны, медбы мыжйыны Суд Лунас.

Колосын оліссезлӧ 1:24

Ӧні, тіян понда пессьӧмӧ коста, менам сьӧлӧм вылам гаж. Му вылас менам пессьӧм-мырсьӧмӧ лоӧ содтӧтӧн Кристослӧн пессьӧм-мырсьӧм дынӧ. Ме мырся Кристослӧн вывтыр понда, а Сылӧн вывтырыс ─ вичкуыс.

Осьтӧм 2:10

Тэныт ковсяс ёна пессьыны-мырсьыны, но немись эн пов. Тіян коласісь мукӧдсӧ кульыс пондас кутлыны, пуксьӧтлыны, медбы тӧдмавны-видзӧтны тіянлісь видзсян выннытӧ. Дас лун тійӧ пондат пессьыны. Но тэ нельки кувтӧдз видзсьы веритӧмнат, и Ме сета тэныт Олан юркытш.

Ап. керӧммез 5:41

Судитанінсис мунтӧн апостоллэс гажмисӧ. Нійӧ эд вартлісӧ-умӧльтісӧ Дӧсвидзись Исус ним понда. Сідзкӧ, нія Еныслӧ туяна отир.

Еврейезлӧ 10:34

Тійӧ отсасит и меным пукалӧмӧ коста. Тіянлісь горттэзсиныт быдӧс пажытьсӧ нӧбӧтісӧ, тійӧ и сэк вӧліт гажаӧсь. Тійӧ эд тӧдітӧ: енӧжас тіян эм буржык пажыть, кӧда оз ӧш.

Филипын оліссезлӧ 2:17

Ме уджала тіян веритӧм понда. И ковсяс кӧ меным тіян понда нельки кисьтны ассим вирӧс да вайны ачымӧс езъялан козин туйӧ, ме и сэк гажма. Понда гажӧтчыны тіянкӧт ӧтлаын.

Римын оліссезлӧ 5:3

Мийӧ гажаӧсь и пессьӧм-мырсьӧмным коста. Мийӧ эд тӧдам: сысянь мыланым вынсялӧ.

Яков 1:16

Менам дона воннэзӧ, асьнытӧ эд бӧбӧтлӧ!

Яков 1:19

Сідзкӧ, менам дона воннэзӧ, быд морт ась лоӧ чож кывзыны, жаг висьтавны да лӧгасьны.

Яков 5:11

Мийӧ бурнас касьтылам нійӧ, кӧдна ыджыт мылаӧн вермӧмась видзсьыны. Тійӧ кывлітӧ Иовыслісь ыджыт мылаӧн видзсьӧм йылісь да тӧдатӧ, мый сетӧм сылӧ Дӧсвидзисьыс медбӧрын. Дӧсвидзисьыс эд жалейтӧ отирсӧ, Сія небыт сьӧлӧма.

Филипын оліссезлӧ 2:18

Этасянь и тійӧ гажмӧ, гажмӧ мекӧт ӧтлаын.