Яков 1:12 - Бур Юӧр 2019

¹² Шуда мортыс, кӧда сьӧкытӧттяс-ылӧтанӧттяс мунас да вермас видзсьыны. Сылӧ Еныс сетас козин ─ олан юркытш. Сійӧ Еныс кӧсйӧм сетны Сійӧ радейтіссеслӧ.

Яков 1:12 Referans Kwoze

1 Петра 5:10

Тійӧ ӧні мыйкӧ дырна пессят-мырсят. Но быдӧс бурсетӧмыс локтӧ Енсянь. Сія тіянӧс Кристос Исусыс пыр корис Аслас пырся югьяланінӧ. Ӧні Сія Ачыс керас тіянӧс быдсӧн бурресӧн, лэбтас да вынсьӧтас, велӧтас чорыта видзсьыны.

Осьтӧм 2:10

Тэныт ковсяс ёна пессьыны-мырсьыны, но немись эн пов. Тіян коласісь мукӧдсӧ кульыс пондас кутлыны, пуксьӧтлыны, медбы тӧдмавны-видзӧтны тіянлісь видзсян выннытӧ. Дас лун тійӧ пондат пессьыны. Но тэ нельки кувтӧдз видзсьы веритӧмнат, и Ме сета тэныт Олан юркытш.

Яков 5:11

Мийӧ бурнас касьтылам нійӧ, кӧдна ыджыт мылаӧн вермӧмась видзсьыны. Тійӧ кывлітӧ Иовыслісь ыджыт мылаӧн видзсьӧм йылісь да тӧдатӧ, мый сетӧм сылӧ Дӧсвидзисьыс медбӧрын. Дӧсвидзисьыс эд жалейтӧ отирсӧ, Сія небыт сьӧлӧма.

Римын оліссезлӧ 8:28

Мийӧ тӧдамӧ: Енсӧ радейтіссеслӧ, Сылӧн висьталӧм сьӧрті корӧммеслӧ, оланын быдӧс керсьӧ бур вылӧ.

Матвей 10:22

Ме понда быдӧнныслӧ тійӧ син вылӧ одӧ пондӧ ковны. Кин медбӧрӧдз вермас видзсьыны, сія мезмас.

1 Коринфын оліссезлӧ 9:25

Вермасиссес лӧсьӧтчӧмныс коста уна мыйись видзсьӧны, керӧны быдӧс коланасӧ, медбы вермыны. Нылӧ сетӧны юркытшсӧ дзир ӧні кежӧ, и сія сісьмӧ. Мийӧ эд лӧсьӧтчам босьтны пыр кежӧ юркытшсӧ, кӧда оз сісьмы.

1 Петра 3:14

Пессят-мырсят кӧ Ен сьӧрті веськыта олӧм понда, сэк тійӧ шудаӧсь. «Некинісь эд полӧ, и тіянӧс ась нем оз повзьӧт».

2 Тимофейлӧ 4:8

Ӧні меным лӧсьӧтӧм веськыта олӧмлӧн юркытш. Сійӧ юркытшсӧ меным сетас Дӧсвидзисьыс, Сія эд веськыта Судитісьыс. Аслас локтан Лунӧ Сія сетас юркытшсӧ меным да и быдӧнныслӧ, кӧдна радейтӧмӧн видзчисьӧны Сылісь локтӧмсӧ.

Яков 2:5

Менам дона воннэзӧ, кывзӧ! Еныс бӧрйис му вывсис умӧля оліссесӧ, медбы сетны нылӧ ёна веритӧмсӧ да Ассис Юраланінсӧ. Этӧ кӧсйис сетны Сійӧ радейтіссезлӧ.

1 Петра 5:4

Кӧр локтас тіян сьӧрын медвылісь Видзӧтісьыс, тійӧ босьтат югьялан юркытш. Сія некӧр оз рушмы.

1 Коринфын оліссезлӧ 2:9

Вежа Гижӧтыс тай висьталӧ: ─ Сэтшӧмсӧ эз адззывлы син, эз кывлы пель, сэтшӧмыс мортлӧ юрас эз пырлы, мый лӧсьӧтӧм Еныс Сійӧ радейтіссезлӧ.

Осьтӧм 3:21

Ме эд верми да пукси ордчӧн Айӧкӧт Сылӧн юралан пукӧс вылӧ. Сідз и вермалісьсӧ Ме пуксьӧта ордчӧн Аслам юралан пукӧс вылӧ.

1 Петра 4:13

Тіян вылӧ усьӧ Кристосыслӧн пессьӧм-мырсьӧмыс, сысянь гажмӧ. Тійӧ эд ёна пондат гажӧтчыны, кӧр мыччисяс Сылӧн югьялӧмыс.

1 Коринфын оліссезлӧ 8:3

Кин радейтӧ Енсӧ, сійӧ Еныс тӧдӧ.

Осьтӧм 3:19

Кинӧс Ме радейта, сылӧ веськыта висьтала умӧль керӧмыс йылісь да вачкышта. Сідзкӧ, вынсьӧтчы бергӧтчыны аслат умӧль керӧммет дынісь.

Еврейезлӧ 10:32

Уськӧтӧ тӧдвылӧ одзза луннэзнытӧ. Сэк тійӧ пондіт тӧдны Бур Юӧрлісь югытсӧ. Уна пессьӧм-мырсьӧмыс усис тіянлӧ. Тійӧ эдӧ усьӧ.

Еврейезлӧ 6:15

Авраамыс видзчисьӧм мыла быртӧг да босьтӧм Енлісь кӧсйӧмсӧ.

Матвей 25:34

Сэк веськытланьын сулаліссеслӧ Ӧксуыс шуас: "Локтӧ, Менам Айлӧн бласлӧвитӧммез. Тіянлӧ вуджас Енлӧн Юраланіныс. Сія тіянлӧ лӧсьӧтӧм быдӧс аркмӧтӧмсянь ни.

Еврейезлӧ 11:17

Авраамыслӧн веритӧмыс вӧлі тӧдмалӧм-видзӧтӧм. Веритӧмӧн сія пуктӧм езъяланін вылас ассис ӧтка чужтӧм зонсӧ. Сія эд веритӧм кӧсйӧмыслӧ.

1 Иоан 4:19

Пондам радейтны Енсӧ, одзжык эд Сія пондіс радейтны миянӧс.

Еврейезлӧ 12:5

Тійӧ вунӧтіт Енлісь бурӧтан кыввесӧ, Сія тіянлӧ кыдз зоннэзлӧ висьталӧ: ─ Менам зонӧ! Дӧсвидзисьыслісь вачкыштӧмсӧ эн пукты абутӧм туйӧ. Эн ӧшӧт юртӧ, кӧр Сія чорыта висьталӧ умӧль керӧмыт йылісь.

Лука 6:22

Шудаӧсь тійӧ, кӧр Морт Зон понда син вылӧ одӧ пондӧ ковны, кӧр тіянӧс вашӧтасӧ, пондасӧ видны, тіянлісь нимнытӧ нятьнас тыртасӧ.

Римын оліссезлӧ 5:4

Бырлытӧм мылаӧн видзсьӧмсянь велалам мунны пессьӧм-мырсьӧм пыр. Сысянь вынсялӧ надеяным.

2 Тимофейлӧ 2:15

Еныс одзын вынсьӧтчы асьтӧ мыччавны надейнӧй уджалісьӧн, Сы Кыв сьӧрті веськыта велӧтісьӧн, кӧдалӧ немись гӧрдӧтны.

1 Петра 4:14

Кристос ним понда тіянӧс видӧны кӧ, тійӧ шудаӧсь. Еныслӧн югьялан Лолыс эд тіянкӧт. Отирыс Сійӧ видӧны, а тійӧ Сійӧ ошкат.