Яков 1:1 - Бур Юӧр 2019

¹ Гижӧ Яков, Енлӧн да Дӧсвидзись Кристос Исуслӧн раб. Гижӧтӧс ыста му пасьта отир коласӧ янсалӧм даскык иудей увтырлӧ. Лӧнь олан тіянлӧ!

Яков 1:1 Referans Kwoze

1 Петра 1:1

Гижӧ Петра, Кристос Исуслӧн апостол. Гижа Енлӧн бӧрйӧммезлӧ, му пасьта паськалӧм Кристос отирлӧ: Понтӧ, Галатияӧ, Каппадокияӧ, Асияӧ да Вифинияӧ локтӧммезлӧ.

Иоан 7:35

Сы коста иудейес баитісӧ ӧтамӧдныслӧ: «Кытчӧ Сія мӧдӧ мунны? Мийӧ пӧ Сійӧ нельки огӧ адззӧ? Оз я Сія мӧд мунны миян отир дынӧ, кӧдна олӧны греккез коласын, да велӧтны греккесӧ?

Ап. керӧммез 8:1

Савлыс вӧлі Стефансӧ вийиссез дор. Нія луннэзӧ Ерусалимас ёна пондісӧ дзескӧтлыны-вашӧтлыны веритіссесӧ. Веритіссес быдӧнныс мунісӧ-рознитчисӧ Самария да Иудея муэзӧ. Ерусалимас кольччисӧ дзир апостоллэс.

Ап. керӧммез 26:7

Кӧсйӧмыслісь лоӧмсӧ надейтчӧны адззывны миян даскык увтырным. Видзчисьтӧнняныс нія лун и ой кысъялӧны Еныслӧ. Кӧсйӧмыс вылӧ надейтчӧмӧ понда, Агриппа ӧксу, иудейес и висьтавлӧны ме вылӧ умӧльсӧ.

Ап. керӧммез 15:23

Гижисӧ да иньдісӧ ныкӧт сэтшӧм гижӧт: «Пым юӧр тіянлӧ! Мийӧ ─ апостоллэз, вичкуын веськӧтліссез да веритіссез ─ гижам Антиокияись, Сирияись да Киликияись воннэзлӧ, быд отирись веритіссезлӧ.

Титлӧ 1:1

Гижӧ Павел, Енлӧн раб, Кристос Исуслӧн апостол. Ме сувтӧтӧм вынсьӧтны Енлӧн бӧрйӧммеслісь веритӧмнысӧ, отсавны вежӧртны Еныслісь быльсӧ, медбы нія олісӧ Енлӧ юрбитӧмӧн.

Галатияын оліссезлӧ 2:9

Яков, Кифа да Иоан йылісь шуӧны, ны вылын пӧ вичкуыс видзсьӧ. Меным да Варнаваыслӧ нія сетісӧ киэзнысӧ, кӧр пондісӧ тӧдны: менам сія уджыс Енлӧн бурсетӧмсянь, и мийӧ керам ӧтік удж. Мийӧ баитчим: нія мунасӧ иудейез дынӧ, а мийӧ ─ мӧдік отир дынӧ.

Ап. керӧммез 15:13

Нія дугдісӧ баитны. Сэсся пондіс баитны Яков. Сія висьталіс: «Воннэз! Кывзӧ менӧ.

Римын оліссезлӧ 1:1

Гижӧ Павел, Кристос Исуслӧн раб. Менӧ бӧрйис Еныс. Сія сувтӧтіс менӧ нуӧтны апостоллісь удж ─ юӧртны отирлӧ Ассис Бур Юӧрсӧ.

Ап. керӧммез 21:18

Мӧд лунас Павелкӧт локтім Яков дынӧ. Сэтчӧ локтісӧ и вичкуись веськӧтліссез.

Иоан 12:26

Меным кысъялісьыс ась локтӧ Ме сьӧрӧ. Кытӧн Ме лоа, сэтӧн лоас и кысъялісьӧ. И Меным кысъялісьсӧ Айӧ бурӧ пуктас.

Матвей 19:28

Исусыс нылӧ висьталіс: «Ме тіянлӧ быльсӧ висьтала: виль оланын Морт Зон пуксяс Аслас югьялана юралан пукӧс вылӧ. Сэк и тійӧ, Ме сьӧрын муніссес, пуксят даскык юралан пукӧс вылӧ. Тійӧ пондат Израильлӧн даскык увтырись отиркӧт суд вылас бӧрйисьны.

Иуда 1:1

Гижӧ Иуда, Кристос Исуслӧн раб, Яковлӧн вон. Гижӧмӧс ыста Енлӧн корӧммезлӧ. Ен Айным керис тіянӧс вежа отирӧн, а Кристос Исусыс видзӧ тіянӧс.

2 Петра 1:1

Гижӧ Симон-Петра, Кристос Исуслӧн апостол да раб. Гижӧмӧс ыста тіянлӧ, дона веритӧмсӧ миян моз сьӧлӧманыт босьтіссезлӧ. Веритӧмыс миянлӧ вӧлі сетӧм Ен да Мездӧтісь Кристос Исуснымлӧн веськыта керӧмсянь.

Филипын оліссезлӧ 1:1

Гижӧтыс Павелсянь да Тимофейсянь, Кристос Исуслӧн раббезсянь. Ыстам Филип карын оліссезлӧ, Кристослӧн быдӧс вежа отирлӧ, вичкуын веськӧтліссезлӧ да нылӧн отсасиссезлӧ.

Галатияын оліссезлӧ 2:12

Одзжык сія сёйис ӧтлаын Кристос отиркӧт, кӧдна эзӧ вӧлӧ иудейез. Сэтчӧ локтісӧ Яковлӧн кынымкӧ ыстӧм морт. Сія повзис вундыштыштӧм дор сулаліссезсис, сійӧн ны локтӧмсянь пондіс ылӧтчыны да сайласьны.

Галатияын оліссезлӧ 1:19

Сэтчин адззылі Дӧсвидзисьлісь Яков вонсӧ. Апостоллэс коласісь сэсся некинӧс эг адззыв.

Ап. керӧммез 15:21

Моисейлісь Туйдӧтсӧ висьтасиссес кӧркӧсянь эд эмӧсь быд карын. Быд шоччисян лунӧ сійӧ Туйдӧтсӧ лыддьӧтӧны синагогаэзын».

Ап. керӧммез 1:13

Локтӧм бӧрас нія ӧтлаын пырисӧ керкуӧ вылісь жырӧ да сэтчӧ кольччисӧ. Сэтӧн вӧлісӧ Петра да Яков, Иоан да Ӧндрей, Филип да Фома, Варфоломей да Матвей, Алфейлӧн Яков да Зилот Симон, да Яковлӧн Иуда воныс.

Матвей 13:55

Абу я Сылӧн айыс черӧн уджалісь? Абу я Сылӧн Мамыс Мария, а воннэс Яков, Иосий, Симон да Иуда?

Ап. керӧммез 12:17

Сія кинас ӧвтыштӧмӧн тшӧктіс нылӧ чӧвны. Петраыс висьтасис чижовкасис Дӧсвидзись отсӧтӧн петӧм йылісь. Лоӧмыс йылісь тшӧктіс юӧртны Яковлӧ да мӧдік воннэзлӧ. Сэсся сія петіс да муніс мӧдіклаӧ.

Осьтӧм 7:4

Сэк ме кылі, кыным мортлӧ пуктасӧ пассӧ: сё нёльдас нёль сюрс мортлӧ. Нія отирыс Израильлӧн быд увтырись:

Ап. керӧммез 2:5

Ерусалимас сэк ӧксисӧ Енлӧ юрбитісь иудейез. Нія локтісӧ быд муись, быд отир коласісь.

Лука 22:30

Менам Юраланінын пондат сёйны-юны Мекӧт ӧтік пызан сайын. Юралан пукӧссэз вывсянь пондат суд вылас бӧрйисьны Израильлӧн даскык увтырись отиркӧт».

Матвей 10:3

Филип, Варфоломей, Фома, вот ӧктісь Матвей, Алфей Яков, Леввей, мӧд нимыс сылӧн Фаддей,

2 Тимофейлӧ 4:21

Тэрмась локны тӧлӧдззас. Юӧр тэныт ыстӧны Еввул, Пуд, Лин, Клавдия да воннэзным быдӧнныс.

Ап. керӧммез 23:26

«Гижӧ Клавдий Лисий. Бур олан тэныт, Феликс, вылына лэбтӧм юралісь.

Лука 6:15

Матвей, Фома, Алфейлӧн Яков, Симон, кӧдалӧн нимкодьыс вӧлі Зилот,

Марк 3:18

Ӧндрей, Филип, Варфоломей, Матвей, Фома, Алфейлӧн Яков зон, Фаддей, Кананит Симон