Осьтӧм 1:5 - Бур Юӧр 2019

⁵ да Кристос Исуссянь. Сія Висьталісьыс надейнӧй. Медодз Сія ловзис кулӧммес коласісь да юралӧ му вылас юраліссез вылын. Сія радейтӧ миянӧс. Аслас вирӧн Сія мездіс миянӧс умӧль керӧммезсиным,

Осьтӧм 1:5 Referans Kwoze

Еврейезлӧ 9:14

Сэк мымдаись буржыка сӧстӧмтӧ Кристосыслӧн Вирыс! Сія Ачыс Асьсӧ Вежа Лолыс вынӧн вайис Еныслӧ сӧстӧм бур козинӧн. Сылӧн вирыс сӧстӧмтас миянлісь сьӧлӧммезнымӧс кулӧмас вайӧтан умӧль керӧммезісь, медбы кысъявны ловья да былись Енлӧ.

1 Иоан 1:7

Еныс олӧ югытас. Сы моз олам кӧ югытас, сэк мийӧ ӧтамӧднымкӧт ӧтвылісь. Ен Зон Кристос Исуслӧн вирыс сӧстӧмтӧ миянӧс быдкодь умӧль керӧмись.

Осьтӧм 17:14

Нія пондасӧ тышкасьны Дзельыскӧт. Дзельыс нійӧ вермас. Сія эд юраліссез вылын Юралісь, ӧксуэз вылын Ӧксу. Сыкӧт ӧтлаын Сылӧн корӧммес, бӧрйӧммес, надейнӧйес».

Колосын оліссезлӧ 1:18

Сія вывтырыслӧн, вичкуыслӧн, Юрыс. Сія ─ быдӧс Пондӧтісь, кулӧмись медодзза Ловзись, медбы быдӧсын Сія вӧлі медодззаӧн.

1 Петра 1:19

Тійӧ небӧмӧсь Кристослӧн дона вирӧн, Сія эд вӧлі сӧстӧм бур Дзельыс.

Ап. керӧммез 26:23

Ме висьтася: Кристос-Мездӧтісьыслӧ коліс пессьӧмӧн-мырсьӧмӧн кувны да медодззалӧ ловзьыны, медбы юӧртны югытсӧ иудей отирлӧ да мӧдік йӧзлӧ».

Осьтӧм 19:16

Сылӧн нимыс вӧлі гижӧм паськӧм вылас да викляч вылас: «Ӧксуэзлӧн Ӧксу да юраліссезлӧн Юралісь».

1 Иоан 4:10

Енсӧ миян радейтӧмным абу радейтӧм. Былись радейтӧмыс то мыйын: Еныс миянӧс радейтӧ. Сія ыстіс Ассис Зонсӧ вештісьны миян умӧль керӧммез понда.

Иоан 18:37

Пилатыс шуис Сылӧ: «Сідзкӧ, Тэ ─ Ӧксу?» Исусыс шуис: «Тэ ачыт висьталін: Ме ─ Ӧксу. Ме шогми да локті му вылас, медбы висьтасьны быльыс йылісь. Кин быльыслӧн, сія кывзӧ Менчим висьталӧмӧс».

Осьтӧм 3:14

«Гиж и Лаодикия вичкуись ангелыслӧ: ─ То мый висьталӧ Сія, Кинлӧн нимыс Аминь, Еныслісь аркмӧтӧмсӧ Пондӧтісь, надейнӧй былись Висьталісь.

Осьтӧм 7:14

Ме сылӧ шуи: «Бур мортӧй, ог тӧд, но тэ тӧдан». Сэк сія висьталіс меным: ─ Этна морттэс ёна пессьӧм-мырсьӧмись локтісӧ. Дзель вирӧн нія паськӧмнысӧ миссьӧтісӧ. Паськӧмныс нылӧн лоис чочком.

Матвей 28:18

Исусыс сибӧтчис велӧтчиссес дынӧ да шуис: «Му вылын да енӧжын быдӧс вылын Ме сувтӧтӧм юравны.

1 Тимофейлӧ 6:15

Кристослӧн локтӧмыс аскадӧ лоас. Сійӧ аркмӧтас дзир ӧтік ошкӧм Еныс, Сія ӧксуэзлӧн Ӧксу, юраліссезлӧн Юралісь.

Ефесын оліссезлӧ 2:4

Еныс миян дынӧ небыт сьӧлӧма. Сія миянӧс ёна радейтӧ.

Ефесын оліссезлӧ 5:2

Олӧ ӧтамӧднытӧ радейтӧмӧн, кыдз и Кристосыс радейтӧ миянӧс. Сія эд миян понда сетіс Асьсӧ Еныслӧ чӧскыт руа езъялан козин туйӧ.

Ап. керӧммез 20:28

Сідзкӧ, видзсьӧ асьныт да баляэз сьӧрын видзӧтіссез моз тӧждісьӧ веритіссес понда. Вежа Лолыс эд сувтӧтіс тіянӧс видзӧтны веритіссес сьӧрын ─ Дӧсвидзись Енлӧн вичку сьӧрын, кӧда понда Сія вештісис Аслас вирӧн.

Галатияын оліссезлӧ 2:20

Ӧні ме ог ни ов, ме пытшкын олӧ Кристосыс. Вывтырам овтӧн ола Енлӧн Зонлӧ веритӧмнам. Сія менӧ радейтӧ, Асьсӧ сетіс ме понда.

Осьтӧм 11:15

Сизимӧт ангел пондіс пӧльтны аслас буксанӧ. Сэк енӧжас кылісӧ гора шыэз. Нія баитісӧ: ─ Быдӧс вылын Юралісьнас сувтіс миян Дӧсвидзисьным да Сылӧн Мавтӧмыс. Сія пондас юравны пырся-пыр.

1 Тимофейлӧ 6:13

Мийӧ сулалам быдӧслӧ олан сетісь Ен одзын да Кристос Исус одзын, Кӧда Ачыс висьтасис быльсӧ Понтий Пилатлӧ. Ны одзын ме и кора, и тшӧкта тэнӧ:

1 Коринфын оліссезлӧ 6:11

И тіян коласісь мукӧдыс вӧлісӧ сэтшӧмӧсь. Ӧні миян Дӧсвидзись Кристос Исус нимӧн да миян Енлӧн Лов вынӧн тійӧ лоит сӧстӧм да вежа отирӧн, Ен сьӧрті веськыта оліссезӧн.

Иоан 15:9

Айӧ Менӧ радейтӧ. Ме тіянӧс радейта Айӧ моз. Олӧ Менам радейтӧмын.

Иоан 13:1

Эта вӧлі Ыджыт лун одзын. Исусыс тӧдіс: локтіс кад Сылӧ бертны эта му вылісь Айыс дынӧ. Исусыс радейтіс эта му вылын Сылӧ веритіссесӧ. Ассис радейтӧмсӧ нылӧ мыччаліс медбӧрӧдз.

Римын оліссезлӧ 8:37

Но миян вылӧ умӧль локтӧмсӧ быдӧс вермывлам миянӧс Радейтісь отсӧтӧн.

Иоан 13:34

Виль тшӧктӧм сета тіянлӧ: радейтӧ ӧтамӧднытӧ! Кыдз Ме радейта тіянӧс, сідз и тійӧ радейтӧ ӧтамӧднытӧ.

Иоан 3:32

Мый Сія адззыліс да кыліс, сы йылісь и висьтасьӧ. Но отирыс Сылісь висьталӧмсӧ озӧ кывзӧ.

Иоан 3:11

Тэныт быльсӧ веськыта висьтала: мийӧ баитам сы йылісь, мый тӧдам. Висьтасям сы йылісь, мый адззылім. Тійӧ тай миян висьталӧмӧ одӧ веритӧ.

Матвей 20:28

Морт Зон эд эз лок, медбы Сылӧ кысъялісӧ. Сія локтіс кысъявны мӧдіккезлӧ да Аслас оланӧн вештісьны уна отирӧс небӧм понда».

Иоан 3:16

Еныс эд сідз радейтӧ му вылісь отирсӧ, нельки сетіс Ассис ӧтка Зонсӧ, медбы Сылӧ быд веритісь эз кув, а сылӧн вӧлі пырся олан.

Римын оліссезлӧ 3:25

Отиркӧт бурасьӧм понда Еныс сетіс кисьтны Кристослісь вирсӧ. Сылӧн кисьтӧм вирыс мездӧ Сылӧ быд веритісьсӧ. Одззася умӧль керӧммезнымӧс Еныс проститіс.

Еврейезлӧ 10:29

Сэк мымдаись сьӧкытжыка лоас мыжйӧм сія мортыс, кӧда бӧра чужьялӧ Енлісь Зонсӧ, абутӧм туйӧ пуктӧ Енкӧт Йитӧтлісь Вирсӧ, кӧда керис сійӧ вежаӧн, да видӧ бурсетӧмсӧ вайись Ловсӧ.

Осьтӧм 2:13

Ме тӧда: тэ олан сотаналӧн юралан пукӧс дынын. Ме тӧда тэнчит уджтӧ: тэ бура видзсян Менам ним бердӧ. Меным веритӧмись тэ эн суськись и нія луннэзӧ, кӧр тіянын, сотана оланінын, вийисӧ Антипсӧ, Менчим надейнӧй висьтасисьсӧ.

Осьтӧм 11:3

Ме ыста Ассим кык висьтавлісьӧс. Нія пасьтасясӧ чорыт паськӧмӧ да пондасӧ Месянь юӧртны сюрс кыксё кватьдас лун сьӧрна».

Осьтӧм 19:11

Сэк ме казялі осьта енӧжсӧ, чочком вӧлӧс да сы вылын Пукалісьӧс. Сылӧн нимыс Надейнӧй да Быль. Сія эд судитӧ да тышкасьӧ веськыта.