Осьтӧм 1:4 - Бур Юӧр 2019

⁴ Иоан гижӧ Асияись сизим вичкулӧ. Бурсетӧм да лӧнь олан тіянлӧ Сысянь, Кӧда эм, вӧлі да локтас. Сідз и сизим ловсянь, кӧдна сулалӧны Сылӧн юралан пукӧс одзын

Осьтӧм 1:4 Referans Kwoze

Еврейезлӧ 13:8

Кристос Исусыс некӧр оз вежсьы, Сія тӧн, талун да и пыр Сія жӧ.

Иоан 1:1

Медодз вӧлі Кыв. Кылыс вӧлі Енкӧт. Кылыс вӧлі Ен.

Осьтӧм 5:6

Юралан пукӧс одзсис Ме казялі Дзельӧс. Сія вӧлі сэтшӧм, жыв сійӧ вайӧмась езъялан козинӧн. Сы гӧгӧрын вӧлісӧ нёль енӧжись олісьыс да пӧриссес. Дзельыслӧн вӧлі сизим сюр да сизим син. Нія Еныслӧн сизим лов, кӧднӧ ыстӧмась быдсӧн муыс пасьта.

Осьтӧм 4:5

Юралан пукӧс дынісь петісӧ чарньӧввез, гымалӧм да гора шыэз. Сизим бивидзан сотчисӧ пукӧсыс одзын ─ нія Енлӧн сизим лов.

Осьтӧм 1:8

«Ме ─ Альфа да Омега, Пондӧтісь да Пӧдналісь», шуӧ Дӧсвидзись, Кӧда эм, вӧлі да локтас. Сія ─ Дӧсвермись.

Осьтӧм 3:1

«Сардис вичкуись ангелыслӧ гиж: ─ То мый висьталӧ Сія, Кӧдалӧн эмӧсь Енлӧн сизим лов да сизим кӧдзув. Ме тӧда тэнчит уджтӧ. Тэнӧ шуӧны ловьяӧн, а тэ эд кулӧм.

Яков 1:17

Быд бур сетӧмыс, бурся-бур да вына козиныс локтӧ вылісянь. Сійӧ сетӧ югдӧтаннэслӧн Айыс, Кӧда оз вежсьывлы, и Кӧдалӧн югытыс оз пемды.

Осьтӧм 4:8

Нёльнанныслӧн вӧлісӧ квать бордӧн. Нылӧн ӧтмӧдӧрсянь вӧлісӧ синнэз, нельки борд увттэзас. Ой и лун нія дугдывтӧг шувлісӧ: ─ Вежа, вежа, вежа Дӧсвидзись Еныс, Дӧсвермисьыс, Кӧда вӧлі, эм да локтас.

Осьтӧм 3:7

«Филадельфия вичкуись ангелыслӧ гиж: ─ То мый висьталӧ Вежаыс да Былисьыс, Кӧда дынын Давидлӧн ключыс. Мый Сія осьтӧ, некин оз вермы пӧднавны. Мый Сія пӧдналӧ, некин оз вермы осьтны.

Римын оліссезлӧ 1:7

Гижа Римын оліссезлӧ, Енлӧн дона отирлӧ. Тійӧ ─ Сылӧн бӧрйӧм вежа отир. Бурсетӧм да лӧнь олан тіянлӧ Ен Айнымсянь да Дӧсвидзись Кристос Исуссянь!

Осьтӧм 2:8

«Смирна вичкуись ангелыслӧ гиж: ─ Сідз висьталӧ Медодззаыс да Медбӧрьяыс, Кӧда вӧлі кулӧм, а ӧні олӧ.

Осьтӧм 1:20

Тэ адззылін менам веськыт киись сизим кӧдзув, адззылін и зарниись сизим бивидзан. Ныын тӧдлытӧмыс то мый: сизим кӧдзулыс ─ сизим вичкулӧн ангеллэс, сизим бивидзаныс ─ сизим вичку».

Осьтӧм 1:11

Ӧні мый адззан, гиж да ысты Учӧт Азияись вичкуэзӧ: Ефесӧ, Смирнаӧ, Пергамӧ, Фиатираӧ, Сардисӧ, Филадельфияӧ да Лаодикияӧ».

2 Коринфын оліссезлӧ 1:2

Ен Айнымсянь да миян Дӧсвидзись Кристос Исуссянь бурсетӧм да лӧнь олан тіянлӧ.

1 Коринфын оліссезлӧ 1:3

Бурсетӧм да лӧнь олан тіянлӧ Ен Айнымсянь да Дӧсвидзись Кристос Исуссянь!

Осьтӧм 3:14

«Гиж и Лаодикия вичкуись ангелыслӧ: ─ То мый висьталӧ Сія, Кинлӧн нимыс Аминь, Еныслісь аркмӧтӧмсӧ Пондӧтісь, надейнӧй былись Висьталісь.

Осьтӧм 2:18

«Фиатира вичкуись ангелыслӧ гиж: ─ То мый висьталӧ Енлӧн Зоныс, Кӧдалӧн синнэс ыпьялана би кодьӧсь, коккес Сылӧн калитӧм ыргӧн моз югьялӧны.

Осьтӧм 2:12

«Пергам вичкуись ангелыслӧ гиж: ─ Сідз баитӧ Сія, Кӧдалӧн шыпуртыс ӧтмӧдӧрсянь лэчыт.

Осьтӧм 1:1

Эта гижӧтын Еныслӧн Кристос Исуслӧ осьтӧмыс. Кристосыслӧ коліс мыччавны Аслас раббезлӧ, мый чожа лоас. Кристосыс Ассис ангелсӧ ыстӧм мыччавны сійӧ осьтӧмсӧ Аслас Иоан раблӧ.

Ап. керӧммез 19:10

Сідз кыссис кык во сьӧрна. Сійӧн Дӧсвидзись Исус йылісь юӧртӧмсӧ кылісӧ Асия пасьта оліссез быдӧнныс: кыдз иудейез, сідз и мӧдік отир.

Ап. керӧммез 2:9

Мийӧ ӧксим Парфияись, Мидияись, Еламись, Месопотамияись, Иудеяись, Каппадокияись, Понтісь, Асияись,

Осьтӧм 1:9

Ме, Иоан, тіян вон. Тіянкӧт ӧтвыв ме песся-мырся. Тіянлӧ моз меным лӧсьӧтӧм Енлӧн Юралӧм да Кристос Исуссянь сетӧм ыджыт мыла. Енлӧн Кыв понда да Кристос Исус йылісь висьтасьӧмӧ понда менӧ ыстісӧ саридз шӧрын Патмос му вылӧ.

Осьтӧм 1:17

Ме казялі Сійӧ да кыдз кулӧм уси Сылӧ коккезас. Сэк Сія пуктіс ме вылӧ веськыт кисӧ да висьталіс: «Эн пов. Ме ─ Медодззаыс да Медбӧрьяыс.

Осьтӧм 8:2

Ме казялі сизим ангелӧс. Нія сулалісӧ Еныс одзын. Нылӧ сетӧмась сизим буксан.

Осьтӧм 16:5

Сэк ме кылі ваэзлӧн ангеллісь висьталӧмсӧ: ─ Дӧсвидзисьным, Тэ веськыта Керись. Тэ Сія, Кӧда вӧлі и эм, Тэ вежа, Тэ эд веськыта судитін.

Осьтӧм 22:8

Ме, Иоан, сійӧ быдӧс кылі да адззылі. Сійӧ быдӧс меным мыччаліс ангелыс. Этӧ кылӧм да адззылӧм бӧрын ме уськӧтчи ангелыс коккезӧ копыртчыны сылӧ.

Осьтӧм 22:16

«Ме ─ Исус, ысті Ассим ангелӧс висьтасьны этӧ тіянлӧ вичкуэзас. Ме ─ Давид чужан вужись да увтырись, Ме ─ югыт асывся кӧдзув».