Осьтӧм 1:2 - Бур Юӧр 2019

² Эстӧн Иоаныс висьтасьӧ Енлісь Кывсӧ, Кристос Исуслісь висьталӧмсӧ да сійӧ, мый ачыс адззыліс.

Осьтӧм 1:2 Referans Kwoze

1 Коринфын оліссезлӧ 1:6

Кристос йылісь висьталӧмыс поздісьӧм ни тіян сьӧлӧммезын.

Осьтӧм 12:17

Гундырыс лёксяліс инькаыс вылӧ. Сэк сія муніс тышкасьны инькалӧн мӧдік челядькӧт, кӧдна олӧны Енлӧн тшӧктӧммез сьӧрті да Кристос Исуслӧн висьталӧм сьӧрті.

1 Иоан 1:1

Мийӧ висьтасям сы йылісь, мый вӧлі одззасянь, мый мийӧ кылім, мый адззылім асланым синнэзӧн, мый видзӧтім, мый бердӧ киэзнаным павкӧтчылім. Висьтасям Олан Кыв йылісь.

Иоан 21:24

Сія велӧтчисьыс и висьтасьӧ быдӧс лоӧмыс йылісь, гижис сы йылісь. Тӧдам: сія висьтасьӧ быльсӧ.

Иоан 19:35

Этӧ висьтасьӧ быдӧс адззылісьыс, медбы и тійӧ веритіт. Сія тӧдӧ, сылӧн висьтасьӧмыс быль.

Осьтӧм 1:19

Гиж, мый адззылін, мый эм да мый лоас сэсся.

Осьтӧм 1:9

Ме, Иоан, тіян вон. Тіянкӧт ӧтвыв ме песся-мырся. Тіянлӧ моз меным лӧсьӧтӧм Енлӧн Юралӧм да Кристос Исуссянь сетӧм ыджыт мыла. Енлӧн Кыв понда да Кристос Исус йылісь висьтасьӧмӧ понда менӧ ыстісӧ саридз шӧрын Патмос му вылӧ.

Ап. керӧммез 26:16

Лэбтісь, сувт кок вылат. Ме сы понда и мыччаси тэныт, медбы сувтӧтны тэнӧ Аслам удж вылӧ. Тэ пондан висьтасьны, мый адззылін да мый Ме тэныт бӧрынжык осьта.

Иоан 12:17

Сэтӧн вӧлісӧ отир, кӧдна адззылісӧ, кыдз Сія корис Лазарсӧ петны дзебсянінсис, ловзьӧтіс сійӧ. Нія висьтасисӧ лоӧмыс йылісь.

Осьтӧм 6:9

Дзельыс жугдіс витӧт пассӧ. Ме казялі езъяланін увтсис отирлісь ловвесӧ. Нійӧ вӧлі вийӧмась Енлӧн Кыв понда да Ен йылісь висьтасьӧм понда.

1 Иоан 4:14

Мийӧ адззылімӧ да висьталамӧ: Айыс ыстіс Зонсӧ мездыны отирсӧ.

1 Коринфын оліссезлӧ 2:1

Воннэзӧ, тіян дынӧ вовлӧмӧ коста ме эг баит аслам мывкыдсянь басӧк кыввезӧн. Ме вовлі висьтасьны Еныслісь юӧрсӧ.

Ап. керӧммез 4:20

Адззылӧмным да кылӧмным йылісь мийӧ огӧ вермӧ чӧвны».

Иоан 3:11

Тэныт быльсӧ веськыта висьтала: мийӧ баитам сы йылісь, мый тӧдам. Висьтасям сы йылісь, мый адззылім. Тійӧ тай миян висьталӧмӧ одӧ веритӧ.

Иоан 1:32

Сэк Иоаныс висьтасис: «Ме адззылі, кыдз енӧжсянь дуді моз Сы вылӧ лэдзчисис Вежа Лов да кольччис Сы вылын.

Осьтӧм 12:11

Миян воннэзным вермисӧ сійӧ Дзельлӧн вирӧн да асланыс висьтасьӧмӧн. Нія эзӧ видзсьӧ оланныс бердӧ, эзӧ полӧ кулӧмсис.

3 Иоан 1:12

Димитрийыс йылісь быдӧнныс баитӧны бурӧ. Сідз и ачыс быльыс висьталӧ, и мийӧ сідз висьталам. Тійӧ эд тӧдат, мийӧ огӧ бӧбӧтчӧ.

Ап. керӧммез 22:15

Тэ пондан юӧртны Сы йылісь. Адззылӧмтӧ да кылӧмтӧ пондан висьтасьны быдӧнныслӧ.

Осьтӧм 1:11

Ӧні мый адззан, гиж да ысты Учӧт Азияись вичкуэзӧ: Ефесӧ, Смирнаӧ, Пергамӧ, Фиатираӧ, Сардисӧ, Филадельфияӧ да Лаодикияӧ».

Осьтӧм 20:4

Сэсся ме казялі юралан пукӧссэз. Ны вылын пукалісӧ отир, кӧдналӧ вӧлі сетӧм судитан вын. Сэтӧн вӧлісӧ отирлӧн ловвез, кӧдналісь юррезнысӧ орӧтісӧ Исусыс йылісь висьтасьӧм понда да Ен Кыв понда. Нія эзӧ копрасьӧ вӧрпаыслӧ да сы кодь керӧмыслӧ, эзӧ пуктӧ сылісь пассӧ кымӧс выланыс да ки выланыс. Нія ловзисӧ да юралісӧ ӧтлаын Кристосыскӧт сюрс во сьӧрна.

Осьтӧм 22:21

Миян Дӧсвидзись Кристос Исуслӧн бурсетӧмыс ась лоас тіянкӧт быдӧнныткӧт! Аминь.