Марк 9:25 - Бур Юӧр 2019

²⁵ Исусыс казяліс, сэтчӧ котӧрӧн чукӧртчӧ отир. Сэк Сія ӧліс сэрпӧсь ловсӧ: «Кыв гусялісь да пеллез тупкалісь сэрпӧсь лов, Ме тшӧкта тэныт петны зонкаыс пытшкись. Сэсся эн пыр сы пытшкӧ».

Марк 9:25 Referans Kwoze

Ап. керӧммез 16:18

Сідз сія горӧтліс уна лун сьӧрна. Сысянь Павелыс лӧгасис. Сія бергӧтчис да висьталіс сэрпӧсь лолыслӧ: «Кристос Исус нимӧн тшӧкта тэныт петны мортсис!» Сэтӧн жӧ сэрпӧсь лолыс инькасис петіс.

Лука 9:42

Кӧр зонкаыс пондіс сибӧтчыны Исусыс дынӧ, сэрпӧсь лолыс сійӧ уськӧтіс да пондіс ойтӧлӧн кыскыны. Исусыс ӧліс сэрпӧсь ловсӧ, веськӧтіс зонкасӧ да сетіс айыслӧ.

Марк 9:15

Кӧр отирыс казялісӧ Исуссӧ, нійӧ диво кутіс. Отирыс котӧртісӧ пантавны Сійӧ.

Матвей 17:18

Исусыс сэрпӧсь ловсӧ ӧліс, тшӧктіс петны. Сэрпӧсь лолыс петіс. Зонкаыс сэтӧн жӧ веськаліс.

Иуда 1:9

Микаил Аркангелыс кульыскӧт Моисейыс вывтыр понда вермасьӧм. И сія абу лысьтӧм кульсӧ ӧмавны-видны. Сія висьталӧм: Дӧсвермисьыс ась ӧлӧ-падмӧтӧ тэнӧ.

Лука 11:14

Кыдзкӧ Исусыс мортісь вашӧтіс кывтӧм сэрпӧсь лолӧс. Сэрпӧсь лолыс петӧм бӧрсянь сія мортыс пондіс баитны. Одзжык баитны эз вермы. Сысянь отирсӧ диво кутіс.

Лука 8:29

Сэрпӧсь лолыс сідз висьталіс, мыля Исусыс тшӧктіс сылӧ петны сія морт пытшкись. Мортыс ӧддьӧн дыр пессьӧм-мырсьӧм сэрпӧсь ловсянь. Мортсӧ домавлӧмась цеппезӧн, геззэзӧн, медбы сія эз пышшы. Но сія орлавлӧм домӧттэсӧ. Сэрпӧсь лолыс сійӧ вашӧтлӧм кушмуӧ.

Лука 4:41

Уна отир пытшкись горӧтӧмӧн петісӧ сэрпӧсь ловвез. Нія баитісӧ: «Тэ Кристос, Енлӧн Зон!» Исусыс нійӧ ӧліс, эз лэдз висьтасьны Ас йывсис нылісь тӧдӧмсӧ. Нія эд тӧдісӧ: Сія ─ Кристос-Мездӧтісь.

Лука 4:35

Исусыс ӧмаліс сійӧ, висьталіс: «Чӧв! Пет мортсис!» Сэрпӧсь лолыс уськӧтіс мортсӧ синагога шӧрас да сы пытшкись петіс. Сылӧ умӧльсӧ нем эз кер.

Матвей 12:22

Исус дынӧ вайӧтісӧ мортӧс, кӧдӧ видзӧм-маитӧм сэрпӧсь лов. Сія эз баит, нем эз адззы. Исусыс сійӧ веськӧтіс. Мортыс пондіс баитны да адззыны.

Марк 9:24

Сэк жӧ зонкаыслӧн айыс синвасорӧн горӧтіс: «Верита, Дӧсвидзись! Отсав меным веритны!»

Марк 9:26

Сэрпӧсь лов горӧтіс, ойтӧлӧн бура пиньӧвтіс зонкасӧ да петіс. Зонкаыс куйліс шой кодь. Отирыс шуисӧ: «Сія куліс».