Марк 8:2 - Бур Юӧр 2019

² «Менам сьӧлӧмӧ висьӧ отирыс понда. Куим лун ни нія Мекӧт, а сёйны нылӧ нем.

Марк 8:2 Referans Kwoze

Матвей 9:36

Унася-уна отирӧс адззикӧ Сылӧ жаль вӧлі нійӧ. Нія эд вӧлісӧ мыдзӧсь, вынтӧмӧсь, кыдз ӧшӧм баляэз, кӧдна сьӧрын некин эз видзӧт.

Еврейезлӧ 5:2

Сія ачыс вынтӧм, сійӧн вермӧ вежӧртны ылалӧммесӧ да нійӧ, кӧдна умӧльсӧ керисӧ тӧдтӧг.

Еврейезлӧ 4:15

Миян сэтшӧм Аркирей, Кӧда вежӧртӧ миянӧс, кӧр мийӧ вынтӧмӧсь. Сы вылӧ, кыдз и миян вылӧ, усис быдӧс сьӧкытыс-ылӧтлӧмыс, но Сія умӧльсӧ эз кер.

Лука 15:20

Зонка чеччас да мунас айыс дынӧ. Айыс ылісянь казялас зонсӧ. Сылӧ жаль лоас сія. Сія котӧртас паныт, кутчисяс голя бердас, окалас зонсӧ.

Лука 7:13

Дӧвасӧ казялікӧ Дӧсвидзисьыслӧ жаль лоис сійӧ. Сія инькаыслӧ висьталіс: «Эн горзы».

Марк 9:22

Унаись сэрпӧсь лолыс чапкывліс зонӧс биӧ да ваӧ, медбы вийны сійӧ. Верман кӧ, жалейт миянӧс, отсав миянлӧ».

Марк 6:34

Исусыс чеччис пыжсис да казяліс отирсӧ. Сылӧ жаль вӧлі отирсӧ, нія эд вӧлісӧ кыдз баля чукӧр, кӧдналӧн абу видзӧтісьныс. Сія нійӧ пондіс унаӧ велӧтны.

Марк 5:19

Исусыс эз лэдз сійӧ и висьталіс: «Мун гортат да висьтась отирнытлӧ, мый тэныт керис Дӧсвидзисьыс да кытшӧм небыт сьӧлӧма Сія вӧлі тэ дынӧ».

Марк 1:41

Исусыслӧн сьӧлӧмыс небзис. Сія нюжӧтіс кисӧ, павкӧтчис шогалісьыс бердӧ да висьталіс: «Меным колӧ, сӧстӧммы».

Матвей 20:34

Исусыслӧ жаль лоис нійӧ. Сія павкӧтчис синнэзаныс. Нія сэк жӧ пондісӧ адззыны. Кыкнанныс мунісӧ Исусыс сьӧрӧ.

Матвей 14:14

Пыжись петӧм бӧрын Исусыс казяліс отирсӧ да нійӧ жалейтіс. Сэтісь шогаліссесӧ Сія веськӧтіс.

Еврейезлӧ 2:17

Сійӧн Сылӧ быдӧсын коліс вачкисьны воннэс вылӧ, медбы лоны небыт сьӧлӧма, Енсӧ кывзісь Аркирейӧн. Сылӧ ковсис вештісьны отирлӧн умӧль керӧммез понда.

Марк 6:32

Нія ӧтнаныс уйисӧ пыжын овтӧминӧ.

Марк 8:3

Лэдза кӧ нійӧ гортаныс сёйтӧг, туй вылас садьныс бырас. Мукӧдыс эд ылісянь локтісӧ».