Марк 7:5 - Бур Юӧр 2019

⁵ Фарисейес да Туйдӧтӧ велӧтіссес юалісӧ Исусыслісь: «Мыля Тэнат велӧтчиссет озӧ олӧ кӧркӧсянь ни айезнымлӧн висьтавлӧм сьӧрті? Мыля няньсӧ сёйӧны мисьтӧм киэзӧн?»

Марк 7:5 Referans Kwoze

2 Фессалоникаын оліссезлӧ 3:6

Воннэзӧ, тшӧктам тіянӧс Дӧсвидзись Кристос Исусным нимӧн: ылынжыка видзсьӧ воннэз дынсянь, кӧдна весь олӧны, а озӧ олӧ миян велӧтӧм сьӧрті.

Ап. керӧммез 21:21

Тэ йылісь нылӧ кывсьӧм: мӧдік йӧз коласын олісь иудейесӧ тэ пӧ велӧтан кежны Моисейлӧн Туйдӧт дынісь, он пӧ лэдз зоннэзнысӧ вундыштыштны да овны айезныс моз.

Галатияын оліссезлӧ 1:14

Менам годсяэз коласын ме медуна кери Иудейез велӧтӧм сьӧрті олӧм понда. Ме ёна сулалі айезнымлӧн тшӧктӧммез дор.

Ап. керӧммез 21:24

Тэ босьт нійӧ да Туйдӧтын висьталӧм сьӧрті асьтӧ ныкӧт сӧстӧмт. Ны туйӧ вештісь ачыт, медбы нія шырисӧ ассиныс юрсинысӧ. Сэк быдӧнныс пондасӧ тӧдны: тэ йылісь кывсьӧмыс весись баитӧм, тэ и ачыт олан Моисейлӧн Туйдӧт сьӧрті.

Матвей 15:2

«Тэнат велӧтчиссет сёйны пуксьӧны киэзнысӧ миссьӧттӧг. Мыля нія озӧ керӧ кӧркӧсянь ни айезнымлӧн висьтавлӧм сьӧрті?»

Римын оліссезлӧ 4:12

Авраамыс ай и вундыштыштӧммеслӧн, кӧдналӧн вундыштыштӧмысся эм и сэтшӧм веритӧм, кытшӧм вӧлі Авраам айнымлӧн вундыштыштӧм одзас.

2 Фессалоникаын оліссезлӧ 3:11

Миянлӧ кывсис, тіян коласісь мукӧдыс пӧ весь олӧны. Нія юрнысӧ быдлаӧ сюйлӧны, а асьныс озӧ уджалӧ.

Марк 7:8

Тійӧ колит Енлісь тшӧктӧмсӧ да керат мортлӧн висьталӧм сьӧрті: паньбекӧр миськалӧммез да уна мый мӧдікӧ сэтшӧммесӧ».

Марк 7:9

Исусыс нылӧ висьталіс: «Бура жӧ тійӧ Енлісь тшӧктӧмсӧ абутӧм туйӧ пуктат, медбы керны айезныт висьтавлӧм сьӧрті!

Марк 7:13

Айезныт тшӧктӧм сьӧрті керӧм кузя тійӧ Енлісь Кывсӧ абутӧм туйӧ пуктат. Уна мый мӧдікӧ сэтшӧмсӧ керат».