Марк 4:19 - Бур Юӧр 2019

¹⁹ но нылӧн быд лунся тӧждісьӧмныс да унажык сьӧм шедтӧмныс пӧдтӧны Кывсӧ. Сійӧн сэтӧн абу бур воӧмыс.

Марк 4:19 Referans Kwoze

1 Тимофейлӧ 6:17

Ӧння кадӧ бура оліссесӧ велӧт, ась нія асьнысӧ вылына озӧ лэбтӧ. Ась надейтчӧны Еныс вылӧ, озӧ сьӧмныс вылӧ. Сія эд быдӧс сетӧ тырмӧмви, медбы миянлӧ долыта овны.

Филипын оліссезлӧ 4:6

Нем понда эдӧ тӧждісьӧ. Сы туйӧ пыр кеймӧ, кеймисьӧ Еныслӧ, буркывтӧ Сійӧ. Быдӧс, мый тіянлӧ колӧ, висьталӧ Сылӧ.

Матвей 19:23

Сэк Исусыс велӧтчиссеслӧ висьталіс: «Ме тіянлӧ быльсӧ висьтала: бура олісьыслӧ сьӧкыт пырны Енӧжись Юраланінӧ.

Иоан 15:2

Менчим уввесӧ, кӧдна озӧ вайӧ воӧмсӧ, Сія кералӧ. Нійӧ уввесӧ, кӧдна вылын эм воӧмыс, Сія весӧтӧ, медбы унажык вайисӧ воӧмсӧ.

Лука 21:34

Видзӧтӧ ас сьӧраныт, медбы тіян сьӧлӧммезныт эзӧ вӧлӧ тырӧмӧсь быд лунся тӧждісьӧмӧн, уна сёйӧмӧн да кодалӧмӧн. Сія луныс ась оз лок тіян вылӧ видзчисьтӧг.

Лука 10:41

Исусыс сылӧ висьталіс: «Марфа! Марфа! Тэ котрасян, тӧждісян уна понда.

2 Петра 1:8

Сія быдӧс кӧ тіян эм да содӧ, сэк миянлісь Дӧсвидзись Кристос Исуссӧ тӧдӧмныт оз ло весись, тійӧ одӧ кольччӧ бур воӧмтӧг.

2 Тимофейлӧ 4:10

Димас тай сьӧлӧмнас лякасис му вылас олӧм бердӧ. Сія менӧ колис, муніс Фессалоникаӧ. Крискент муніс Галатияӧ, Тит ─ Далматияӧ. Мекӧт дзир Лукаыс.

Иуда 1:12

Ӧксьывлӧммезныт коста сэтшӧм отирыс тіян коласын кыдз ляккез. Радейтӧмӧн сёян дорын рытъялӧмныт коста нія тіянкӧт ӧтлаын повтӧг сёйӧны-юӧны, дзир ас йывсиныс тӧждісьӧны. Нія кыдз тӧлӧн новйӧтан зэртӧм кымӧррез. Нія кыдз арся пуэз, кӧдна нем эзӧ сетӧ воӧмсӧ, вудж сорнас шедтӧмӧсь, кыкись кулӧмӧсь.

Матвей 3:10

Черыс куйлӧ ни пу вуджыс бердын. Пуыс оз кӧ вай бур воӧмсӧ, сійӧ кералӧны да чапкӧны биӧ.

Матвей 13:22

Йӧн коласӧ усьӧм кӧдзысыс лоӧ то мый: морт Кывсӧ кылӧ, но сылӧн быд лунся тӧждісьӧмыс да унажык сьӧм шедтӧмыс пӧдтӧны Кывсӧ. Сійӧн сэтӧн абу бур воӧмыс.

Марк 4:18

Йӧн коласӧ усьӧм кӧдзысыс висьталӧ ны йылісь, кӧдна кылӧны Кывсӧ,

Римын оліссезлӧ 12:2

Эдӧ олӧ ӧння кадӧ оліссез моз. Вежсьӧ, мывкыднытӧ вильмӧтӧ. Сэк пондат тӧдны, мый Еныслӧ колӧ тіянсянь. Тійӧ вежӧртат, мый туйӧ керны, мый Сы сьӧрті да быдсӧн бур.

Ефесын оліссезлӧ 2:2

Тійӧ оліт эта му вылын керсьӧм сьӧрті: енӧж увтас ыждалісь кульыс сьӧрті керит, сійӧ кывзісит. Сія сэрпӧсь лолыс ӧні керӧ ассис уджсӧ ны пыр, кӧдна озӧ кывзісьӧ Енсӧ.

Ефесын оліссезлӧ 6:12

Мийӧ огӧ пессьӧ отиркӧт, пессям лёк выннэскӧт да ыждаліссескӧт. Тышкасям сэрпӧсь ловвеслӧн юралісь-веськӧтліссескӧт, кӧдна му вылісь пемытас ыждалӧны. Пессям енӧжись лёк ловвескӧт.