Марк 13:9 - Бур Юӧр 2019

⁹ Тійӧ видзӧтӧ ас сьӧраныт. Тіянӧс пондасӧ вайӧтны судитаніннэзӧ, синагогаэзын тіянӧс пондасӧ вартлыны. Тіянӧс Ме понда сувтӧтасӧ юраліссез да ӧксуэз одзӧ, медбы тійӧ висьтасит нылӧ Ме йылісь.

Марк 13:9 Referans Kwoze

Иоан 16:2

Тіянӧс вашӧтасӧ синагогаэзісь. Сибалӧ сэтшӧм кад, кӧр тіянӧс пондасӧ вийлыны. Вийиссес пондасӧ шуны, сідз пӧ нія кысъялӧны Енлӧ.

Марк 13:5

Исусыс нылӧ пондіс баитны: «Видзӧтӧ, медбы тіянӧс некин эз ылӧт.

Осьтӧм 2:13

Ме тӧда: тэ олан сотаналӧн юралан пукӧс дынын. Ме тӧда тэнчит уджтӧ: тэ бура видзсян Менам ним бердӧ. Меным веритӧмись тэ эн суськись и нія луннэзӧ, кӧр тіянын, сотана оланінын, вийисӧ Антипсӧ, Менчим надейнӧй висьтасисьсӧ.

Осьтӧм 2:10

Тэныт ковсяс ёна пессьыны-мырсьыны, но немись эн пов. Тіян коласісь мукӧдсӧ кульыс пондас кутлыны, пуксьӧтлыны, медбы тӧдмавны-видзӧтны тіянлісь видзсян выннытӧ. Дас лун тійӧ пондат пессьыны. Но тэ нельки кувтӧдз видзсьы веритӧмнат, и Ме сета тэныт Олан юркытш.

Осьтӧм 1:9

Ме, Иоан, тіян вон. Тіянкӧт ӧтвыв ме песся-мырся. Тіянлӧ моз меным лӧсьӧтӧм Енлӧн Юралӧм да Кристос Исуссянь сетӧм ыджыт мыла. Енлӧн Кыв понда да Кристос Исус йылісь висьтасьӧмӧ понда менӧ ыстісӧ саридз шӧрын Патмос му вылӧ.

2 Фессалоникаын оліссезлӧ 1:5

Еныс шуас тіянӧс туяна отирӧн пырны Аслас Юраланінӧ. Ӧні тійӧ сы понда и пессят-мырсят. Эта быдӧс висьталӧ Енлӧн веськыта судитӧм йылісь.

Филипын оліссезлӧ 1:29

Еныс эз сет миянлӧ дзир веритны Кристосыслӧ, но и пессьыны-мырсьыны Сы понда.

Ап. керӧммез 21:11

Миян дынӧ пырӧм бӧрын сія босьтіс Павелыслісь йысӧ. Йынас домаліс ассис киэсӧ да коккесӧ. Сэтчӧ висьталіс: «Сідз висьталіс Вежа Лолыс: мортсӧ, кӧдалӧн эта йыыс, Ерусалимас иудейес кутасӧ, домаласӧ да сетасӧ ентӧдтӧммез киӧ».

Ап. керӧммез 9:16

Ме Савлыслӧ мыччала, мымда пессьӧм-мырсьӧмыс сылӧ усяс Менам ним понда».

Ап. керӧммез 7:54

Стефансӧ кывзікӧ ӧксьӧммес лӧгувьяныс кучиксиныс петісӧ, пиннезнаныс гырскисӧ.

Иоан 15:20

Видзӧ юраныт Менчим висьталӧмӧс: раб абу ыджытжык аслас кӧзяинся. Менӧ кӧ вашӧтлісӧ, пондасӧ вашӧтлыны и тіянӧс. Керисӧ кӧ Менам висьталӧм кыв сьӧрті, пондасӧ керны и тіян кыв сьӧрті.

Лука 9:5

Кытшӧм карын тіянӧс озӧ пондӧ кывзыны, карсис петӧм коста пыркӧтӧ буссӧ коккезсиныт. Суд Лунас сія лоас ны вылӧ висьталӧм».

Марк 6:11

Кытчӧ тіянӧс озӧ лэдзӧ да кытӧн озӧ кывзӧ, сэтісь петтӧн пыркӧтӧ коккезсиныт буссӧ. Суд Лунас сія лоас ны вылӧ висьталӧм. Ме тіянлӧ быльсӧ висьтала: нылӧ Суд Лунас лоас сьӧкытжык Содом да Гоморра каррезся».

Марк 1:44

Сылӧ висьталіс: «Видзӧт, некинлӧ нем эн висьтась. Мун, асьтӧ мыччав вежауджалісьлӧ. Сэсся Моисейыс тшӧктӧм сьӧрті аслат сӧстӧмсялӧм понда вай езъялан козин. Сідз пондасӧ тӧдны веськалӧмыт йылісь».

Матвей 5:22

А Ме висьтала тіянлӧ: кин воныс вылӧ абусис лӧгсӧ видзӧ, сылӧ ковсяс суд вылын кыв видзны. Аслас вонлӧ мортыс шуас кӧ: "бӧбӧв тэ", сідз шуисьыс сюрас вылынжык суд вылӧ. Кин вонсӧ шуас: "вежӧрттӧм тэ", сія куслытӧм биӧ шедас.

Марк 13:8

Отир отир вылӧ лэбтісяс, ӧксу ─ ӧксу вылӧ. Уналаын пондасӧ тшыгьявны. Уналаын муыс пондас зэгавны. Отирыс лоасӧ кыдз ӧшӧмӧсь. А эта эд дзир кага вайисьлӧн зубытыс пондӧтчӧ.

2 Иоан 1:8

Видзӧтӧ ас сьӧраныт, медбы мийӧ эгӧ ӧштӧ сійӧ, мый понда уджалімӧ да медбы быдсӧн вермим босьтны шедтӧм козинсӧ.