Марк 13:5 - Бур Юӧр 2019

⁵ Исусыс нылӧ пондіс баитны: «Видзӧтӧ, медбы тіянӧс некин эз ылӧт.

Марк 13:5 Referans Kwoze

Колосын оліссезлӧ 2:8

Воннэзӧ, видзӧтӧ, ась некин оз ылӧт тіянӧс морт мывкыдсянь баитӧмнаныс да абутӧмсӧ кӧсйӧмнаныс. Нія велӧтӧммес абу Кристоссянь, а морт мывкыдсянь. Сэтшӧм велӧтӧммес эд му вылісь выннэзсянь шогмисӧ.

Ефесын оліссезлӧ 5:6

Абутӧмыс йылісь баитӧмнаныс тіянӧс некин ась оз ылӧт. Ылӧтан баитӧм понда эд Еныслӧн лӧгыс локтас кывзісьтӧм отир вылӧ.

1 Иоан 4:1

Донаэзӧ, быд ловлӧ эд веритӧ. Ловвесӧ тӧдмалӧ-видзӧтӧ, Енсянь я нія. Му вылас уна лоисӧ асьнысӧ Енсянь юӧртіссезӧ пуктіссес.

2 Фессалоникаын оліссезлӧ 2:3

Ась некин тіянӧс немӧн оз ылӧт. Кристослӧн локтан Лунӧдз отирыс ылаласӧ, бергӧтчасӧ Еныс дынісь, и локтас умӧль керӧмнас тырӧм морт, кулӧмас мунісь.

1 Коринфын оліссезлӧ 15:33

Эд бӧбасьӧ. «Умӧль йӧзкӧт тӧдчӧмыс ылӧтӧ бурас велалӧмсис».

Лука 21:8

Сія висьталіс: «Видзӧтӧ, медбы тіянӧс эзӧ ылӧтӧ. Уна локтасӧ Менам нимӧн да шуасӧ: "Ме ─ Сія" и "Кадыс локтіс ни". Ны сьӧрӧ эд мунӧ.

Марк 13:4

«Висьтав миянлӧ, кӧр эта быдӧс лоас? Мый сьӧрті позьӧ тӧдны сійӧ кадсӧ?»

Марк 13:6

Уна локтасӧ Менам нимӧн да шуасӧ, сія пӧ Ме, да унаӧс ылӧтасӧ.