Марк 10:40 - Бур Юӧр 2019

⁴⁰ А пуксьӧтны веськыт ладорам да шульга ладорам Ме ог вермы. Сэтчӧ пуксяс сія, кинлӧ лӧсьӧтӧм».

Марк 10:40 Referans Kwoze

Матвей 25:34

Сэк веськытланьын сулаліссеслӧ Ӧксуыс шуас: "Локтӧ, Менам Айлӧн бласлӧвитӧммез. Тіянлӧ вуджас Енлӧн Юраланіныс. Сія тіянлӧ лӧсьӧтӧм быдӧс аркмӧтӧмсянь ни.

Матвей 20:23

Исусыс нылӧ висьталіс: «Кӧда дозісь Ме понда юны, и тійӧ пондат юны. Менам пыртчӧмӧн пондат пыртчыны, но пуксьӧтны шульга ладорам да веськыт ладорам Ме ог вермы. Сэтчӧ пуксяс сія, кинлӧ лӧсьӧтіс Менам Айӧ».

Еврейезлӧ 11:16

Нія туйнысӧ видзӧмась буржыкысланьӧ, енӧжӧ. Сійӧн Еныслӧ абу рожа кулян Асьсӧ пуктыны нылӧн Енӧ. Сія лӧсьӧтіс нылӧ кар.

Иоан 17:24

Айӧ! Меным колӧ, медбы Меным Тэнат сетӧммес вӧлісӧ сэтчин, кытӧн Ме лоа. Нія ась адззӧны Менчим югьялӧмсӧ, кӧдӧ Тэ Меным сетін. Быдӧс аркмӧтӧмӧдз эд Тэ Менӧ радейтін ни.

Иоан 17:2

Тэ быдӧннысӧ сетін Сы кипод увтӧ. А Сія сетас пырся олан быдӧнныслӧ, кинӧс Тэ Сылӧ сетін.

Матвей 13:11

Исусыс нылӧ висьталіс: «Енӧжись Юралӧмись тӧдлытӧмсӧ тіянлӧ сетӧм тӧдны, а нылӧ абу.

Ап. керӧммез 1:7

Исусыс сэтчӧ висьталіс: «Айӧ Ачыс сувтӧтӧ колан кадсӧ. Тіянлӧ нійӧ каддэсӧ оз ков тӧдны.