Марк 10:2 - Бур Юӧр 2019

² Сибӧтчисӧ фарисейез да Сійӧ кутӧм могись юалісӧ: «Позьӧ я ай мортлӧ янсӧтчыны инькӧт?»

Марк 10:2 Referans Kwoze

Иоан 8:6

Нія сідз баитісӧ Исуссӧ кутӧм могись, медбы сэсся вӧлі, мый висьтавны Сы вылӧ умӧльсӧ. Но Исусыс дзар эз кер ныланьӧ. Сія лажмыта мышкыртчӧмӧн гижис мыйкӧ му вылас чуньнас.

Матвей 23:13

«Ӧддьӧн умӧль лоас тіянлӧ, Туйдӧтӧ велӧтіссез да фарисейез! Ылӧтлісь отир! Енӧжись Юраланінӧ пыранінсӧ тійӧ отирыс одзын пӧдналат. Тійӧ асьныт одӧ пырӧ, и кин мӧдіс пырны, сійӧ одӧ лэдзӧ.

1 Коринфын оліссезлӧ 10:9

Огӧ пондӧ лӧгӧтлыны Кристоссӧ ны моз. Ны коласісь тай мукӧдыс лӧгӧтлӧмась да кулӧмась кыйез чушкӧмсянь.

Иоан 11:57

Аркирейес фарисейескӧт отирыслӧ тшӧктісӧ юӧртны, кин пондас кӧ тӧдны, кытӧн Сія, медбы висьталісӧ. Сідз мӧдісӧ кутны Исуссӧ.

Иоан 11:47

Сэк аркирейес фарисейескӧт ӧксисӧ баитчыны. Нія шуисӧ: «Мый миянлӧ керны? Сія Мортыс уна адззывлытӧмсӧ керӧ.

Иоан 7:48

Веськӧтліссес да фарисейес коласісь пондіс разь кинкӧ веритны Сылӧ?

Иоан 7:32

Отирыслӧн Исусыс йылісь сідз баитӧмныс кывсис фарисейеслӧ. Сэк фарисейес аркирейескӧт ыстісӧ Вежа Керку сьӧрын видзӧтіссесӧ кутны Сійӧ.

Лука 16:14

Сійӧ быдӧс кылісӧ и сьӧм радейтісь фарисейез. Нія сералісӧ Исусыс вылын.

Лука 11:39

Дӧсвидзисьыс сылӧ висьталіс: «Тійӧ фарисейес ӧні бекӧрыслісь, юан дозыслісь вевдӧрсӧ миссьӧтат, а пытшкныт тай тіян тырӧм гусясьӧмнас да лӧгнас.

Лука 7:30

Фарисейес да Туйдӧтӧ велӧтіссес эзӧ кывзӧ Енлісь тшӧктӧммесӧ ас йывсиныс. Нія эзӧ пыртчӧ Иоаныс пыртӧмӧн.

Лука 6:7

Туйдӧтӧ велӧтіссес фарисейескӧт видзӧтісӧ Исусыс сьӧрын, оз я Сія веськӧт косьмӧм киа мортсӧ шоччисян лунӧ. Нія мӧдісӧ Исуссӧ мыйынкӧ кутны.

Лука 5:30

Туйдӧтӧ велӧтіссес фарисейескӧт Исуслӧн велӧтчиссезлӧ лӧгӧн висьталісӧ: «Мыля тійӧ сёят вот ӧктіссезкӧт да умӧльсӧ кериссезкӧт?»

Марк 8:15

Исусыс шуис нылӧ: «Видзӧтӧ, фарисейезлӧн да Иродлӧн нянь шӧмись асьнытӧ видзӧ».

Марк 8:11

Локтісӧ фарисейез да пондісӧ Исусыскӧт етшасьны. Сійӧ кутӧм могись нія корисӧ, медбы Сія керис енӧжсянь мыччалан пас.

Матвей 22:35

Ны коласісь ӧтік Туйдӧтӧ велӧтісь мӧдіс Исуссӧ кутны баитӧмыс коста. Сія юаліс:

Матвей 19:3

Исусыс дынӧ локтісӧ фарисейез. Сійӧ кутӧм могись нія юалісӧ: «Быд могись я позьӧ янсӧтчыны инькӧт?»

Матвей 16:1

Исус дынӧ локтісӧ фарисейез да садукейез. Сійӧ кутӧм могись нія корисӧ мыччавны енӧжись пас.

Матвей 15:12

Велӧтчиссес сибӧтчисӧ Исусыс дынӧ да висьталісӧ: «Тӧдан я Тэ, фарисейес Тэнат кыввезсянь лӧгасьӧмась?»

Матвей 9:34

А фарисейес шуисӧ: «Сэрпӧсь ловвесӧ Сія вашӧтлӧ ны вылын юралісь вынӧн».

Марк 10:1

Капернаум карись мунӧм бӧрын Исусыс локтіс Иордан ю мӧдӧрись Иудея муӧ. Сы дынӧ бӧра ӧксисӧ отир. Кыдз пыр, Сія нійӧ пондіс велӧтны.

Марк 10:3

Исусыс висьталіс нылӧ: «Мый тіянлӧ висьталӧм Моисейыс?»