Марк 1:28 - Бур Юӧр 2019

²⁸ Исусыс йылісь юӧрыс чожа паськаліс быдсӧн Галилея му пасьта.

Марк 1:28 Referans Kwoze

Лука 4:37

Исусыс йылісь юӧрыс паськаліс Капернаум гӧгӧр муэзӧт.

Матвей 9:31

Нія тай керкусис петӧм бӧрын висьтасьӧмась Исусыс йылісь сія му пасьта.

Лука 4:17

Сылӧ сетісӧ Енсянь юӧртісь Исайлісь сераку. Сія путшӧтіс серакусӧ. Сэтісь Сія адззис сэтшӧм гижӧм кыввез:

Марк 1:45

Веськӧтӧм мортыс муніс да пондіс висьтасьны лоӧмыс йылісь. Сійӧн Исусыс эз ни вермы пырны карас тӧдтӧм морт моз. Сія оліс овтӧминнэзын, и отирыс быдласянь вовлісӧ Сы дынӧ.

Матвей 4:24

Сы йылісь юӧрыс паськаліс Сирия муыс пасьта. Исусыс дынӧ быдлаын вайӧтлісӧ быдкодь шогӧтӧн шогаліссесӧ: зубытсянь да сэрпӧсь ловсянь пессись-мырсиссесӧ, усяліссесӧ, параличӧн личкӧм отирӧс. Сія быдӧннысӧ веськӧтліс.

Матвей 9:26

Сы йылісь юӧрыс паськаліс сія му пасьта.

Марк 1:27

Быдӧнныс повзисӧ да ӧтамӧдлісь пондісӧ юасьны: «Мый сэтшӧмыс? Кытшӧм сэтшӧм виль велӧтӧм? Сылӧн сэтшӧм вын, нельки сэрпӧсь ловвес Сійӧ кывзісьӧны, мый тшӧктас кӧ керны!»

Марк 1:29

Синагогаись петӧм бӧрын Исусыс Яковкӧт да Иоанкӧт локтіс Симон да Ӧндрей ордӧ.

Лука 7:17

Исус йылісь сэтшӧм юӧрыс паськаліс Иудеяын да сы гӧгӧр муэзын.