Марк 1:20 - Бур Юӧр 2019

²⁰ Сэк жӧ сія корис Яковсӧ да Иоансӧ сьӧрас. Мӧддэс колисӧ пыжас Зеведей айнысӧ мӧд чериаліссескӧт да мунісӧ Исусыс сьӧрӧ.

Марк 1:20 Referans Kwoze

Лука 14:26

«Ме дынӧ локтісьлӧ ай-мамыс, воннэс-сойес, иньыс, челядьыс да аслас оланыс Месся донажыкӧсь кӧ, сія оз вермы лоны Менам велӧтчисьӧн.

Марк 10:29

Исусыс шуис: «Ме тіянлӧ быльсӧ висьтала: кин Ме понда да Бур Юӧр понда коляс керкусӧ, воннэсӧ, сойесӧ, мамсӧ, айсӧ, иньсӧ, челядьсӧ, муэсӧ,

Матвей 10:37

Мортыс ассис ай-мамсӧ радейтӧ кӧ Месся буржыка, Меным сія абу туяна морт. Кин ассис нывсӧ али зонсӧ радейтӧ кӧ Месся буржыка, Меным сія абу туяна морт.

2 Коринфын оліссезлӧ 5:16

Сійӧн ӧнісянь морт вежӧр сьӧрті некинӧс огӧ ни видзӧтӧ. Кристоссӧ мийӧ кӧркӧ видзӧтім кӧ сідз, ӧні огӧ ни сідз керӧ.

Марк 1:19

Одзлань мунтӧн Исусыс казяліс Зеведейлісь Яков да Иоан зоннэсӧ. Нія пыжын дӧмасалӧны вӧлі кыяннысӧ.

Марк 1:21

Нія локтісӧ Капернаум карӧ. Медодзза шоччисян лунӧ Исусыс пырис синагогаӧ да велӧтіс отирсӧ.

Лука 5:11

Нія кыкнан пыжсӧ кыскисӧ му вылас. Быдӧс колисӧ да мунісӧ Исусыс сьӧрӧ.