Лука 2:4 - Бур Юӧр 2019

⁴ Галилея муись Назарет карись Ӧсип муніс Иудея муӧ, Давидлӧн Вифлеем карӧ. Ӧсипыс эд вӧлі Давид увтырись.

Лука 2:4 Referans Kwoze

Иоан 7:42

Абу разь висьталӧм Вежа Гижӧтас: Мездӧтісьыс пӧ локтас Давид увтырись, Вифлеем карись, Давидлӧн чужанінісь?»

Лука 4:16

Исусыс локтіс Назаретӧ, кытӧн Сія быдмис. Шоччисян лунӧ одззамоз пырис синагогаӧ. Сія сувтіс лыддьӧтны Вежа Гижӧт.

Матвей 2:23

Сэтчин локтӧм бӧрын Ӧсип пондіс овны Назарет карын. Сідз аркмис Енсянь юӧртіссез пыр висьтавлӧмыс: «Сійӧ пондасӧ шуны "Назаретісь морт"».

Иоан 1:46

Нафанаилыс сылӧ шуис: «Вермас разь мыйкӧ бурыс петны Назаретісь?» Филип шуис: «Лок да видзӧт».

Матвей 1:20

Кӧр Ӧсипыс лӧсьӧтчӧм сідз керны, сылӧ вӧтӧ уськӧтчӧм Енлӧн ангел. Ангелыс шуӧм: «Ӧсип, Давидлӧн зон! Эн пов босьтны Мариясӧ ас саят. Сія ваяс кагасӧ Вежа Ловсянь.

Лука 2:3

Быд морт муніс гижсьыны сія карӧ, кытісь сія вӧлі увтырнас.

Лука 2:5

Гижсьыны сія муніс сы сайӧ корасьӧм Мариякӧт, кӧда сэк новйӧтчис.