Лука 12:2 - Бур Юӧр 2019

² Быдӧс сайӧвтӧмыс оссьӧ, быд гусьӧна керӧм йылісь пондӧны тӧдны.

Лука 12:2 Referans Kwoze

Марк 4:22

Быд гусьӧна керӧмыс оссьӧ. Быдӧс дзебӧмыс петӧ вевдӧрӧ.

Лука 8:17

Быд гусьӧна керӧмыс пондӧ тыдавны. Быдӧс дзебӧмыс ─ петӧ вевдӧрӧ.

2 Коринфын оліссезлӧ 5:10

Миянлӧ быдӧннымлӧ ковсяс локны Кристослӧн суд вылӧ. Быдӧнным босьтамӧ му вылас оліканым керӧм понда: ӧтіккез ─ бурсӧ керӧм понда, мӧдіккез ─ умӧльсӧ керӧм понда.

1 Коринфын оліссезлӧ 4:5

Сійӧн Дӧсвидзисьыс локтытӧдз мортсӧ эд осудитӧ. Пемытінас сайӧвтӧмсӧ Сія петкӧтас, морт сьӧлӧмын видзӧмсӧ осьтас. Сэк Еныс быд мортлӧ сетас сэтшӧм ошкӧм, кытшӧм колӧ.

Римын оліссезлӧ 2:16

Но лоас лун, кӧр Кристос Исус отсӧтӧн Еныс пондас судитны отирсӧ гусьӧна керӧммезныс понда. Эта йылісь ме баитлі Бур Юӧрсӧ висьтасьӧмӧ коста.