Лука 1:2 - Бур Юӧр 2019

² Лоӧмсӧ миянлӧ висьтасисӧ Ен Кывлӧ кысъяліссез, одззасянь быдӧс адззыліссез.

Лука 1:2 Referans Kwoze

Иоан 15:27

Сідз и тійӧ пондат висьтасьны Ме йылісь, тійӧ эд Мекӧт вӧліт одзза луннэзсянь».

Ап. керӧммез 26:16

Лэбтісь, сувт кок вылат. Ме сы понда и мыччаси тэныт, медбы сувтӧтны тэнӧ Аслам удж вылӧ. Тэ пондан висьтасьны, мый адззылін да мый Ме тэныт бӧрынжык осьта.

2 Петра 1:16

Мийӧ тіянлӧ юӧртім миян Дӧсвидзись Кристос Исуслӧн вын йылісь да Сы локтӧм йылісь. Мийӧ эгӧ висьтасьӧ кинсянькӧ кылӧм висьттэз, кӧдна морт юрись петісӧ. Мийӧ эд асьным адззылім Сылісь ыджыт вынсӧ.

Еврейезлӧ 2:3

Кыдз сэк мийӧ пышшам, абутӧм туйӧ кӧ пуктам эттшӧм вына мезмӧмсӧ? Сія мезмӧм йылісь медодз висьтасис Дӧсвидзисьыс. Сысянь кыліссес сыбӧрын висьтасисӧ миянлӧ да вынсьӧтісӧ: висьтасьӧмыс ─ быль.

Марк 1:1

Енлӧн Зон Кристос Исус йылісь Бур Юӧрлӧн пондӧтчӧм.

Ап. керӧммез 1:3

Кулӧм бӧрас Исусыс Аслас велӧтчиссезлӧ унаись мыччасьӧмнас сетіс тӧдны: Сія былись ловзис. Нёльдас лун сьӧрна мыччасьӧммес коста Исусыс висьтасис нылӧ Енлӧн Юралӧм йылісь.

1 Петра 5:1

Гижа вичкуын веськӧтліссезлӧ. Ме и ачым тіян кодь веськӧтлісь. Ачым адззылі Кристослісь пессьӧм-мырсьӧмсӧ. Ме лоа Сыкӧт ӧтлаын югьялӧмас, кӧда чожа оссяс. Ме кеймися тіянлӧ:

Ап. керӧммез 4:20

Адззылӧмным да кылӧмным йылісь мийӧ огӧ вермӧ чӧвны».

Лука 24:48

Тійӧ асьныт сійӧ лоӧмсӧ одззасянь медбӧрӧдз быдӧс адззыліт да кыліт.

1 Коринфын оліссезлӧ 4:1

Сідзкӧ, быдыслӧ колӧ вежӧртны: мийӧ Кристослӧ кысъяліссез, юӧртам Еныслісь тӧдлытӧм лӧсьӧтӧмсӧ.

Ап. керӧммез 1:8

Но тіян вылӧ лэдзчисяс Вежа Лов. Сысянь тійӧ вынсялат. Сэксянь Ерусалимын, Иудеяын, Самарияын да быдсӧн муыс пасьта пондат висьтасьны Ме йылісь».

Марк 4:14

Кӧдзисьыс кӧдзӧ Енлісь Кыв.

Марк 16:20

Исуслӧн велӧтчиссес мунісӧ да быдлаын висьтасисӧ Бур Юӧрсӧ. Дӧсвидзисьыс отсаліс нылӧ, висьтасьӧмнысӧ вынсьӧтіс быдкодь адззывлытӧммесӧ мыччалӧмӧн. Аминь.

Иоан 16:4

Ме тіянлӧ сійӧ висьталі, медбы тійӧ уськӧтіт тӧдвыланыт Менчим висьталӧмӧс, кӧр локтас сія кадыс. Одзжык Ачым вӧлі тіянкӧт, сійӧн сы йылісь эг баитлы».

Ап. керӧммез 8:4

Сы коста рознитчӧм веритіссес ветлӧтісӧ да висьтасисӧ Бур Юӧрсӧ.

Ап. керӧммез 14:25

Пергия карын Бур Юӧрсӧ висьтасьӧм бӧрсянь лэдзчисӧ Атталияӧ.

Ап. керӧммез 16:6

Павел Тимофейкӧт муніс Фригия да Галатия муэзӧт. Асияас юӧртны кывсӧ Вежа Лолыс падмӧтіс.

Ап. керӧммез 17:11

Сэтӧн олісь иудейес вӧлісӧ мывкыдажыкӧсь Фессалоникаын оліссезся. Нія бура кывзісӧ Кывсӧ. Быд лун висьталӧмсӧ видзӧтісӧ Вежа Гижӧттэз сьӧрті, былись я сідз гижӧм.