Иуда 1:4 - Бур Юӧр 2019

⁴ Тіян коласӧ эд казявтӧг пырисӧ Ентӧг оліссез. Миян Енным отирыс дынӧ небыт сьӧлӧма, сійӧн нія шуӧны, лэдзчисьӧмӧдз пӧ быдӧс позьӧ керны. Ӧтік Юралісь Енсӧ да миянлісь Дӧсвидзись Кристос Исуссӧ нія абутӧм туйӧ пуктӧны. Кӧркӧсянь эд вӧлі гижӧм: сэтшӧм отирсӧ лӧсьӧтӧмась Енлӧн суд вылын мыжйыны.

Иуда 1:4 Referans Kwoze

Галатияын оліссезлӧ 2:4

Вундыштыштны тшӧктісӧ отир, кӧдна вовлісӧ миян дынӧ воннэз моз. Нія тай гусьӧн мӧдісӧ видзӧтны миянлісь олӧмнымӧс. Нылӧ коліс тӧдны, кытшӧм мездӧтчӧм миянлӧ сетіс Кристос Исусыс. Нія тай миянӧс мӧдісӧ бӧр домавны Туйдӧтнас.

2 Петра 2:10

Эта висьталӧм ны йылісь, кӧдна олӧны вывтырныс ӧзйӧтчӧм сьӧрті сэрпӧсьсӧ керӧмӧн да абутӧм туйӧ пуктӧны Енлісь веськӧтлӧмсӧ. Нія асныраӧсь, озӧ полӧ видны енӧжись выннэсӧ.

1 Иоан 2:22

Бӧбӧтчисьыс сія, кӧда Исуссӧ оз пукты Кристосӧ ─ кӧсйӧм Мездӧтісьӧ. Сія Кристосыс вылӧ лэбтісьлӧ. Сія Айсӧ да Зонсӧ абутӧм туйӧ пуктӧ.

1 Петра 2:16

Еныс тіянӧс мездӧтіс, но мездӧтчӧмныт ась оз ло умӧль керӧммезнытӧ сайӧвтанӧн. Тіянлӧ эд колӧ овны кыдз Енлӧн раббезлӧ.

1 Петра 2:8

Нія и падмӧны, озӧ кывзісьӧ Еныслісь Кывсӧ да. Сідз нылӧ шуӧм лоны.

2 Тимофейлӧ 3:6

Сэтшӧммес керкуэзӧ ылӧтлӧмӧн сюрӧны, кокнит мывкыда инькаэсӧ бӧбӧтлӧны. Сэтшӧм инькаэс умӧльсӧ керӧммезнаныс тырӧмась, ӧзйӧтчӧны быдкодь ковтӧмсӧ керны.

Галатияын оліссезлӧ 5:13

Воннэзӧ, Еныс тіянӧс корис мездӧтчӧмас. Ӧні тіянӧс нем оз видз. Мездӧтчӧмас олӧмнытсянь эд лэдзчисьӧ быдӧс керны вывтырлӧ колӧм сьӧрті, но радейтӧмӧн кысъялӧ ӧтамӧднытлӧ.

2 Петра 3:7

А ӧнняся енӧжыс да муыс видзсьӧны сія жӧ Кылӧн. Еныс нійӧ видзӧ, медбы сотны биын Суд Лунӧ. Сія лунӧ Ентӧг оліссесӧ изводаласӧ.

Иуда 1:15

Сія локтӧ чулӧтны судсӧ быдӧнныс вылын, медбы осьтны умӧль керӧмнысӧ Ентӧг оліссеслісь, мыжйыны нійӧ умӧльсӧ керӧмныс понда да Сы йылісь лёк кылӧн баитӧмныс понда».

1 Петра 4:18

─ Ен сьӧрті веськыта олісьлӧ кӧ сьӧкыт мезмыны, кытчӧ сэк сюрасӧ умӧльсӧ кериссес, Ентӧг оліссес?

Ефесын оліссезлӧ 4:14

Сэк мийӧ огӧ ни лоӧ учӧт челядь кодьӧсь. Огӧ ни сюрӧ быдпӧлӧс бӧбӧтана велӧтӧммезас, кӧдна тӧв моз ас сьӧраныс ӧтмӧдӧрӧ кыскӧны. Сэтшӧм велӧтӧммес петӧны ылӧтны кужись отирсянь.

Ап. керӧммез 15:24

Мийӧ кылімӧ: миянсянь локтӧммес мукӧдыс асланыс баитӧмӧн тіянӧс ӧштӧтӧмась, тӧждісьӧмӧдз воштӧмась. Нія баитӧмась, быдӧннытлӧ колӧ пӧ керны вундыштыштан пас да овны Моисейлӧн Туйдӧт сьӧрті. Сідз баитны нылӧ мийӧ эгӧ тшӧктӧ.

Ап. керӧммез 11:23

Сэтчин локтікӧ сія казяліс Енсянь бурсетӧмсӧ. Варнаваыс сысянь гажмис. Сія велӧтіс отирсӧ быдсӧн сьӧлӧмнаныс кутчисьны Дӧсвидзисьлӧ веритӧмас.

Иоан 17:3

А пырся оланыс то мыйсянь: Тэнӧ, ӧтік былись Енсӧ да Тэнчит ыстӧм Кристос Исуссӧ тӧдӧмсянь.

Матвей 13:25

Ойнас, кӧр отирыс узисӧ, сэтчӧ вовлас лёк керись. Шогді кӧдзыс коласас сія кӧдзас ёг кӧдзыс да мунас.

Осьтӧм 15:4

Дӧсвидзисьным, Кин оз пов Тэись да оз сьылӧт Тэнчит нимтӧ? Тэ эд Ӧтнат вежаыс. Быд отирись йӧзыс локтас да копыртчас Тэныт. Ӧні эд быдӧнныс адззӧны Тэнчит веськыта судитӧмметӧ.

1 Тимофейлӧ 5:8

Кин оз тӧждісь аслас увтырись отир понда, ӧддьӧнжык гортіссес понда, сэтшӧмыс дугдіс ни веритны. Сія умӧльжык вериттӧммезся.

2 Тимофейлӧ 2:12

Пессям-мырсям кӧ, Сыкӧт юравны пондам. Суськисям кӧ Сійӧ тӧдӧмись, Сія суськисяс миянісь.

2 Петра 2:7

А веськыта олісь Лотсӧ петкӧтӧм. Сія эд мыдзӧм вӧлі овны Ентӧг оліссез коласын, кӧдна лэдзчисьӧмныссянь бӧбись кыскасьӧмась.

Иуда 1:18

Нія тіянлӧ висьтавлісӧ, медбӧрья кадас пӧ лоасӧ згальниккез. Нія пондасӧ керны умӧльсӧ асланыс ӧзйӧтчӧм сьӧрті.