Иоан 7:11 - Бур Юӧр 2019

¹¹ Иудейес кошшисӧ Сійӧ вежалун коста да юасисӧ: «Кытӧн Сія?»

Иоан 7:11 Referans Kwoze

Иоан 11:56

Локтӧм отирыс кошшисӧ Исуссӧ, Вежа Керкуын юасисӧ ӧтамӧдныслісь: «Висьталӧ, локтас-оз Сія Ыджыт лун вылас?»

Иоан 1:19

Ерусалимись иудейес ыстісӧ вежауджаліссезӧс да левиттэзӧс юавны Иоанлісь, кин сія. И Иоаныс нылӧ висьталіс ас йывсис.

Иоан 7:1

Сыбӧрын Исусыс ветлӧтіс Галилея муӧт. Иудея муӧттяс эз ни ветлӧт, иудейес Сійӧ мӧдісӧ вийны да.

Иоан 7:13

Отирыс полісӧ иудейезлӧн веськӧтліссезісь, сійӧн баитісӧ Сы йылісь гусьӧн.

Иоан 7:15

Иудейесӧ диво кутіс, нія баитісӧ: «Кытісь нӧ Сія велӧтчытӧг тӧдӧ Вежа Гижӧттэсӧ?»

Иоан 9:12

Сэк сылісь юалісӧ: «Кытӧн нӧ Сія?» Мӧдыс шуис: «Ме ог тӧд».