Иоан 3:3 - Бур Юӧр 2019

³ Исусыс сэтчӧ сылӧ висьталіс: «Тэныт быльсӧ веськыта висьтала: мортыс оз вермы адззывны Енлісь Юраланінсӧ, оз кӧ вились шогмы вылісянь».

Иоан 3:3 Referans Kwoze

2 Коринфын оліссезлӧ 5:17

Сідзкӧ, кин ӧтлаасис Кристоскӧт, сія вились аркмӧтӧм. Важыс муніс, ӧні быдӧс виль.

1 Иоан 3:9

Енсянь шогмӧмыс оз кер умӧльсӧ. Еныслісь кӧдзӧмсӧ эд сія видзӧ пытшкас. Оз вермы сія керны умӧльсӧ, Енсянь шогмӧм да.

1 Иоан 5:1

Веритӧ кӧ мортыс: Исусыс пӧ Кристос-Мездӧтісь, сія мортыс чужӧм Енсянь. Чужтісьсӧ радейтісьыс радейтӧ и Сысянь чужӧмсӧ.

Титлӧ 3:5

Сія мездіс миянӧс Аслас небыт сьӧлӧм кузя, эз кытшӧмкӧ бур керӧмным понда. Еныс миянӧс миссьӧтіс, сетіс вились шогмыны да вильмӧтіс Вежа Ловнас.

Иоан 1:13

Нія эзӧ шогмӧ вирсянь, вывтырлӧ да мортлӧ колӧмсянь, но шогмисӧ Еныссянь.

1 Иоан 2:29

Тійӧ тӧдат Сійӧ веськыта олісьӧн. Тӧдӧ и этӧ: Быд веськыта керись шогмис Сысянь.

1 Петра 1:3

Ошкам Енсӧ, миян Дӧсвидзись Кристос Исуслісь Айсӧ! Еныс Кристоссӧ ловзьӧтіс, сідз Аслас небыт сьӧлӧмсянь козьналіс миянлӧ виль олан. Сійӧн мийӧ олам Сы вылӧ надейтчӧмӧн.

Галатияын оліссезлӧ 6:15

Кристос Исускӧт ӧтлаасьӧм мортлӧ вундыштыштӧмыс нем оз сет. Колӧ, медбы тэ виль мортӧн вӧлін.

1 Иоан 5:18

Мийӧ тӧдамӧ: Енсянь шогмӧмыс оз кер умӧльсӧ. Енсянь шогмӧмыс асьсӧ видзӧ умӧльсис, и ылӧтлісьыс сійӧ оз вӧрзьӧт.

2 Коринфын оліссезлӧ 4:4

Нія озӧ веритӧ. Му вылас ыждалісь кульыс нёрӧм нылісь вежӧрнысӧ, медбы нія эзӧ адззӧ Бур Юӧрлісь югдӧтӧмсӧ, кӧда осьтӧ Кристослісь югьялӧмсӧ. Кристосыс эд Асьнас мыччаліс миянлӧ Енсӧ.

Иоан 12:40

─ Эта отирлӧн синнэзныс гусялӧмӧсь, сьӧлӧмныс чорзьӧм. Озӧ адззӧ синнэзнаныс, озӧ вежӧртӧ сьӧлӧмнаныс. Нія озӧ бергӧтчӧ Меланьӧ, медбы Ме нійӧ веськӧті.

Ефесын оліссезлӧ 2:1

Умӧль да лёк керӧмныт кузя тійӧ одзжык вӧліт кулӧмӧсь.

Иоан 1:5

Югытыс пемытсӧ югдӧтӧ. Пемытыс югытсӧ эз пӧдты.

Яков 3:17

Вылісянь сетӧм мывкыдыс сӧстӧм, лӧнь, рам, кывзісьӧ, небыт сьӧлӧмсянь бурсӧ керӧ, оз лыддьы ӧтіккезӧс мӧддэзся буржыккезӧн, оз ылӧтлы.

Иоан 1:51

Сэтчӧ содтіс: «Тіянлӧ быльсӧ веськыта висьтала: ӧнісянь пондат адззыны осьта енӧжсӧ да Енлісь ангеллэсӧ, кӧдна лэдзчӧны Морт Зон дынӧ да кайӧны енӧжас».

Матвей 16:17

Исусыс сылӧ шуис: «Шуда тэ, Симон, Ионалӧн зон. Сійӧ тэныт эзӧ осьтӧ отир, сійӧ тэныт енӧжись Менам Айӧ осьтіс.

Матвей 5:18

Ме тіянлӧ быльсӧ висьтала: енӧжыс да муыс ӧштӧдз Туйдӧтсис нельки ӧтік учӧт шыпас, ӧтік кырӧлок оз ӧш. Гижӧмыс быдӧс аркмас.

Осьтӧм 3:14

«Гиж и Лаодикия вичкуись ангелыслӧ: ─ То мый висьталӧ Сія, Кинлӧн нимыс Аминь, Еныслісь аркмӧтӧмсӧ Пондӧтісь, надейнӧй былись Висьталісь.

Матвей 19:24

Эшӧ висьтала: кокнитжык верблюдлӧ мунны ем пысӧт, нежели бура олісьлӧ пырны Енлӧн Юраланінӧ».

Матвей 21:31

Кӧда зоныс айныс тшӧктӧм сьӧрті керис?» Нія шуисӧ: «Одззаыс». Исусыс нылӧ висьталіс: «Ме тіянлӧ быльсӧ висьтала: лэдзчисьӧм инькаэс да вот ӧктіссес Енлӧн Юраланінӧ тіянся одзжык мунӧны.

Марк 9:47

Синыт кӧ тэнӧ ылӧтӧ керны умӧльсӧ, сійӧ кыскы да чапкы. Буржык тэныт Енлӧн Юраланінӧ пырны пӧв синаӧн, нежели кык синаӧн лоны шупкӧмӧн биа адӧ.

Марк 10:14

Сійӧ казялӧмсянь Исусыс лӧгасис да нылӧ висьталіс: «Лэдзӧ челядьсӧ локны Ме дынӧ, эд падмӧтӧ нійӧ. Ны коддеслӧ эд лӧсьӧтӧм Енлӧн Юраланіныс.

Иоан 3:4

Никодимыс шуис Сылӧ: «Кыдз вермас мортыс шогмыны пӧрисьувья? Вермас разь сія бӧр пырны мамыс кынӧмӧ да вились шогмыны?»

1 Иоан 5:4

Енсянь шогмӧмыс вермӧ му вылісь умӧльсӧ. Сійӧ мийӧ вермам асланым веритӧмӧн.