Иоан 2:12 - Бур Юӧр 2019

¹² Сыбӧрын Исусыс локтіс Капернаум карӧ. Сыкӧт ӧтлаын вӧлісӧ Мамыс, воннэс да велӧтчиссес. Сэтчин нія олісӧ кынымкӧ лун.

Иоан 2:12 Referans Kwoze

Матвей 12:46

Отиркӧт Исуслӧн баитӧм коста Сы дынӧ локтӧмась Мамыс воннэскӧт. Нія сулалӧмась ӧтӧрас, мӧдӧмась Сыкӧт баитны.

Галатияын оліссезлӧ 1:19

Сэтчин адззылі Дӧсвидзисьлісь Яков вонсӧ. Апостоллэс коласісь сэсся некинӧс эг адззыв.

1 Коринфын оліссезлӧ 9:5

Огӧ разь мийӧ вермӧ новйӧтны сьӧраным веритісь иньӧс, кыдз мӧд апостоллэс? Сідз эд керӧны Дӧсвидзисьлӧн воннэс да Кифаыс.

Марк 6:3

Абу разь Сія черӧн уджалісь, Мариялӧн зон? Абу разь Сія Яковлӧн, Иосиялӧн, Иудалӧн да Симонлӧн вон? Озӧ разь олӧ миян коласын Сылӧн сойес?» И нія эзӧ веритӧ Сылӧ.

Матвей 4:13

Назаретсис Сія муніс овны Капернаум карӧ, Галилея ты дорӧ. Сія муыс вӧлі Завулон да Неффалим увтырлӧн.

Иоан 6:17

пуксисӧ пыжӧ да иньдӧтчисӧ ты мӧдӧрас, Капернаум карӧ. Пемдіс ни, а Исусыс эз на лок ны дынӧ.

Матвей 11:23

Тэ Капернаум кар, енӧжӧдз мӧдан лэбтісьны? Тэ адӧдз усян. Тіянын мыччалӧм вынсӧ адззылісӧ бы Содом карын, сэк сія ӧнӧдз бы сулаліс.

Иоан 2:2

Гӧтрасьӧмсӧ порйӧтны корисӧ и Исуссӧ велӧтчиссескӧт.

Иоан 4:46

Исусыс бӧра локтіс Галилея муись Кана карӧ. Сэтчин Сія кыдзкӧ пӧртіс васӧ винаӧ. Галилеяись Капернаум карын оліс ӧксулӧн ӧтік уджалісь. Сылӧн зоныс шогалӧм.