Иоан 2:11 - Бур Юӧр 2019

¹¹ Сідз Галилея муись Кана карын Исусыс медодззаись керис адззывлытӧмсӧ. Сэтшӧма Сія мыччаліс Ассис югьялан вынсӧ, и велӧтчиссес пондісӧ Сылӧ веритны.

Иоан 2:11 Referans Kwoze

Иоан 1:14

Кылыс пӧртчис мортӧ, оліс миянкӧт. Сія вӧлі тырӧм бурсетӧмнас да быльнас. Мийӧ адззылім Сылісь югьялӧмсӧ, ӧтка Зонлӧ сія югьялӧмыс сетӧм Айсянь.

Иоан 3:2

Никодимыс ойнас локтіс Исусыс дынӧ. Сія шуис: «Велӧтісь, мийӧ тӧдам: миянӧс велӧтны Тэнӧ ыстіс Еныс. Сэтшӧм адззывлытӧм керӧммесӧ некин оз вермы керны, оз кӧ ло сыкӧт Ен».

Иоан 6:2

Сы бӧрсянь мунісӧ уна отир. Ны син одзын эд шогалісь отирсӧ веськӧтӧм коста Сія керис уна адззывлытӧмсӧ.

Иоан 6:30

Сэк нія Исусыслісь юалісӧ: «Кытшӧм пас Тэ верман мыччавны, сійӧ адззылӧм бӧрын медбы мийӧ пондім веритны Тэныт? Мый мыччалан?

Иоан 6:26

Исус шуис нылӧ: «Тіянлӧ быльсӧ веськыта висьтала: тійӧ одӧ кошшӧ Менӧ адззывлытӧммесӧ видзӧтӧмныт кузя. Тійӧ кошшат Менӧ няньсӧ пӧттӧдз сёйӧмныт кузя.

Иоан 6:14

Исуслісь адззывлытӧм керӧмсӧ адззыліссес шуисӧ: «Сія былись Енсянь Юӧртісьыс, Кӧдалӧ коліс локны му вылас».

2 Коринфын оліссезлӧ 4:17

Мийӧ ӧні мымдакӧ пессям-мырсям. Пессьӧм-мырсьӧмным абу сьӧкыт, а вайӧ миянлӧ лыдтӧм пырся ошкӧм-югьялӧм.

Иоан 14:13

Коратӧ кӧ мый Айӧлісь Менам нимӧн, Ме сійӧ кера, медбы отирыс ошкисӧ Айсӧ Зоныс понда.

Иоан 12:41

Исайыс адззылӧм Исусыслісь югьялӧмсӧ, сійӧн сідз и висьтавлӧм, Сы йылісь и баитӧм.

Иоан 12:37

Сымда адззывлытӧмсӧ керис Исусыс отирыс одзын, но нія Сылӧ эзӧ веритӧ.

Иоан 2:23

Ыджыт лун коста Исусыс вӧлі Ерусалимас. Сэк унаӧн адззылісӧ Сылісь адззывлытӧм керӧммесӧ да пондісӧ Сылӧ веритны.

Иоан 1:50

Исусыс шуис сылӧ: «Тэ пондін веритны, кӧр Ме висьталі: "Ме тэнӧ адззылі инжир пу увтісь". Висьтала: тэ адззылан сысся унажык адззывлытӧм керӧммесӧ».

1 Иоан 5:13

Ме этӧ гижи тіянлӧ, Ен Зонлӧ веритіссеслӧ, медбы тійӧ тӧдіт: Ен Зонлӧ веритат кӧ, тіян эм пырся олан.

Иоан 4:46

Исусыс бӧра локтіс Галилея муись Кана карӧ. Сэтчин Сія кыдзкӧ пӧртіс васӧ винаӧ. Галилеяись Капернаум карын оліс ӧксулӧн ӧтік уджалісь. Сылӧн зоныс шогалӧм.

Иоан 5:23

медбы Айсӧ моз быдӧнныс бурӧ пуктісӧ Зонсӧ. Мортыс оз кӧ бурӧ пукты Зонсӧ, сэк оз бурӧ пукты и Айсӧ, Кӧда ыстіс Зонсӧ.

2 Коринфын оліссезлӧ 4:6

Еныс эд тшӧктӧм югйӧвтны пемытінас югытыслӧ. Сія югдӧтіс миянлісь сьӧлӧммезнымӧс, медбы мийӧ Кристос Исус чужӧмын адззим Енлісь югьялӧмсӧ.

2 Коринфын оліссезлӧ 3:18

Осьта чужӧмӧн мийӧ видзӧтам Дӧсвидзисьыс вылӧ. Сылісь югьялӧмсӧ мийӧ адззам кыдз видзӧтчанісь. Сысянь мийӧ лунісь лунӧ вежсям, пондам югьявны Сы моз. Сэтшӧммезӧн миянӧс керӧ Дӧсвидзисьлӧн Лолыс.

Иоан 11:15

Ме эг вӧв сэтчин, сійӧн тіян понда гажми. Ӧні тійӧ пондат веритны. Локтӧ, мунам сы дынӧ».

Иоан 1:17

Туйдӧтыс вӧлі сетӧм Моисей пыр. Бурсетӧмыс да быльыс локтісӧ Кристос Исус пыр.

Иоан 1:43

Мӧд лунас Исус лӧсьӧтчис мунны Галилея муӧ. Сія панталіс Филипӧс да шуис: «Лок Ме сьӧрӧ».

Иоан 2:1

Куимӧт лунас Галилея муись Кана карын порйӧтісӧ гӧтрасьӧм. Исуслӧн мамыс вӧлі сэтчин.

Иоан 4:3

Сэк Сія Иудеясис бӧр иньдӧтчис Галилея муӧ.

Иоан 4:54

Исусыслӧн эта вӧлі мӧдік адззывлытӧм керӧм Иудея мусис Галилеяӧ бертӧм бӧрын.

Иоан 7:31

Уна отир пондісӧ веритны Исусыслӧ. Нія баитісӧ: «Кристос-Мездӧтісьыс локтас да унажык я керас адззывлытӧммесӧ эта Мортся?»

Иоан 9:16

Сэк мукӧд фарисейес шуисӧ: «Абу Сія Мортыс Енсянь, Сія эд шоччисян лунӧ керӧ сійӧ, мый сэк оз туй керны». Мӧдіккес баитісӧ: «Вермас разь керны сэтшӧм адззывлытӧммесӧ умӧльсӧ керись морт?» Нія ӧтамӧдныскӧт пондісӧ етшасьны.

Иоан 10:41

Уна отир ӧксисӧ Сы дынӧ. Нія баитісӧ: «Иоаныс эз мыччав ӧтік адззывлытӧм керӧм, но мый сія висьталіс Исусыс йылісь, быдӧс быль».

Иоан 11:47

Сэк аркирейес фарисейескӧт ӧксисӧ баитчыны. Нія шуисӧ: «Мый миянлӧ керны? Сія Мортыс уна адззывлытӧмсӧ керӧ.

Иоан 12:18

Адззывлытӧм керӧм йылісь кылӧм кузя отирыс и панталісӧ Исуссӧ.

Иоан 16:27

Айӧ Ачыс радейтӧ тіянӧс. Тійӧ эд пондіт Менӧ радейтны да веритат Ен дынсянь локтӧмам.

Иоан 16:30

Ӧні адззам: Тэ тӧдан быдӧс. Миян юавтӧдз Тэ тӧдан ни, мый висьтавны. Сійӧн веритам: Тэ локтін Ен дынсянь».