3 Нія озӧ тӧдӧ Айӧс да Менӧ, сійӧн и пондасӧ сідз керны.
Быдӧс сійӧ тіянлӧ керасӧ Менам ним понда сійӧн, мыля озӧ тӧдӧ Сійӧ, Кин Менӧ ыстіс.
Веськыта олісь Айӧ! Отирыс Тэнӧ озӧ тӧдӧ, а Ме Тэнӧ тӧда. Пондісӧ тӧдны и Тэнат сетӧммес: Тэ ыстін Менӧ.
Сія локтас ыпьялан биын да вештісяс Енсӧ тӧдтӧм отирлӧ, кӧдна эзӧ пондӧ кывзыны миян Дӧсвидзись Кристос Исуслісь Бур Юӧрсӧ.
Тійӧ Сійӧ одӧ тӧдӧ, Ме Сійӧ тӧда. Висьтала кӧ, ог Ме Сійӧ тӧд, сэк лоа тіян кодь бӧбӧтчись. Ме тӧда Сійӧ и кера Сы кыв сьӧрті.
Сэк Исусыслісь юалісӧ: «Кытӧн Тэнат Айыт?» Исусыс висьталіс: «Тійӧ одӧ тӧдӧ Менӧ, одӧ тӧдӧ Менчим Айӧс. Тӧдіт кӧбы Менӧ, сэк тӧдіт бы и Менчим Айӧс».
Оз кӧ кин радейт, сія оз тӧд Енсӧ. Еныс эд и эм радейтӧмыс.
Видзӧтӧ, кытшӧм ёна радейтӧ миянӧс Айным. Сія миянӧс пуктіс Аслас челядьӧ. Миянӧс и шуӧны Енлӧн челядьӧн. Му выліссес озӧ тӧдӧ Сійӧ, сійӧн и миянӧс озӧ тӧдӧ.
А пырся оланыс то мыйсянь: Тэнӧ, ӧтік былись Енсӧ да Тэнчит ыстӧм Кристос Исуссӧ тӧдӧмсянь.
Мийӧ тӧдам: Еныслӧн Зоныс локтіс, югдӧтіс миянӧс да сетіс мывкыдсӧ, медбы пондім тӧдны былись Енсӧ да ӧтлаасим Сылӧн былись Зонкӧт, Кристос Исускӧт. Сія и эм эд былись Еныс да пырся оланыс.
Му вылас юраліссез коласісь сійӧ мывкыдсӧ некин эз вежӧрт. Вежӧртісӧ бы, дак эзӧ бы дорӧ югьялан Дӧсвидзисьсӧ.
Кинлӧ Ме син вылӧ ог ков, сылӧ и Айӧ син вылас оз ков.
Велӧтчиссеслӧ Сія висьталіс: «Айӧ быдӧс сетіс Меным. Дзир Айыс тӧдӧ, кин Зоныс. Дзир Зоныс тӧдӧ, кин Айыс. Тӧдӧ и сія, кинлӧ Зоныс осьтас».
Ме одзжык Кристоссӧ видлі, Сылісь отирсӧ вашӧтлі, нылӧ умӧльсӧ кери. Но Кристосыс вӧлі ме дынӧ небыт сьӧлӧма. Ме эд сідз кери тӧдтӧг, Сылӧ эг верит да.
Воннэзӧ! Ме эд тӧда: тійӧ веськӧтліссезныткӧт керитӧ сідз тӧдтӧг.
Кристоссӧ мортыс оз кӧ пукты Ен Зонӧ, сылӧн абу и Ен Айыс. Кристоссӧ Ен Зонӧ пуктісьыслӧн эм и Айыс.
