Иоан 13:3 - Бур Юӧр 2019

³ Исусыс тӧдіс: Айыс быдӧс сетіс Сы киэзӧ. Сія локтіс Еныс дынісь, Еныс дынӧ и бертӧ.

Иоан 13:3 Referans Kwoze

Иоан 3:35

Айыс радейтӧ Зонсӧ, и быдӧс сетіс Сы киӧ.

Матвей 11:27

Менам Айӧ быдӧс сетіс Меным. Некин оз тӧд Зонсӧ, тӧдӧ дзир Айыс. Айсӧ некин оз тӧд, дзир Зоныс тӧдӧ. Тӧдӧ и сія, кинлӧ Зоныс осьтас.

Еврейезлӧ 1:2

Эна медбӧрья луннэзӧ Еныс баитіс миянлӧ Зоныс пыр. Сы пыр Еныс аркмӧтіс и быдӧс енӧжисьсӧ да му вылісьсӧ, быдӧс сетіс Зоныс кипод увтӧ.

Иоан 17:2

Тэ быдӧннысӧ сетін Сы кипод увтӧ. А Сія сетас пырся олан быдӧнныслӧ, кинӧс Тэ Сылӧ сетін.

Иоан 8:42

Исусыс висьталіс нылӧ: «Вӧлі бы Еныс тіян Ай, сэк и Менӧ радейтіт бы. Ме Еныс дынсянь петі да локті. Ме эг лок Ассяням, Сія Менӧ ыстіс.

Матвей 28:18

Исусыс сибӧтчис велӧтчиссес дынӧ да шуис: «Му вылын да енӧжын быдӧс вылын Ме сувтӧтӧм юравны.

1 Коринфын оліссезлӧ 15:27

Еныс быдӧс пуктіс Кристослӧн коккез увтӧ. Кӧр лоас висьталӧм, «Быдӧс Сы коккез увтын», вежӧртам: Дзир Ен Айыс ӧтнас абу Сы коккез увтын. Сія эд Ачыс быдӧс пуктіс Кристослӧн коккез увтӧ.

Ап. керӧммез 2:36

Сідзкӧ, Израильын быд морт бура тӧд: Еныс сувтӧтіс Дӧсвидзисьӧн да Кристос-Мездӧтісьӧн сійӧ Исуссӧ, Кӧдӧ тійӧ дорит пу бердӧ!»

Иоан 13:1

Эта вӧлі Ыджыт лун одзын. Исусыс тӧдіс: локтіс кад Сылӧ бертны эта му вылісь Айыс дынӧ. Исусыс радейтіс эта му вылын Сылӧ веритіссесӧ. Ассис радейтӧмсӧ нылӧ мыччаліс медбӧрӧдз.

Иоан 7:33

Исусыс шуис нылӧ: «Ме ог ни дыр ло тіянкӧт. Чожа муна Менӧ Ыстісь дынӧ.

Иоан 7:29

а Ме Сійӧ тӧда. Сія эд ыстіс Менӧ. Ме локті Сы дынсянь».

Иоан 3:13

Енӧжын олісь да енӧжись лэдзчӧм Морт Зонся сэтчин некин эз на лэбтісьлы.

Иоан 1:18

Енсӧ отирыс некӧр эзӧ адззывлӧ. Сійӧ миянлӧ мыччаліс Айыскӧт ӧтлаын олісь ӧтка Зоныс.

Лука 10:22

Велӧтчиссеслӧ Сія висьталіс: «Айӧ быдӧс сетіс Меным. Дзир Айыс тӧдӧ, кин Зоныс. Дзир Зоныс тӧдӧ, кин Айыс. Тӧдӧ и сія, кинлӧ Зоныс осьтас».

Иоан 8:14

Сэтчӧ Исусыс нылӧ висьталіс: «Ась Ме и Ас йывсим баита, Ме быльсӧ висьтала. Ме эд тӧда, кытісь локті да кытчӧ муна. А тійӧ эд одӧ тӧдӧ, кытісь Ме да кытчӧ муна.