3 Быдӧс, мый эм, керӧм Сы пыр. Сытӧг нем эз вӧв керӧм.
Миян эд ӧтік Ен ─ Ен Айным. Быдӧс Сысянь аркмис. Мийӧ и асьным Сы понда олам. Миян ӧтік Дӧсвидзисьыс ─ Кристос Исус. Быдӧс эд керӧм Сы пыр. Сы пыр и мийӧ босьтім олансӧ.
─ Дӧсвидзисьным, дзир Тэ верман босьтны лэбтӧм-ошкӧмсӧ да вынсӧ, Тэ эд быдӧс аркмӧтін. Тэнат лӧсьӧтӧм сьӧрті быдӧс аркмӧтӧм да олӧ.
Сія вӧлі му вылас. Му вылісьыс быдӧс вӧлі керӧм Сы пыр, но му вылісь отирыс Сійӧ эзӧ тӧдӧ.
Меным колӧ быдӧнныслӧ осьтны, мый сія тӧдлытӧм лӧсьӧтӧмыс, кӧдӧ Еныс одзза каддэзсянь вӧлі сайӧвтӧм. Сія быдӧс аркмӧтіс Кристос Исус отсӧтӧн.
Кылыс медодз вӧлі Енкӧт.
Веритӧмнаным мийӧ пондім тӧдны: муэз да енӧжжез быдӧс аркмӧтӧмӧсь Ен Кылӧн. Сідз тыдавтӧмсис аркмис тыдаланаыс.
Веритӧ кӧ мортыс: Исусыс пӧ Кристос-Мездӧтісь, сія мортыс чужӧм Енсянь. Чужтісьсӧ радейтісьыс радейтӧ и Сысянь чужӧмсӧ.
«Гиж и Лаодикия вичкуись ангелыслӧ: ─ То мый висьталӧ Сія, Кинлӧн нимыс Аминь, Еныслісь аркмӧтӧмсӧ Пондӧтісь, надейнӧй былись Висьталісь.
