Иоан 1:16 - Бур Юӧр 2019

¹⁶ Сылӧн быдӧс тырмӧмись мийӧ быдӧнным босьтім бурсетӧм вылӧ бурсетӧм.

Иоан 1:16 Referans Kwoze

Колосын оліссезлӧ 1:19

Айыс юрас видзӧм, медбы Зоныс быдӧсын вӧлі Сы кодь.

Римын оліссезлӧ 5:2

Сы пыр веритӧмнаным босьтім и бурсетӧмсӧ, кӧдаын ӧні олам. Мийӧ надейтчам локны Енлӧн югьяланінӧ, сійӧн ӧні гажӧтчам.

Ефесын оліссезлӧ 3:19

Сэк тійӧ тӧдат Сылісь радейтӧмсӧ, кӧдӧ мортыс аслас мывкыдӧн и вежӧртны оз вермы. Сідз тіян пытшкын лоас Еныслӧн быдӧс тырмӧмыс.

Ефесын оліссезлӧ 1:23

Вичкуыс ─ Кристослӧн Вывтырыс да Сылӧн быдӧс тырмӧмыс. Сія быдӧс тыртӧ Асьнас.

Римын оліссезлӧ 5:17

Дзир ӧтік мортлӧн лёк керӧмсянь пондӧм юравны кулӧмыс. Сэк мымдаӧн вынажык ӧтік Мортлӧн, Кристос Исуслӧн, бурсетӧмыс! Еныслісь этӧ дона бурсетӧм козинсӧ да Ен сьӧрті веськыта олӧмсӧ босьтіссес пондасӧ овны да юравны Енкӧт.

Иоан 3:34

Енлӧн Ыстӧмыс висьталӧ Енлісь кыввесӧ. Еныс эд сетӧ Сылӧ Ловсӧ лыдтӧг.

1 Петра 1:2

Ен Айным тіянӧс одззасянь ни вӧлі бӧрйӧм. Аслас Лолӧн Сія тіянӧс керис вежа отирӧн, медбы тійӧ кывзісит Кристос Исуссӧ да Сы Вирӧн сӧстӧммит. Еныслӧн бурсетӧмыс да лӧнь оланыс тіян ась содасӧ!

Матвей 13:12

Кинлӧн эм, сылӧ сетасӧ да унапӧв содтасӧ. Кинлӧн абу ─ сылісь босьтасӧ и сійӧ, мый эм.

Колосын оліссезлӧ 2:3

Сы пытшкын меддонаыс ─ адззывлытӧм мывкыдыс да быдӧс тӧдӧмыс.

Римын оліссезлӧ 8:9

Олӧ кӧ Еныслӧн Лолыс тіян пытшкын, сэк тійӧ одӧ ни олӧ вывтырныт сьӧрті. Кинлӧн абу Кристослӧн Лолыс, сія мортыс абу Сылӧн.

Лука 21:15

Ме сета тіянлӧ мывкыдсӧ да кывсӧ. Тіян вылӧ лэбтісиссеслӧ нем лоас висьтавны паныт, нія озӧ вермӧ тіянкӧт етшасьны.

Матвей 3:14

Иоаныс пондіс Сійӧ ӧвны: «Тэ локтін ме дынӧ? Тэныт эд колӧ менӧ пыртны!»

Матвей 3:11

Ме бӧрын Локтісьыс месся вынажык, нельки Сылісь кӧмкӧтсӧ нуӧтны ме абу туяна морт. Ме пырта тіянӧс ваӧн. Эта висьталӧ умӧльсӧ керӧмныт дынісь бергӧтчӧмныт йылісь. Локтісьыс тіянӧс пондас пыртны Вежа Лолӧн да биӧн.

1 Петра 1:11

Нія тӧдмавлӧмась, кин вылӧ да кытшӧм кад вылӧ мыччавлӧм ны пытшкын олісь Кристослӧн Лолыс. Лолыс висьтавлӧм одзланьсясӧ: Кристослісь пессьӧм-мырсьӧмсӧ да сы бӧрся югьялӧмсӧ.

Римын оліссезлӧ 5:20

Туйдӧтыс вӧлі сетӧм мыччавны, кытшӧм уна умӧльсӧ керӧны отирыс. Кытӧн уна умӧль керӧмыс, сэтӧн Еныслӧн бурсетӧмыс унажык.